Matthew 15:33 - Nǫ̀htsı̨ Nı̨htł'è

³³ Wecheekeè gıts'ǫ̀ hadı, “Kǫ̀ta gòlaa ts'ǫ̀ gǫǫwà ts'eèhkw'e, eyıt'à dànì dǫ haàtłǫǫ gıgha łèt'è nàts'eehdì ha?” gıìhdı.

Matthew 15:33 ပူးပေါင်းရင်းမြစ်များ

Matthew 14:15

Xèhts'ǫ̀ agodaade t'à Zezì wecheekeè hagıìhdı, “Hòt'a dzę k'ehǫǫwo eyıts'ǫ kǫ̀ta gòlaa ts'ǫ̀ gǫǫwà agǫ̀ht'e t'à dǫ hazǫǫ̀ edegha weghǫ shèts'ezhee nàgııhdì gha kǫ̀ta gòlaa ts'ǫ̀ nagı̨ı̨hɂà,” gıìhdı.

Matthew 15:32

Zezì edecheekeè gots'ǫ̀ gode, hagòhdı, “Dıı dǫ sedzeè t'à etegeèhɂı̨. Taı dzęę̀ jǫ sexè gıakw'è xè t'asìı wı̨ı̨zìı gıwàhǫǫdì-le. Bò dę nàgeetł'ì ha sǫnı t'à, degeèhdì xè nageehɂà ha dehwhǫ-le,” gòhdı.

Matthew 15:34

Zezì gots'ǫ̀ hadı, “Łèt'è dàtłǫ naxıts'ǫ?” “Łèt'è łǫ̀hdı̨ eyıts'ǫ łıwe nechà-lea mǫ̀hdaa,” gıìhdı.

Mark 6:37

Hanìkò Zezì gots'ǫ̀ hadı, “Naxı̨ t'asìı gıghàahdı.” Wecheekeè gıts'ǫ̀ hadı, “Gıgha łèt'è nàts'eèhdì nı̨dè, ek'èdı̨ sa eghàlats'ı̨ı̨dà xètłǫ sǫǫ̀mba wek'ehowı ha. Shègezhe gha, sǫǫ̀mba haàtłǫǫ wek'ehots'ehwhı ha neewǫ nì?” gıìhdı.

Luke 9:13

Hanìkò Zezì gots'ǫ̀ hadı, “Naxı̨ t'asìı gıghàahdı,” gòhdı. “Łèt'è sı̨làı eyıts'ǫ łıwe nàke zǫ gots'ǫ. Dǫ haàtłǫǫ gha weghǫ shèts'ezhee nàts'eehdì ha neewǫ nì?” gıìhdı.