Matthew 12:32 - Nǫ̀htsı̨ Nı̨htł'è

³² Eyıts'ǫ Dǫ-wet'àaɂàa-deè k'èch'a gogede nı̨dè eyı gıghǫ nahoezhe ha, hanìkò dǫ Yedàyeh Nezı̨ı̨ k'èch'a gogede nı̨dè gıghǫ nahoezhe ha-le. Dıì gıghǫ nahoezhe ha-le eyıts'ǫ ı̨daà sı gıghǫ nahoezhe ha-le.

Matthew 12:32 ပူးပေါင်းရင်းမြစ်များ

Matthew 11:19

Dǫ-wet'àaɂàa-deè nììtła ekò shètı̨ xè yedǫ, eyıt'à dıı hagedı, ‘Bò gha edì-le xè yedǫ ghaewı. Sǫǫ̀mba-nàhtsį̀ı̨-dǫǫ̀ eyıts'ǫ hołı̨ı̨-hogehtsı̨ı̨-dǫǫ̀ edeàgı̨ą gòt'ı̨,’ gedı. Wet'à gots'ı̨ı̨zǫǫ sìı wek'ę̀ę̀ ts'eeda nı̨dè hoɂıì gok'e wègaat'ı̨ ha hǫt'e,” Zezì gòhdı.

Matthew 12:31

Ehkw'ı anaxèehsı̨, hołı̨ı̨ hazǫǫ̀ eyıts'ǫ Nǫ̀htsı̨ k'èch'a gots'edee sìı dǫ ghǫ nahoezhe ha hǫt'e, hanìkò Yedàyeh Nezı̨ı̨ k'èch'a gogede nı̨dè gıghǫ nahoezhe ha-le.

Matthew 12:8

Dǫ-wet'àaɂàa-deè sìı Nǫ̀htsı̨ Dzęę̀ gha k'àowo elı̨ hǫt'e,” Zezì gòhdı (edeghǫ godeè-adı).

Matthew 13:22

Dǫ mǫ̀hdaa sìı wet'à t'asìı dehshee ı̨chį̀ghoò ta nàı̨tł'ı lagı̨ı̨t'e. Godı gıìkw'o hanìkò t'asìı łǫ ghǫ nànıgedè eyıts'ǫ sǫǫ̀mba łǫ gı̨ı̨wǫ t'à edeghǫyageeɂà lanì geeda. Eyıt'à yatı nezı̨ı̨ wedıhogehtsı̨ xè t'asìı nezı̨ı̨ wı̨ı̨zìı xàhogehwhı-le.

Matthew 13:39

Eyı dǫ wet'à tł'oh nezı̨-le dehshee dèè k'e ayı̨į̀làa sìı wehłı̨ı̨ hǫt'e. Eyı dzęę̀ k'e t'asìı dıìdìı hazǫǫ̀ nàgehtsį̀ı̨ sìı nǫǫde dzęę̀ hǫt'e, eyıts'ǫ k'àowo wecheekeè t'asìı nezı̨ı̨ hazǫǫ̀ xehkǫ̀ goyageewaa sìı yak'eet'ı̨į̀ agı̨ı̨t'e.

Matthew 13:40

“Tł'oh nezı̨-le sìı xàgehdlà gà gık'eehk'ǫ̀ǫ sìı nǫǫde dzęę̀ k'e nı̨dè eyı lagode ha.

Matthew 13:55

Dechı̨-eghàlaedaa-dǫǫ̀ weza nıìle nì? Wemǫ Mary wìyeh nì? Eyıts'ǫ wechı sı James, Joseph, Sımon eyıts'ǫ Zhıdàà agı̨ı̨t'e-le nì?

Matthew 8:20

Zezì yets'ǫ̀ hadı, “Nǫgèe gıɂǫ gǫ̀hłı̨ eyıts'ǫ chı̨ą sı gıt'oh gǫ̀hłı̨, hanìkò Dǫ-wet'àaɂàa-deè edı̨į̀ kwìhɂǫ ha gǫ̀hłı̨-le,” yèhdı.

Mark 10:30

eda gots'ǫ̀ ı̨łèakw'eènǫ laàtłǫ ts'ǫ̀ weghǫ̀zhe ha. (Dıı nèk'e wekǫ̀, wechı, wedè, wemǫ, weza, eyıts'ǫ wets'ǫ dèè daı̨ɂa xè weghǫ̀zhe ha.) Eyıts'ǫ ı̨daà welǫ whìle ts'ǫ̀ eda eyı sı weghǫ̀t'à ha.

