Matthew 13:11 - Nǫ̀htsı̨ Nı̨htł'è

¹¹ Eyıt'à Zezì gots'ǫ̀ hadı, “Naxı̨ sìı Nǫ̀htsı̨ Wenàowoò k'ę̀ę̀ hòɂǫǫ k'èahsǫ ha naxıghàhòt'ǫ hǫt'e, hanìkò dǫ eyıì-le sìı hanì gıghàhòt'ǫ nıìle.

Matthew 13:11 ပူးပေါင်းရင်းမြစ်များ

Matthew 13:10

Eyı tł'axǫǫ̀ wecheekeè dageehke, “Dànìghǫ wet'à nànıts'ewoo godıì zǫ t'à dǫ hoghàgı̨ı̨htǫ,” gıìhdı.

Matthew 16:17

Zezì yets'ǫ̀ hadı, “Jonah weza Sımon nexè sìghà hǫt'e. Dǫ dahxà eyı wek'èı̨zǫ nıìle, hanìkò Setà yak'e whedaa sìı wedahxà wek'èı̨zǫ hǫt'e.

Matthew 19:11

Zezì gots'ǫ̀ hadı, “Dǫ hazǫǫ̀ eyı yatı gìhchì ha dìì hǫt'e, dǫ hanì gıghàhòt'ǫǫ sìı zǫ eyı yatı gìhchı hǫt'e.

Matthew 20:23

Zezì gots'ǫ̀ hadı, “Lıbò wets'ǫ ehdǫ ha sìı naxı̨ sı wets'ǫ aahdǫ ha hǫt'e, hanìkò amìı segà nàgots'ehnèe wheda ha, eyıts'ǫ amìı segà gots'ı̨hts'ǫ wheda ha sìı sı̨ sets'ǫ̀ hoèlı̨ nıìle. Amìı segà wheke ha sìı Setà hòt'a gogha sıìgǫ̀ǫ̀là ı̨lè hǫt'e,” gòhdı.

Mark 10:40

hanìkò amìı segà nàgòts'ehnèe wheda ha, eyıts'ǫ amìı segà gots'ı̨hts'ǫ wheda ha sìı sı̨ sets'ǫ̀ hoèlı̨ nıìle. Amìı segà wheke ha sìı setà hòt'a gogha sıìgǫ̀ǫ̀là ı̨lè hǫt'e,” gòhdı.

Mark 4:11

Eyıt'à Zezì gots'ǫ̀ hadı, “Naxı̨ sìı Nǫ̀htsı̨ Wenàowoò k'ę̀ę̀ hòɂǫǫ k'èahsǫ ha naxıghàhòt'ǫ hǫt'e, hanìkò goxè aget'ı̨-le sìı godı zǫ t'à gıxè gohdo.

Luke 8:10

Eyıt'à Zezì gots'ǫ̀ hadı, “Naxı̨ sìı Nǫ̀htsı̨ Wenàowoò k'ę̀ę̀ hòɂǫǫ k'èahsǫ ha naxıghàhòt'ǫ hǫt'e, hanìkò dǫ eyıì-le sìı godı t'à gıxè gohdo. ‘K'egeet'į̀ kò geɂį̀ ha-le eyıts'ǫ egeèhkw'ǫ kò dàhodıì-ahodıı sìı gınıedì ha-le.’

John 6:65

Eyıt'à hagòhdı, “Eyı ts'ıhɂǫ̀ dıı hanaxèehsı̨ ı̨lè, ‘Setà dǫ sets'ǫ̀ ayı̨į̀là lenǫsıı dǫ wı̨ı̨zìı sets'ǫ̀ ade ha dìì,’ ” gòhdı.

John 7:17

Amìı Nǫ̀htsı̨ k'èı̨t'e ha sìı asį̀į̀ Nǫ̀htsı̨ wedahxà gohde, hanì-le-ı̨dè ededahxà gohde, yek'èezǫ ha hǫt'e.

