Matthew 12:35 - Nǫ̀htsı̨ Nı̨htł'è

³⁵ Dǫ nezı̨ı̨ sìı t'asìı nezı̨ı̨ ededzeè yìı whehła t'à nezı̨į̀ k'ehoɂa. Hanìkò hołı̨ı̨-hohtsı̨ı̨-dǫǫ̀ sìı nàowołı̨ı̨ ededzeè yìı whehła t'à ekǫ-le eghàlaeda.

Matthew 12:35 ပူးပေါင်းရင်းမြစ်များ

Matthew 12:34

Naxı̨ sìı wehłı̨ı̨ weza laaht'e! Hołı̨ı̨-hoahtsı̨ı̨-dǫǫ̀ aaht'e t'à t'asìı nezı̨ı̨ ghǫ goahde ha dìì. Dǫ gıdzeè yìı ayìı whelaa weghàà gogede hǫt'e.

Matthew 13:52

Zezì gots'ǫ̀ hadı, “Nǫ̀htsı̨-yatıì-k'èdìı-dǫǫ̀ Nǫ̀htsı̨ Wenàowoò k'ę̀ę̀ hoghàweehtǫ nı̨dè dǫ ahxee lanì hǫt'e. Eyı dǫ whaà gots'ǫ t'asìı nezı̨ı̨ eyıts'ǫ t'asìı nezı̨ı̨ wegòò edets'ǫ xehkǫ̀ gots'ǫ xàyele hǫt'e.”

Matthew 7:17

Eyı xèht'eè ts'ı nezı̨ı̨ sìı wek'e jìecho nezı̨ı̨ gǫ̀hłı̨, eyıts'ǫ ts'ı nezı̨-le sìı wek'e jìecho nezı̨-le dehshe.

Luke 6:45

Dǫ nezı̨ı̨ sìı t'asìı nezı̨ı̨ ededzeè yìı whehła t'à nezı̨į̀ k'ehoɂa. Hanìkò hołı̨ı̨-hohtsı̨ı̨-dǫǫ̀ sìı nàowołı̨ı̨ ededzeè yìı whehła t'à ekǫ-le k'ehoɂa. Dǫ gıdzeè yìı dàgǫ̀ht'e ghàà gogede hǫt'e.

Ephesus 4:29

Yatıjıı t'à goahde-le, hanìkò yatı wet'à dǫ gınì nàtsoò ade ha sìı t'à goahde, hanì-ı̨dè dǫ egeèhkw'ǫǫ sìı wet'à nezı̨į̀ edexègeedì xè gıt'àhoehwhı ha.

Colosse 3:16

Zezì-Krı weyatıì hazǫǫ̀ naxıdzeè yìı t'aats'ǫǫ̀ wet'à goahsǫ aahda, eyıts'ǫ wet'à hoghàłaahtǫ xè nezı̨į̀ ełek'èahdì. Naxıdzeè t'à Nǫ̀htsı̨ masì weahwhǫ eyıts'ǫ shı̨ xàɂaa t'à wegha aahjı̨.

Colosse 4:6

Dǫ ts'ǫ̀ goahde nı̨dè t'aats'ǫǫ̀ gıxè sǫdahwhǫ xè goahsǫǫ̀ gıts'ǫ̀ goahde welì, hanì-ı̨dè dànì dǫ hazǫǫ̀ ts'ǫ̀ xàyaahtı ha sìı wek'èahsǫ ha.