Mark 3:28

Ehkw'ı anaxèehsı̨, hołı̨ı̨ hazǫǫ̀ eyıts'ǫ Nǫ̀htsı̨ k'èch'a gots'edee sìı dǫ ghǫ nahoezhe ha hǫt'e.

Mark 3:29

Hanìkò Yedàyeh Nezı̨ı̨ k'èch'a gogede nı̨dè eyı gıghǫ nahoezhe ha nıìle. Eyı hołı̨ı̨ sìı welǫ whìle ts'ǫ̀ gık'e wheɂǫ ha hǫt'e,” gòhdı.

Luke 12:10

Eyıts'ǫ amìı Dǫ-wet'àaɂàa-deè k'èch'a godee sìı weghǫ nahoezhe ha, hanìkò amìı Yedàyeh Nezı̨ı̨ k'èch'a godee sìı weghǫ nahoezhe ha-le.

Luke 16:8

“K'àowo, wecheekeè hanì edegha gǫǫzǫǫ̀ k'ehoɂa t'à yeghǫ nezı̨į̀ xàyaı̨htı. Dǫ Nǫ̀htsı̨ k'ègeezǫ-le sìı edexèht'eè dǫ xè nezı̨į̀ eghàlageeda gha gogı̨ı̨zǫ. Hanì ełexè eghàlageeda t'à, dǫ gıxè dzęh agǫ̀ht'ee sìı nahk'e gogı̨ı̨zǫ,” hadı.

Luke 18:30

k'èxa dıì edaa sìı t'asìı weɂǫ̀atłǫ weghǫ̀zhe ha, eyıts'ǫ ı̨daà welǫ whìle ts'ǫ̀ edaa eyı sı weghǫ̀t'à ha,” Zezì gòhdı.

Luke 23:34

Zezì hadı, “Setà, gıghǫ nahoı̨le, dàget'ı̨ı̨ sìı gık'èezǫ nıìle t'à,” hadı. Eghǫǫ-dǫǫ̀ wegoht'ǫǫ̀ ełetaàgeelè gha ekw'ǫą k'egehdè.

Luke 7:34

Dǫ-wet'àaɂàa-deè nììtła ekò shètı̨ xè yedǫ, eyıt'à dıı haahdı, ‘Bò gha edì-le xè yedǫ ghaewı. Sǫǫ̀mba-nàhtsį̀ı̨-dǫǫ̀ eyıts'ǫ hołı̨ı̨-hogehtsı̨ı̨-dǫǫ̀ edeàgı̨ą gòt'ı̨,’ wèahdı.

John 7:12

Hanìkò dǫdeè nı dǫ łǫ Zezì ghǫ ełets'ǫ̀ gogede. Dǫ mǫ̀hdaa hagedı, “Dǫ nezı̨ hǫt'e,” mǫ̀hdaa hagedı, “Į̀le ne, eghǫyaeɂàa-dǫǫ̀ elı̨ ne,” gedı.

John 7:39

Zezì ayìı ghǫ godee sìı Yedàyeh Nezı̨ı̨ ghǫ godeè-adı. Dǫ hazǫǫ̀ ehkw'ı adı yı̨ı̨hwhǫǫ sìı nǫǫde-ı̨dè Yedàyeh Nezı̨ı̨ gık'e ade ha. Zezì ı̨łaà yak'e ts'ǫ̀ ajà-le t'à Yedàyeh Nezı̨ı̨ dǫ k'e ajà-le.

John 7:52

K'aodèe gıts'ǫ̀ hadı, “Nı̨ sı Galılee got'ı̨į̀ anet'e nì? Enı̨htł'è wek'eyaąhtı nı̨dè, Galılee nèk'e gots'ǫ nakwenàoɂǫǫ nììtła ha nıìle wek'èı̨zǫ ha ı̨lè,” gıìhdı.