Zezì Wecheekeèdeè 16:14

Ts'èko ı̨łè eyı goèhkw'ǫǫ sìı Lydıa wìyeh. Eyı ts'èko kǫ̀godeè Thıyatıra gots'ǫ ɂehtł'ı̨-dek'oo weghǫ nàedìı dǫǫ̀ elı̨ eyıts'ǫ Nǫ̀htsı̨-ghàtsį̀edıı-dǫǫ̀ elı̨. Eyı ts'èko sìı Paul dàdıı yeèhkw'ǫ t'à gots'ǫ̀ K'àowo wegha ehkw'ı-ahodı ayį̀į̀là.

Rome 11:25

Sèot'ı̨ı̨, dıı t'asìı enıìyah deɂı̨į̀ wheɂǫǫ sìı wek'èahsǫ ha naxeehwhǫ. Hanì-ı̨dè xàhoahdì aahde ha nıìle. Israel got'ı̨į̀ agı̨ı̨t'e-le gıta gots'ǫ dǫ hazǫǫ̀ edaxàgeedè gots'ǫ̀, Israel got'ı̨į̀ gıkwì dezhì ha.

1 Corınth 13:2

Yedàyeh Nezı̨ı̨ dahxà xàyahtı ha seghàhòt'ǫ nı̨dè, t'asìı deɂı̨į̀ whelaa eyıts'ǫ t'asìı dezhìı hazǫǫ̀ wenıehdì nı̨dè, eyıts'ǫ sıì segha ehkw'ı-ahodı t'à shìh nechàa nàèhdǫ ahłe ha dìì-le, hanìkò dǫ ghǫneehtǫ-le nı̨dè t'asìı ehłı̨ nıìle.

1 Corınth 15:51

Seàhkw'ǫ, yatı dǫ gha deɂı̨į̀ wheɂǫǫ sìı naxıdaehsı̨ ha: Hazǫǫ̀ ełaàts'ıde ha nıìle, hanìkò hazǫǫ̀ eładı̨į̀ ats'ede ha hǫt'e.

1 Corınth 2:14

Dǫ Yedàyeh Nezı̨ı̨ dę edaa sìı Nǫ̀htsı̨ wets'ǫ Įnì gots'ǫ t'asìı yenıedì nıìle. Eyı sìı wegha ezhı̨ne lanì, eyıts'ǫ yenıedì ha dìì. Dǫ Yedàyeh Nezı̨ı̨ wets'ǫ̀-èlı̨ nı̨dè zǫ, Nǫ̀htsı̨ ts'ǫǫ̀hk'e t'asìı yenıedì hǫt'e.

1 Corınth 2:7

Nǫ̀htsı̨ wenàowoò gǫǫzǫǫ sìı dǫ ts'ǫ̀ weghǫ gots'ede hǫt'e, eyı sìı dǫ ts'ǫ̀ deɂı̨į̀ wheɂǫ ı̨lè. Dıı nèè hòèlı̨ kwe gots'ǫ gogha wheɂǫǫ̀ ayį̀į̀là ı̨lè, eyıts'ǫ wet'à welǫ whìle ts'ǫ̀ enıìyah xè edaxàgozhe ha.

1 Corınth 4:1

Eyıt'à dǫ Zezì-Krı wecheekeè ats'ı̨ı̨t'e k'ę̀ę̀ gogıhtà welì, eyıts'ǫ Nǫ̀htsı̨ ts'ǫǫ̀hk'e t'asìı deɂı̨į̀ whelaa sìı wek'èts'eezǫ ats'ı̨ı̨t'e, gogı̨ı̨hwhǫ welì.

1 Corınth 4:7

Amìı dǫ nahk'e aaht'eè anaxį̀į̀là? T'asìı naxıts'ǫ sìı naxıghǫ̀t'ǫ hǫt'e. T'asìı naxıghǫ̀t'ǫ nı̨dè dànìghǫ t'asìı naxıghǫ̀t'ǫ-le lanì xàdahoahdì?

Ephesus 1:18

Naxıda enıìyah hòɂǫ ts'ǫ̀ naxıkayaetıı sìı naxıdzeè t'à hotıì nezı̨į̀ wek'èahsǫ ha, eyı sı gha yahtı hǫt'e. T'asìı enıìyah deè Nǫ̀htsı̨ edets'ǫ dǫ gha ts'atà whehłaa sìı goghàyele ha hǫt'e.

