Matthew 12:25 - Nǫ̀htsı̨ Nı̨htł'è

²⁵ Hanìkò dànì nànıgedèe sìı Zezì gok'èezǫ t'à hagòhdı, “K'àowocho wenèk'e dǫ ełets'ǫ̀ xànıgı̨ı̨ɂa nı̨dè k'àowo wenèè weghǫ wedıhołè ha. Eyıts'ǫ kǫ̀ta hanì-le-ı̨dè ı̨łèhkǫ̀ goyìı dǫ ełek'èch'a geeda nı̨dè dǫ gıxè hoìla agode ha.

Matthew 12:25 ပူးပေါင်းရင်းမြစ်များ

Matthew 9:4

Zezì dànì nànıgedèe sìı gok'èezǫ t'à hagòhdı, “Dànìghǫ naxıdzeè yìı nàowołı̨ı̨ t'à nànıahdè?

Mark 2:8

Ekòet'ıì Zezì edets'ǫ ınì t'à dànì ededzeè t'à nànıgedèe sìı gok'èezǫ t'à hagòhdı, “Dànìghǫ hanì nànıahdè?

John 21:17

K'achı̨ taı t'à Zezì yets'ǫ̀ hadı, “John weza Sımon, seghǫneę̀tǫ nì?” yèhdı. Peter, Zezì taà-eht'aà hayèhdı t'à wegha dìì agòjà. Peter hayèhdı, “Sets'ǫ̀ K'àowo t'asìı hazǫǫ̀ k'èı̨zǫ ne, neghǫneehtǫ sek'èı̨zǫ hǫt'e,” yèhdı. Zezì yets'ǫ̀ hadı, “Sesahzǫ̀ą gıwàı̨dı.

1 Corınth 2:11

Dǫ wı̨ı̨zìı dǫ ı̨łè dànıwǫǫ sìı yek'èezǫ nıìle, eyı dǫ wets'ǫ ı̨nì zǫ yek'èezǫ hǫt'e. Eyı xèht'eè dǫ wı̨ı̨zìı Nǫ̀htsı̨ dànıwǫǫ sìı yek'èezǫ nıìle, Nǫ̀htsı̨ wets'ǫ Įnì Degaı zǫ yek'èezǫ hǫt'e.

Galatıa 5:15

K'èdaà ełek'èch'a goahde xè ełets'ǫ̀ yıdaaht'e nı̨dè ełedıhoahtsı̨ ha hǫt'e.

Hebrew 4:13

T'asìı hazǫǫ̀ hòèlı̨ı̨ sìı ı̨łè kò Nǫ̀htsı̨ wenaàhtǫ wheɂǫ nıìle. T'asìı hazǫǫ̀ wegha ts'ǫwhela xè wenadąą̀ wègaat'ı̨, eyıts'ǫ t'asìı hazǫǫ̀ k'èxa gosınìyaehtı ha hǫt'e.

John Wenazhıı 16:19

Kǫ̀godeè Babylon taı ts'ǫ̀ łats'ıgoı̨dla eyıts'ǫ dıı nèk'e kǫ̀godeè hazǫǫ̀ nàgoı̨tł'ı. Nǫ̀htsı̨ sìı Babylon got'ı̨į̀ gıhołı̨į̀ yenadì t'à eyı k'èxa nàgoı̨hkwa. Nǫ̀htsı̨ gots'ǫ̀ wek'èch'a t'à hòtł'ò dagı̨ı̨ɂa ha goghàhòı̨ɂǫ.

John Wenazhıı 2:23

Ts'èko wecheekeè hazǫǫ̀ ełaàgehde ha. Hanì-ı̨dè Nǫ̀htsı̨ wecheekeè hazǫǫ̀ dǫdzeè yìı eyıts'ǫ dǫnì yìı k'eeht'į̀ aht'e sek'ègeezǫ ha. Eyıts'ǫ naxıhołı̨į̀ k'èxa naxık'eehkwa hǫt'e sek'ègeezǫ ha.