Matthew 15:27 - Nǫ̀htsı̨ Nı̨htł'è

²⁷ Ts'èko hadı, “Sets'ǫ̀ k'àowo, ehkw'ı aı̨dı, hanìkò tłı̨ kò wets'ǫ k'àowo weladà k'e gots'ǫ łèt'ègwìa hodàetł'ìı sìı gedè hǫt'e,” yèhdı.

Matthew 15:27 ပူးပေါင်းရင်းမြစ်များ

Dànì Kèhoį̀wo 32:10

Sets'ǫ̀ nedzeè eteèɂı̨ xè sets'ǫ̀ ehkw'ı eghàlaı̨da ha dǫ lahoeht'ı̨ nıìle. Segeè k'ehtı̨ zǫ t'à jǫ Jordan deh nıɂàa weteèhtła ı̨lè. Ekò dıì t'aa dǫ łǫ sexè aget'ı̨ t'à nàke ts'ǫ̀ łats'ıgıhwha hǫt'e.

Matthew 15:26

Zezì yets'ǫ̀ hadı, “Chekoa gıłèt'è gıghǫ nets'ıìchı gà tłı̨ ts'ǫ̀ ts'ehk'aa sìı ehkw'ı nıìle,” yèhdı.

Matthew 15:28

Zezì yets'ǫ̀ hadı, “Ts'èko, sıì negha ehkw'ı-ahodı! Ayìı sı̨ı̨kèe sìı neghǫ̀t'à ha,” yèhdı. Eyıt'à ekòet'ıì wetì k'aàt'ıì ajà.

Matthew 5:45

Haaht'ı̨ nı̨dè Nǫ̀htsı̨ Naxıtà yak'e whedaa sìı weza aaht'e. Dǫ nezı̨ı̨, dǫ nezı̨-le ełèht'eè gogha sadeè daaɂaà ayehɂı̨; eyıts'ǫ dǫ ehkw'ı geedaa, dǫ ehkw'ı geeda-le ełèht'eè gogha chǫh at'ı̨į̀ ayehɂı̨.

Matthew 8:8

Hanìkò eghǫǫ-dǫǫ̀ gha k'àowo yets'ǫ̀ hadı, “K'àowo, sekǫ̀ naątła gha dǫ lahoeht'ı̨-le. Ekìı neyatıì t'à xàyanehtı nı̨dè secheekeè k'aàt'ıì ade ha.

Mark 7:28

Ts'èko yets'ǫ̀ hadı, “Sets'ǫ̀ K'àowo, ehkw'ı aı̨dı, hanìkò tłı̨ kò chekoa gıladà tł'a gots'ǫ łèt'ègwìa gedè hǫt'e,” yèhdı.

Luke 16:21

Dǫ ahxee weladà gots'ǫ t'asìı gwìa hodàetł'ìı sìı yeɂà ha nıwǫ eyıts'ǫ tłı̨ wekaà k'e gogeht'ò.

Luke 18:13

“Ekò sǫǫ̀mba-nàhtsį̀ı̨-dǫǫ̀ ı̨dè nàwo, ı̨dòo k'eet'į̀ ha kò dìì. Edezhį̀į̀ ts'aht'ı xè hadı, ‘Senǫ̀htsı̨ etesenèeɂı̨, hołı̨ı̨-hohtsı̨ı̨-dǫǫ̀ aht'e,’ hadıì yahtı.

Rome 10:12

Israel got'ı̨į̀ eyıts'ǫ dǫ eyıì-le xàɂaa sìı Nǫ̀htsı̨ eładı̨ gots'ǫ̀ eghàlaeda nıìle. Dǫ hazǫǫ̀ ełèht'eè gots'ǫ̀ K'àowo elı̨ hǫt'e, eyıts'ǫ dǫ hazǫǫ̀ weghǫ gınì nàtsoo sìı deɂǫ̀ǫ̀ gıxè sìghà hòɂǫ agohɂį̀.

Rome 3:19

Moses wenàowoò k'e ayìı dek'eèhtł'èe sìı dǫ gotł'aà geèhkw'ee sìı gıgha dek'eèhtł'è hǫt'e. Hanì-ı̨dè dǫ wı̨ı̨zìı “Wek'èehsǫ-le,” gedı ha dìì, eyıts'ǫ dıı nèk'e dǫ hazǫǫ̀ dànì gı̨ı̨dàa k'ę̀ę̀ Nǫ̀htsı̨ gosınìyaehtı ha hǫt'e.

Rome 3:29

Nǫ̀htsı̨ sìı Israel got'ı̨į̀ gogha zǫ Nǫ̀htsı̨ elı̨ nì? Asį̀į̀ dǫ eyıì-le xàɂaa, ededı̨ sı gogha Nǫ̀htsı̨ elı̨ nì? Hęɂę, Nǫ̀htsı̨ ı̨łè zǫ gǫ̀hłı̨ ts'ıhɂǫ̀, dǫ eyıì-le xàɂaa ededı̨ sı gogha Nǫ̀htsı̨ elı̨ hǫt'e.

Rome 3:4

Į̀le, hanì ha honàedı nıìle! Dǫ hazǫǫ̀ hogets'ì nǫǫ̀ kò Nǫ̀htsı̨ sìı t'aats'ǫǫ̀ ehkw'ı gode hǫt'e. Dıı hanì dek'eèhtł'è, “Goı̨de nı̨dè, ehkw'ı zǫ xàyaı̨htı dǫ hazǫǫ̀ yek'èezǫ ha, eyıts'ǫ t'asìı wesınìyanehtı nı̨dè t'aats'ǫǫ̀ neyatıì k'ę̀ę̀ agot'ı̨ hǫt'e,” dek'eèhtł'è.

Ephesus 3:19

eyıts'ǫ dàı̨hcho ts'ǫ̀ goghǫneètǫǫ sìı dǫ wı̨ı̨zìı yek'èezǫ nıìle, eyı wenıahdì welì. Dànì Nǫ̀htsı̨ wexè hòɂǫǫ sìı deghàà naxıdzeè yìı wehòhɂǫ welè.

Ephesus 3:8

Nǫ̀htsı̨ wets'ǫ dǫ hazǫǫ̀ gıgha sı̨ denahk'e dek'aɂį̀ ehłı̨ kò eyı wesǫnıwǫ seghǫ̀t'ǫ dahxà dıı la seghàı̨ɂǫ hǫt'e: Dǫ Israel got'ı̨į̀ agı̨ı̨t'e-le sìı Zezì-Krı dànì sıì enıìyah t'à dǫ xè sìghà agole ha sìı t'à gıts'ǫ̀ gohde ha.