18 Zezì gots'ǫ̀ hadı, “Jǫ seghàahwha,” gòhdı.
Hanìkò Zezì ts'ǫ̀ hagedı, “Łèt'è sı̨làı eyıts'ǫ łıwe nàke zǫ gots'ǫ,” gıìhdı.
Dǫ hazǫǫ̀ tł'oh k'e geèhkw'eè agǫ̀ǫ̀là. Eyı tł'axǫǫ̀ łèt'è sı̨làı eyıts'ǫ łıwe nàke neyı̨į̀wa, ı̨dòo yak'e ts'ǫ̀ k'eet'į̀ xè yek'eèyaı̨htı. Łèt'è nechà-lea tàyı̨ı̨zhì gà edecheekeè goghàyı̨ı̨wa, eyıts'ǫ wecheekeè dǫ gotaàgeèdì.
Zezì dǫ hazǫǫ̀, “Dèè k'e dahkw'e,” gòhdı. Eyı tł'axǫǫ̀ Zezì łèt'è łǫ̀hdı̨ neyı̨į̀wa gà yek'eèyaı̨htı. Łèt'è tàyı̨ı̨zhì gà dǫ gotaàgeedı ha edecheekeè goghàyı̨ı̨wa, eyıt'à wecheekeè hagį̀į̀là.
Zezì edecheekeè ts'ǫ̀ hadı, “Dǫ hazǫǫ̀ geèhkw'eè agıahłe,” gòhdı. Ekǫ tł'oh łǫ gǫ̀hłı̨, eyıt'à dǫ gık'eèhkw'e. Dǫzhìı zǫ ts'ı̨ı̨htà nı̨dè sı̨làı-lemì eyı dèhkw'e.
