Matthew 12:36 - Nǫ̀htsı̨ Nı̨htł'è

³⁶ Ehkw'ı anaxèehsı̨, gosınìyaetıı dzęę̀ k'e nı̨dè dǫ hazǫǫ̀ yatıts'ıì t'à gogı̨ı̨de ı̨lèe sìı wek'èxa gısınìyaetı ha.

Matthew 12:36 ပူးပေါင်းရင်းမြစ်များ

Matthew 10:15

Ehkw'ı anaxèehsı̨, gosınìyaetıı dzęę̀ k'e nı̨dè eyı kǫ̀ta gots'ǫ dǫ dagı̨ı̨ɂa ha. Kǫ̀ta Sodom eyıts'ǫ kǫ̀ta Gomorah dǫ nàı̨dè ı̨lèe sìı nahk'e dagı̨ı̨ɂa ha.

Matthew 11:22

Ehkw'ı anaxèehsı̨, gosınìyaetıı dzęę̀ k'e nı̨dè Tyre got'ı̨į̀ eyıts'ǫ Sıdon got'ı̨į̀ naxık'aɂį̀ gıgha hoìla ha hǫt'e.

Matthew 12:37

Naxıyatıì ghàà naxısınìyaetı ha. Yatı nezı̨ı̨ t'à goahde nı̨dè wek'èxa t'asanaxedle ha-le, ekò yatı nezı̨-le t'à goahde nı̨dè wek'èxa hoìla anaxedle ha,” Zezì gòhdı.

Rome 14:12

Eyıt'à dǫ hazǫǫ̀ Nǫ̀htsı̨ ts'ǫ̀ edeghǫ gogede ha hǫt'e.

Rome 2:16

Eyıt'à Nǫ̀htsı̨ dǫ-sınìyaehtıı-dzęę̀ k'e nı̨dè dǫ ayìı nàgeehɂį̀ eyıts'ǫ ededzeè t'à dàgı̨ı̨wǫǫ sìı Nǫ̀htsı̨, Zezì-Krı wet'ǫ̀ǫ̀ gosınìyaehtı ha hǫt'e. Dıı godı nezı̨ı̨ t'à gohdee sìı hotıì wek'ę̀ę̀ agode ha hǫt'e.

James 3:6

Gozhį̀į̀ k'e t'asìı whelaa gots'ǫ sìı gowalıì denahk'e hołı̨ı̨-deè hǫt'e. Wet'à edegha hoìla hots'ehtsı̨ eyıts'ǫ wet'à godıhołè. Gowalıì sìı kǫ̀ dèk'ǫ̀ǫ lanì wet'à t'asìı hazǫǫ̀ k'eek'ǫ̀, eyıts'ǫ wehłı̨kǫ̀ gots'ǫ kǫ̀ t'à gowalıì dìtła lanì.

John Wenazhıı 20:12

Eyıts'ǫ dǫ ełaı̨dèe sìı gìgoèht'į̀. Dǫ wet'àaɂàa eyıts'ǫ dǫ wet'àaɂà-le hazǫǫ̀ eyı daèhchı̨cho degoo gà nàgeèhza. Enı̨htł'ècho mǫ̀hdaa ts'ǫdaà xàaza wègaat'ı̨, eyıts'ǫ k'achı̨ enı̨htł'è ı̨łè wets'ǫdaà xàatǫ. Eyı enı̨htł'è wek'e dǫ welǫ whìle ts'ǫ̀ geeda gha gıızì dek'eèhtł'è. T'akwełǫ̀ǫ̀ enı̨htł'è whelaa wek'e ayìı dek'eèhtł'èe sìı eyı weghàà dǫ ełaı̨dèe sìı gısınìyaetı hǫt'e.