Matthew 12:28 - Nǫ̀htsı̨ Nı̨htł'è

²⁸ Ekò Nǫ̀htsı̨ wets'ǫ Įnì Degaı dahxà ı̨nìłı̨ı̨ xàdeehshı nı̨dè Nǫ̀htsı̨ Wenàowoò naxını wehòhɂǫ hǫt'e.

Matthew 12:28 ပူးပေါင်းရင်းမြစ်များ

Matthew 12:18

“Secheekeè wììhchìı sìı jǫ nàwo. Ededı̨ weghǫneehtǫ xè weghǫ sǫdehwhǫ hǫt'e. Yedàyeh Nezı̨ı̨ wets'ǫ̀ ahłe ha eyıts'ǫ dǫ hazǫǫ̀ xàɂaa dànì ehkw'ı geedaa ghǫ hoghàgoehtǫ ha.

Matthew 12:29

“K'achı̨ dıı hats'edı ghǫ nànıahdè: dǫ nàtsoo t'akwełǫ̀ǫ̀ dawets'eèzà lenǫsıı wekǫ̀ enìxàts'eezhì gà wets'ǫ t'asìı ts'eeɂį̀ ha dìì. Dawets'eèzà tł'axǫǫ̀ nı̨dè zǫ wekǫ̀ gots'ǫ t'asìı ts'eeɂį̀ ha dìì-le.

Matthew 21:31

“Eyıt'à eyı weza nàke sìı amìı edetànì k'ę̀ę̀ eghàlaı̨dà?” Zezì gòhdı. Zezì ts'ǫ̀ hagedı, “Edeza t'akwełǫ̀ǫ̀ daı̨hkee sìı,” gıìhdı. Zezì gots'ǫ̀ hadı, “Ehkw'ı anaxèehsı̨, sǫǫ̀mba-nàgehtsį̀ı̨-dǫǫ̀ egedì-le eyıts'ǫ ts'èkojıı naxıkwe-t'ıì Nǫ̀htsı̨ Wenàowoò k'ę̀ę̀ hòɂǫǫ goyageedè ha.

Matthew 21:43

“Eyıt'à naxıts'ǫ̀ dıı haehsı̨: Nǫ̀htsı̨ Wenàowoò k'ę̀ę̀ hòɂǫǫ sìı naxıghǫ naìchı ha eyıts'ǫ dǫ eyıì-le wınì k'ę̀ę̀ eghàlageeda ha sìı gıghaelı̨ ha.

Matthew 4:24

Syrıa nèk'e hazǫǫ̀ wegodıì gıìkw'o t'à dǫ eyagı̨ı̨lı̨ı̨ sìı hazǫǫ̀ Zezì ts'ǫ̀ gogeèwa. Dǫ tàda deè t'à eyagı̨ı̨lı̨ı̨, dǫ ı̨nìłı̨ı̨ gıts'ǫ̀-èlı̨ı̨, dǫ edoo t'à eyagı̨ı̨lı̨ı̨, eyıts'ǫ dǫ gıkw'ǫǫ̀ ełaı̨dèe sìı hazǫǫ̀ Zezì k'aàt'ıì agǫǫ̀là.

Matthew 6:33

Naxı̨ sìı, Nǫ̀htsı̨ Wenàowoò k'ę̀ę̀ hòɂǫǫ hak'eaht'į̀ eyıts'ǫ wek'ę̀ę̀ ehkw'ı ts'eeda ha dahwhǫ, eyı haahłà nı̨dè t'asìı hazǫǫ̀ wet'à ts'eedaa sı naxıghàyele ha hǫt'e.

Mark 1:15

Dǫ ts'ǫ̀ dıı hadı, “Hòt'a Nǫ̀htsı̨ Wenàowoò k'ę̀ę̀ nèhòkw'ı ha ts'ǫ̀ whaà-le agòjà. Edek'eahłı̨ xè godı nezı̨ı̨ naxıgha ehkw'ı-ahodı welè!” gòhdı.

Mark 11:10

Gocho Davıd wetł'axǫǫ̀ K'àowocho elı̨ ha sìı wexè sìghà welè! Hosanna! Nǫ̀htsı̨ weghàsǫts'eedı!” gedı.

