Matthew 14:3 - Nǫ̀htsı̨ Nı̨htł'è

³ Eyı wekwe k'àowocho Herod weyatıì k'e John-Baptıst dagıachì xè wegǫ̀ǫ̀ ełeetł'ı̨į̀ agį̀į̀là gà dǫ-danìı̨laa-kǫ̀ nègı̨ı̨htı̨ ı̨lè. Herod edechı Phılıp wets'èkeè Herodıas yets'ıhɂǫ̀ hanì eghàlaı̨dà ı̨lè.

Matthew 14:3 ပူးပေါင်းရင်းမြစ်များ

Matthew 11:2

John-Baptıst wedaàtǫ ekò, Zezì ayìı dàhɂı̨ yeghǫ ıìkw'o ekò edecheekeè yets'ǫ̀ goèhɂà, hadı,

Matthew 14:6

Herod wedzęę̀ k'e Herodıas wetì Herod eyıts'ǫ dǫ hazǫǫ̀ yexè shègezhee sìı gogha datło. Herod sıì wegha nezı̨ t'à,

Matthew 4:12

Zezì, John-Baptıst wedaàtǫǫ̀ agı̨į̀là ghǫ ıìkw'o ekò Galılee nèk'e ts'ǫ̀ anajà.

Mark 6:14

Zezì wegodıì eyı nèk'e hazǫǫ̀ ts'ǫ̀ ajà t'à k'àowocho Herod yeghǫ ıìkw'o. Dǫ mǫ̀hdaa Zezì ghǫ hagedı, “John-Baptıst naìdà at'ı̨, eyıt'à enıìyah łǫ hohtsı̨,” gedı.

Mark 6:17

Eyı kwe k'àowocho Herod weyatıì k'e John-Baptıst dagıachì, wegǫ̀ǫ̀ ełeetł'ı̨ xè dǫ-danìı̨laa-kǫ̀ nègı̨ı̨htı̨ ı̨lè. Herod edechı Phılıp wets'èkeè Herodıas xè honìdzaa sìı yets'ıhɂǫ̀ hanì eghàlaı̨dà ı̨lè.

Mark 6:19

Herodıas John-Baptıst dzaı̨hwhǫ t'à, ełaàwı ha yı̨ı̨hwhǫ, hanìkò Herod John-Baptıst ts'àejı̨ t'à hayele ha dìì. John-Baptıst dǫ degaı elı̨ xè ehkw'ı eda yek'èezǫ t'à ełaàwı ch'à yek'èdì ı̨lè. John-Baptıst gode yeèhkw'ǫ nı̨dè yenıedì ha wegha dezhì, hanìkò ı̨łaà yeèhkw'ǫ wegha nezı̨.

Mark 6:22

Ekìıyeè k'e Herodıas wetì goyaèhtła, Herod eyıts'ǫ dǫ hazǫǫ̀ yexè shègezhee sìı gogha datło. Herod eyıts'ǫ dǫ hazǫǫ̀ gha nezı̨ at'ı̨ t'à, Herod t'eekoa ts'ǫ̀ hadı, “Ayìı neewǫǫ sìı neghàehɂà ha,” yèhdı.

Mark 8:15

Zezì gots'ǫ̀ hadı, “Edexoahdı! Pharısee gı̨ı̨lı̨ı̨ eyıts'ǫ Herodıan gı̨ı̨lı̨ı̨ sìı gıłèt'èa ch'à edexoahdı,” gòhdı.

Luke 13:1

Dǫ mǫ̀hdaa Zezì xè geèhkw'e ekò Zezì ts'ǫ̀ hagedı, “K'àowo Pılate Galılee got'ı̨į̀ mǫ̀hdaa ełaàgòı̨hdè. Nǫ̀htsı̨ ts'ǫ̀ tıts'aàdìı k'egeehk'ǫ̀ ekò dǫdoò eyıts'ǫ tıts'aàdìıdoò ełeta ayį̀į̀là,” gıìhdı.

Luke 13:31

Ekìıyeè k'e Pharısee gı̨ı̨lı̨ı̨ mǫ̀hdaa Zezì ts'ǫ̀ geède, hagıìhdı, “Jǫ gots'ǫǫ̀ t'asį̀ı̨ aąde, k'àowocho Herod ełaànìhwhı ha nıwǫ,” gıìhdı.

Luke 23:11

Eyı tł'axǫǫ̀ k'àowocho Herod eyıts'ǫ wets'ǫ eghǫǫ-dǫǫ̀ Zezì k'adageedè. K'àowochoɂeè yìı gı̨ı̨htı̨ gà k'àowo Pılate ts'ǫ̀ nageèhchì.

Luke 23:7

Zezì, k'àowocho Herod wenèè gots'ǫ at'ı̨ yek'èhoèhzà ekò Herod ts'ǫ̀ yeèhɂà. Ekìıyeè k'e Herod Jerusalem wheda ı̨lè.

Luke 3:1

Tıberıas hoònǫ-daats'ǫ̀-dı̨ xo k'àowodeè elı̨ ekò, eyıts'ǫ Pontıus-Pılate Judea nèk'e gha k'àowo elı̨ ekò, eyıts'ǫ Herod Galılee nèk'e gha k'àowo elı̨ ekò, eyıts'ǫ Herod wechı Phılıp Iturıya nèk'e eyıts'ǫ Trakonıtıs nèk'e gha k'àowo elı̨ ekò,

Luke 8:3

Dǫ Cuza wìyeh, k'àowocho Herod wekǫ̀ gogha k'àowo elı̨, eyı wets'èkeè Joanna eyı sı goxè at'ı̨. Ts'èko Susanna eyıts'ǫ eyıì-le ts'èko łǫ, t'asìı gıts'ǫ sìı t'à Zezì eyıts'ǫ wecheekeè ts'àgı̨ı̨dì.

Zezì Wecheekeèdeè 12:1

Ekìıyeè k'e k'àowocho Herod Nǫ̀htsı̨ wecheekeè mǫ̀hdaa dagoachì, dagǫ̀ǫhɂa ha nıwǫ t'à, dǫ-danìı̨laa-kǫ̀ ts'ǫ̀ agǫ̀ǫ̀là.

Zezì Wecheekeèdeè 4:27

Hęɂę, hotıì hagòjà. K'àowocho Herod eyıts'ǫ k'àowo Pılate, dǫ eyıì-le xàɂaa eyıts'ǫ Israel got'ı̨į̀ ełexè jǫ kǫ̀ta łą̀ą ełègı̨ı̨de ı̨lè. Zezì necheekeè degaı weneehchìı sìı wek'èch'a k'ehogeɂa ı̨lè.