Zezì Wecheekeèdeè 3:19

Eyıt'à edek'eahłı̨ eyıts'ǫ Nǫ̀htsı̨ ts'ǫ̀ anaahde, hanì-ı̨dè naxıhołı̨į̀ naxıghǫ nahoezhe ha,

Ephesus 1:21

Įdòo yat'a k'aodèe hazǫǫ̀ xàɂaa eyıts'ǫ k'aodèe gıızì gǫ̀hłı̨ı̨ sìı hazǫǫ̀ gınahk'e Zezì k'àowodeè elı̨į̀ ayį̀į̀là. Dıì gogha zǫ k'àowodeè yèhtsı̨ nıìle hanìkò ı̨daà hòɂǫ gha sı ayį̀į̀là hǫt'e.

1 Tımothy 1:13

Įnę̀ę Nǫ̀htsı̨ wek'èch'a xàyahtı ı̨lèe, eyıts'ǫ yıdaeht'e t'à Nǫ̀htsı̨ wecheekeè dagìıhɂa ı̨lè. Hanìkò dàht'ı̨į̀-aht'ı̨ı̨ sìı wek'èehsǫ-le ı̨lè eyıts'ǫ segha ehkw'ı-ahodı-le t'à hanì eghàlaıhdà t'à Nǫ̀htsı̨ sets'ǫ̀ wedzeè eteèɂı̨ ı̨lè.

1 Tımothy 1:15

Dıı yatı sìı hotıì ehkw'ı hǫt'e, dǫ hotıì edegha gìhchı ha hǫt'e: Zezì-Krı hołı̨ı̨-hogehtsı̨ı̨-dǫǫ̀ edaxàgole ha, dıı nèk'e ts'ǫ̀ ajà. Sı̨ sìı gıta gots'ǫ denahk'e hołı̨ı̨-hohtsı̨ı̨-dǫǫ̀ aht'e ı̨lè.

1 Tımothy 4:8

Gozhį̀į̀ hòtł'ò eghàlaeda ats'ehɂı̨ı̨ sìı yaazea zǫ wet'àaɂà, ekò Nǫ̀htsı̨ wınì k'ę̀ę̀ ts'eedaa sìı t'asìı hazǫǫ̀ gha wet'àaɂà hǫt'e, dıì ts'eedaa gha eyıts'ǫ ı̨daà ts'eeda gha Nǫ̀htsı̨ edeyatıì goghàı̨ɂǫ ne t'à.

1 Tımothy 6:17

Dıı nèk'e dǫ ahxee gı̨ı̨lı̨ı̨ sìı dıı yatı gıghàı̨ɂà. Xàhogııdì-le eyıts'ǫ t'asìı gıts'ǫ sìı ghǫ hòtł'ò agı̨ı̨wǫ ha-le, hǫtsaa gıghǫ whìle ade ha sǫnı t'à. Hanìkò Nǫ̀htsı̨ gha gınì nàtso ha hǫt'e. Ededı̨ sìı wet'à sìts'eèt'ı̨ı̨ nàts'edè gha t'asìı hazǫǫ̀ goghàyele hǫt'e.

2 Tımothy 4:10

Demas dıı nèk'e t'asìı whelaa ghǫneètǫ t'à sets'ǫǫ̀ ajà xè kǫ̀ta Thessalonıca ts'ǫ̀ ajà. Crescens Galatıa nèk'e ts'ǫ̀ ajà, eyıts'ǫ Tıtus Dalmatıa nèk'e ts'ǫ̀ ajà.

Tıtus 2:12

Eyı wet'à t'asìı hazǫǫ̀ Nǫ̀htsı̨ wınì k'ę̀ę̀ nıìle sìı, eyıts'ǫ dıı nèk'e t'asìı weghats'eewıı sìı ts'ǫ̀ į̀le ts'edı gha hoghàgoètǫ hǫt'e. Eyıts'ǫ wet'à dıı nèk'e nàowołı̨ı̨ ch'à edek'èts'edì ha, ehkw'ı ts'eeda ha, eyıts'ǫ Nǫ̀htsı̨ wek'ę̀ę̀ ts'eeda ha, wek'èts'eezǫ hǫt'e.

James 1:27

Nǫ̀htsı̨ gogha ehkw'ı-ahodı nı̨dè Nǫ̀htsı̨-Gotà dıı hanì wegha eghàlats'eedaa sìı wınì k'ę̀ę̀ degaı xè hołı̨ı̨ dę hǫt'e: eyı sìı ts'ınake eyıts'ǫ ts'èko gıdǫǫ̀ ełaı̨dèe gıgha hoìla sìı gıts'àts'edı, eyıts'ǫ dıı nèk'e nàowołı̨ı̨ ch'à edek'èts'edì.