Matthew 12:45 - Nǫ̀htsı̨ Nı̨htł'è

⁴⁵ Eyıt'à k'achı̨ xàèhtła. Įnìłı̨ı̨ łǫ̀hdı̨ yenahk'e sıì gıjıı sìı edexè goyagoèwa gà, dǫ yìı nàgedè. Nǫǫde ts'ǫ̀ eyı dǫ t'akwe nahk'e deɂǫ̀ǫ̀ wexè gots'eèdıì agòjà. Dıı dǫ xàgeèɂaa sìı hanì gıxè hòɂǫ ha hǫt'e,” Zezì gòhdı.

Matthew 12:45 ပူးပေါင်းရင်းမြစ်များ

Matthew 12:24

Hanìkò Pharısee gı̨ı̨lı̨ı̨ sìı egıìkw'o t'à hagedı, “Įnìłı̨ı̨ gha k'àowo dahxà ı̨nìłı̨ı̨ xàdeezhıì at'ı̨,” gedı.

Matthew 12:44

Eyıt'à hadı, ‘Edı̨į̀ gots'ǫ xàèhtłaa sìı ekǫ anahde ha,’ hadı. Dǫ yìı nǫ̀ǫtła nı̨dè, t'asìı hazǫǫ̀ nezı̨į̀ whela yeɂį̀ ha.

Matthew 17:21

Galılee nèk'e łą̀ą nègı̨ı̨de ekò Zezì gots'ǫ̀ hadı, “Dǫ-wet'àaɂàa-deè dǫ tł'aàgıhtè ha.

Matthew 23:15

“Naxı̨ Nǫ̀htsı̨-yatıì-k'èahdìı-dǫǫ̀ eyıts'ǫ Pharısee yàahłı̨ı̨ sìı naxıgha hoìla nechà ha. Degaı daahtsı̨ kò wek'ę̀ę̀ aahda nıìle! Hazǫǫ̀ nèk'e eyıts'ǫ tı sı k'e k'ehoahwho. Dǫ ı̨łàet'ea naxınàowoò k'ę̀ę̀ eda ha dahwhǫǫ sìı hak'eaht'į̀. Eyı dǫ wegòahɂǫ nı̨dè naxınahk'e wehłı̨za weahtsı̨.

Matthew 23:24

Naxı̨ sìı naxıdaà goìlee kò dǫ k'egıahɂı̨! T'asìı aahdǫǫ sìı weta ts'o nechà-lea xàahchı, hanìkò ejıe nechàa nałaahtła.

Mark 16:9

Nǫ̀htsı̨ Dzęę̀ tł'axǫǫ̀ Zezì naìdà ekò t'akwełǫ̀ǫ̀ Mary-Madlę̀ ts'ǫ̀ wègoèht'į̀. Eyı ts'èko ı̨nìłı̨ı̨ łǫ̀hdı̨ yeyìı gots'ǫ xàdeèzhì ı̨lè.

Mark 5:9

Zezì dayeehke, “Dànìyeh?” yèhdı. “Įnìłı̨ı̨ łǫ sets'ǫ̀-èlı̨ t'à, ‘Łǫ’ sìyeh,” dǫ hadı.

Luke 11:26

Eyıt'à k'achı̨ xàèhtła. Įnìłı̨ı̨ łǫ̀hdı̨ yenahk'e sıì gıjıı sìı edexè goyagoèwa gà dǫ yìı nàgedè. Eyı dǫ t'akwe nahk'e deɂǫ̀ǫ̀ wexè gots'eèdıì agòjà,” Zezì gòhdı.

Ephesus 6:12

Dǫ xè ełets'egǫ ats'et'ı̨ nıìle, hanìkò yat'a k'aodèe gı̨ı̨lı̨ı̨ eyıts'ǫ dıı nèk'e togoòtł'òo gha k'aodèe gı̨ı̨lı̨ı̨ sìı gıxè ełets'egǫ hǫt'e, eyıts'ǫ yat'a ı̨nìłı̨ı̨ nàgetsoo sìı gıxè ełets'egǫǫ̀ ats'et'ı̨ hǫt'e.

Hebrew 10:39

Hanìkò goxı̨ sìı dǫ ek'èt'à anagejà t'à gıdıhòłı̨ı̨ sìı gıta gots'ǫ ats'ı̨ı̨t'e nıìle, dǫ gıgha ehkw'ı-ahodıı xè edaxàgı̨ı̨dee sìı gıta ats'ı̨ı̨t'e.