Matthew 13:33 - Nǫ̀htsı̨ Nı̨htł'è

³³ K'achı̨ godı eyıì-le t'à goxè godo, hadı: “Nǫ̀htsı̨ Wenàowoò k'ę̀ę̀ hòɂǫǫ sìı dıı hanì hǫt'e: Ts'èko łèt'èa łè ta ayehɂį̀, łèt'èa xè łè yeehtì gà tsı̨yeehdı. Hanì t'aa łè tsı̨èhdìı sìı łèt'èa hazǫǫ̀ weta-ts'ǫ̀ at'į̀,” gòhdı.

Matthew 13:33 ပူးပေါင်းရင်းမြစ်များ

Dànì Kèhoį̀wo 18:6

Eyıt'à ekòet'ıì Abraham Sarah gà goyaèhtła, hayèhdı, “Įwhąą̀! Łè nezı̨ı̨ sìı dı̨ènǫ aı̨hda deyı̨į̀htł'ì. Łè tsı̨ı̨htsı gà łèt'è neht'è,” yèhdı.

Matthew 13:24

Zezì hadı tł'axǫǫ̀ k'achı̨ godı eładı̨ı̨ t'à goxè godo, hadı, “Nǫ̀htsı̨ Wenàowoò k'ę̀ę̀ hòɂǫǫ sìı dıı hanì hǫt'e: Dǫ ı̨łè wet'à t'asìı nezı̨ı̨ dehshee sìı dèè k'e nèyı̨ı̨la.

Mark 13:20

Nǫ̀htsı̨ eyı hagode ha sìı weghǫnahǫ̀t'eè ayį̀į̀là-le nı̨dè dǫ wı̨ı̨zìı edaxàeda ha nıìle. Hanìkò Nǫ̀htsı̨ dǫ gòį̀hchìı sìı gıgha dzę łǫ-lea adle ha.

Luke 13:21

Łèt'èa lanì hǫt'e. Eyı sìı ts'èko łè ta ayį̀į̀là, łèt'èa xè łè yeehtì gà tsı̨yeehdı. Hanì t'aa łè tsı̨èhdìı sìı łèt'èa hazǫǫ̀ weta-ts'ǫ̀ at'į̀,” gòhdı.

John 15:2

Ts'ı wekw'ıhchı̨į̀ k'e jìecho dehshe-le sìı hazǫǫ̀ xàyeht'à hǫt'e, hanìkò wekw'ıhchı̨į̀ k'e jìecho dehshee sìı yek'e xagot'à, hanì-ı̨dè jìecho denahk'e łǫ dehshe gha ayehɂı̨.

Galatıa 5:9

Ekǫ-le hoghàgoètǫ nı̨dè wet'à dàgot'ı̨ı̨ sìı wek'èahsǫ hǫt'e: “Łèt'èa łǫ-lea zǫ kò łètsı̨èhdıı ta ats'ehɂı̨ nı̨dè hazǫǫ̀ weta-ts'ǫ̀ at'į̀ hǫt'e,” ts'edı.

Phılıppı 1:6

Hotıì dıı wek'èehsǫ: Nǫ̀htsı̨ naxıdzeè yìı la nechàa kèhoį̀hwhoo sìı Zezì-Krı nǫ̀ǫtłaa dzęę̀ k'e ts'ǫ̀ yeghàlaeda ha, eyıts'ǫ ekò-ı̨dè deghàà ayele ha hǫt'e.

Phılıppı 1:9

Dıı hanì naxıgha yahtı: deɂǫ̀ǫ̀ ełeghǫnıahtǫǫ̀ aahde ha, deɂǫ̀ǫ̀ goahsǫǫ̀ aahde ha eyıts'ǫ dànì ełeghǫnıahtǫ ha sìı deɂǫ̀ǫ̀ wek'èhoahsǫ aahde ha.

2 Peter 3:18

Gots'ǫ̀ K'àowo Zezì-Krı Edaxàgolee elı̨ı̨ sìı denahk'e nezı̨į̀ wek'èahsǫ xè denahk'e wesǫnıwǫ xè aahda. Dıì gots'ǫ welǫ whìle ts'ǫ̀ ededı̨ weghàsǫts'eedı ha hǫt'e! Amen.