Ephesus 1:9

Nǫ̀htsı̨ dànıwǫǫ sìı dǫ gha deɂı̨į̀ wheɂǫ ı̨lèe sìı wek'èts'eezǫǫ̀ agǫ̀ǫ̀là. Nǫ̀htsı̨ hanì yeghàlaeda wegha nezı̨ eyıts'ǫ Zezì-Krı wedahxà hanì yeghàlaeda hǫt'e.

Ephesus 5:32

Dıı sìı gogha enıìyah dìì eyıts'ǫ wenıts'eedì ha dìì. Eyı sìı Zezì-Krı eyıts'ǫ wets'ǫ dǫ ghǫ gohde aehsı̨.

Ephesus 6:19

Sı̨ sı segha yaahtı, dǫ ts'ǫ̀ gohde nı̨dè dàehsı̨ ha sìı gha yatı seghǫ̀t'à ha t'à. Hanì-ı̨dè sınì dehjı̨-le xè godı nezı̨ı̨ weghǫ t'asìı deɂı̨į̀ whelaa sìı dǫ ts'ǫ̀ haehsı̨ ha.

Colosse 2:2

Gıdzeè nàtso ha, eyıts'ǫ dǫ ı̨łè lanì ełeghǫnegeètǫ ha, gıgha daıhɂa. Hanì-ı̨dè deghàà t'asìı k'ègeezǫǫ̀ agede ha, eyıts'ǫ Nǫ̀htsı̨ t'asìı deɂı̨į̀ whehɂǫǫ sìı k'ègeezǫǫ̀ agede ha, Zezì-Krı k'ègeezǫǫ̀ agede ha t'à.

1 Tımothy 3:16

Nǫ̀htsı̨ Zezì weghǫ ayìı k'èts'eezǫǫ̀ agǫ̀ǫ̀làa sìı sıì enıìyah dìì: Dǫ k'ę̀ę̀ wègoèht'į̀ı̨, Yedàyeh Nezı̨ı̨ ehkw'ı eghàlaı̨dà yeghǫ hadı, yak'eet'ı̨į̀ ts'ǫ̀ wègoèht'į̀ı̨, wegodıì dǫ hazǫǫ̀ xàɂaa ts'ǫ̀ nègı̨ı̨ɂǫǫ, hazǫǫ̀ nèk'e wegodıì dǫ gıgha ehkw'ı-ahodı, eyıts'ǫ enıìyah xè ı̨dòo yak'e ts'ǫ̀ nıwıìtı̨.

1 Tımothy 3:9

Nǫ̀htsı̨ wenàowoò ehkw'ıı hoghàgoètǫǫ sìı hotıì gık'èdì welì eyıts'ǫ weghǫ edınì ehkw'ı agı̨ı̨hwhǫ ha hǫt'e.

James 1:5

Naxıta dǫ ı̨łè wınì gǫǫzǫ ha nıwǫ nı̨dè Nǫ̀htsı̨ ts'ǫ̀ yawehtı. Hanì-ı̨dè Nǫ̀htsı̨ yınì gǫı̨zǫǫ̀ ayele ha. Ayìı wets'eekèe sìı weɂǫ̀ǫ̀ goghàyele ha hǫt'e, eyıts'ǫ “Ayìıha sı̨ı̨kè?” gòhdı nàgoehɂǫ ha nıìle.

1 John 2:20

Hanìkò naxı̨ sìı Nǫ̀htsı̨ wets'ǫ Įnì Degaı naxıts'ǫ̀-èlı̨ hǫt'e, eyıt'à naxı̨ hazǫǫ̀ nàowo ehkw'ıı sìı wek'èahsǫ.

1 John 2:27

Naxı̨, Yedàyeh Nezı̨ı̨ naxıghǫ̀t'ǫ ı̨lèe sìı naxıts'ǫ̀-èlı̨ hǫt'e, eyıt'à dǫ wı̨ı̨zìı hoghànaxeehtǫ-le kò. Nǫ̀htsı̨ wets'ǫ Įnì Degaı t'asìı hazǫǫ̀ hoghànaxeehtǫ hǫt'e, eyı Įnì Degaı sìı ehkw'ı gode hǫt'e, hots'ì gode nıìle. Ayìı hoghànaxeehtǫǫ sìı hotıì wek'ę̀ę̀ aahda.