Matthew 12:31 - Nǫ̀htsı̨ Nı̨htł'è

³¹ Ehkw'ı anaxèehsı̨, hołı̨ı̨ hazǫǫ̀ eyıts'ǫ Nǫ̀htsı̨ k'èch'a gots'edee sìı dǫ ghǫ nahoezhe ha hǫt'e, hanìkò Yedàyeh Nezı̨ı̨ k'èch'a gogede nı̨dè gıghǫ nahoezhe ha-le.

Matthew 12:31 ပူးပေါင်းရင်းမြစ်များ

Luke 12:10

Eyıts'ǫ amìı Dǫ-wet'àaɂàa-deè k'èch'a godee sìı weghǫ nahoezhe ha, hanìkò amìı Yedàyeh Nezı̨ı̨ k'èch'a godee sìı weghǫ nahoezhe ha-le.

Zezì Wecheekeèdeè 7:51

“Naxı̨ naxıkwì nàtsoo aaht'e. Naxıdzeè t'à Nǫ̀htsı̨ ts'ǫ̀ naahɂa-le eyıts'ǫ naxıdzıìhkw'ǫǫ̀ t'à wekaɂaàhkw'ǫ-le. Naxıcho gıxèaht'e, t'aats'ǫǫ̀ Yedàyeh Nezı̨ı̨ k'èch'a eghàlaahda.

Hebrew 10:26

Nàowo ehkw'ıı wek'èts'eezǫǫ̀ agòìdlà kò k'èdaà hołı̨ı̨ hots'ehtsı̨ ha ts'ı̨ı̨wǫ nı̨dè, gohołı̨į̀ k'èxa t'asìı Nǫ̀htsı̨ ghàts'eɂà ha sìı gǫ̀hłı̨-le agode ha,

Hebrew 10:29

Dǫ Nǫ̀htsı̨ Weza wegha t'asìı elı̨-le, wedoò t'à nakenahòdlı̨ı̨ t'à wehołı̨į̀ whìle adlàa sìı wegha wet'àaɂà-le nı̨dè, eyıts'ǫ Nǫ̀htsı̨ wesǫnıwǫ t'à Yedàyeh Nezı̨ı̨ goghǫ̀t'ǫǫ sìı yek'èch'a eghàlaı̨dà nı̨dè eyı dǫ sìı denahk'e hòtł'ò nàweekwa ha hǫt'e.

Hebrew 6:4

Dǫ Nǫ̀htsı̨ wegodıì k'ègeezǫǫ̀ agììdlà tł'axǫǫ̀ Nǫ̀htsı̨ t'asìı nezı̨ı̨ goghàı̨ɂǫǫ sìı gınıedì nı̨dè, eyıts'ǫ Yedàyeh Nezı̨ı̨ gık'e ajà tł'axǫǫ̀,

1 John 1:9

Gohołı̨į̀ ghǫ Nǫ̀htsı̨ ts'ǫ̀ hǫdets'eedè nı̨dè edeyatıì k'èdì ha eyıts'ǫ ehkw'ı gosınìyaehtı ha: goghǫ nahoele xè Zezì wedoò t'à gohołı̨į̀ k'enaetse.

1 John 5:16

Amìı wèot'ı̨ hołı̨ı̨ hohtsı̨ı̨ eyıts'ǫ yet'à welǫ whìle ts'ǫ̀ ełaàwı ha-le yek'èezǫ nı̨dè eyı dǫ gha yawehtı, hanì-ı̨dè Nǫ̀htsı̨ edaà ayele ha. Dǫ hołı̨ı̨ hogehtsı̨ hanìkò yet'à ełaàgede-le sìı awèehsı̨. Hołı̨ı̨ mǫ̀hdaa wet'à welǫ whìle ts'ǫ̀ ełaàts'ewı hǫt'e, hanìkò dǫ hanì hołı̨ı̨ hohtsı̨ı̨ sìı eyı gha yawehtı dehsı̨į̀-aehsı̨-le.