Mark 16:17

Eyıts'ǫ dǫ gıgha ehkw'ı-aehsı̨ı̨ sìı enıìyah hogehtsı̨ ha: Sedahxà ı̨nìłı̨ı̨ xàdegeezhı ha; yatı eładı̨ı̨ xàɂaa k'ę̀ę̀ gogede ha;

Luke 10:11

‘Naxıkǫ̀ta gots'ǫ ehtł'è gokètł'a dexı̨į̀ht'ee sìı naxınadąą̀ wedets'eechı hǫt'e, eyı wet'à edeghǫ į̀į̀zhaahłı̨ ha. Ehkw'ı anaxèehsı̨: Nǫ̀htsı̨ Wenàowoò k'ę̀ę̀ nèhòkw'ı ha ts'ǫ̀ whaà-le agòjà hǫt'e.’

Luke 11:20

Hanìkò Nǫ̀htsı̨ wedahxà ı̨nìłı̨ı̨ xàdeehshı nı̨dè Nǫ̀htsı̨ Wenàowoò naxıts'ǫ̀ ajà hǫt'e.

Luke 16:16

“John-Baptıst nììtła haı̨wa gots'ǫ̀ Moses wenàowoò eyıts'ǫ nakwenàoɂǫǫ gıyatıì t'à dǫ hoghàgogeètǫ ı̨lè. Ekò gots'ǫ Nǫ̀htsı̨ Wenàowoò k'ę̀ę̀ hòɂǫǫ wegodıì nezı̨ı̨ t'à dǫ ts'ǫ̀ gogı̨ı̨de. Eyıt'à dǫ hazǫǫ̀ sexè welè gı̨ı̨wǫ t'à Nǫ̀htsı̨ Wenàowoò k'ę̀ę̀ hòɂǫǫ goyageedè ha nàhogehdè.

Luke 9:2

Eyı tł'axǫǫ̀ Nǫ̀htsı̨ Wenàowoò k'ę̀ę̀ hòɂǫǫ sìı t'à dǫ hoghàgeehtǫ ha eyıts'ǫ dǫ eyaelı̨ı̨ k'aàt'ıì agele ha kǫ̀ta yàgòlaa ts'ǫ̀ goèhɂà.

Rome 14:17

Nǫ̀htsı̨ wenàowoò sìı dǫ shègezhee eyıts'ǫ t'asìı gedǫ hanıı ghǫ nıìle, hanìkò Yedàyeh Nezı̨ı̨ wedahxà ehkw'ı ts'eedaa, goxè sìghà hòɂǫǫ eyıts'ǫ godzeè t'à goınàa, eyı ghǫ ahodı hǫt'e.

Colosse 1:13

Togoòtł'òo dǫ ts'ǫ̀ k'àhowo gots'ǫ edaxàgoı̨la t'à, Edeza ghǫneètǫǫ sìı wenàowoò k'ę̀ę̀ hòɂǫǫ ts'ǫ̀ agǫ̀ǫ̀là.

Hebrew 12:28

Eyıt'à welǫ whìle ts'ǫ̀ Nǫ̀htsı̨ wenàowoò k'ę̀ę̀ hòɂǫǫ goxè hòɂǫǫ̀ adlàa sìı weghǫ masì ts'ı̨ı̨wǫ welì. Nǫ̀htsı̨ wınì k'ę̀ę̀ wegha ts'eeda welì, godzeè t'à wets'ǫ̀ nezı̨į̀ nats'ııɂà, wets'àts'eejı̨ xè weghǫ enehots'ıìhsah welì.

1 John 3:8

Amìı hołı̨ı̨ nàowoò k'ę̀ę̀ edaa sìı wehłı̨ı̨ nàowoò k'ę̀ę̀ eghàlaeda hǫt'e, kèhoį̀wo gots'ǫ wehłı̨ı̨ sìı hołı̨ı̨ hohtsı̨ ne t'à. Nǫ̀htsı̨ Weza sìı wehłı̨ı̨ wılaà yedıhohtsı̨ gha jǫ ajà ı̨lè.