Matthew 12:18 - Nǫ̀htsı̨ Nı̨htł'è

¹⁸ “Secheekeè wììhchìı sìı jǫ nàwo. Ededı̨ weghǫneehtǫ xè weghǫ sǫdehwhǫ hǫt'e. Yedàyeh Nezı̨ı̨ wets'ǫ̀ ahłe ha eyıts'ǫ dǫ hazǫǫ̀ xàɂaa dànì ehkw'ı geedaa ghǫ hoghàgoehtǫ ha.

Matthew 12:18 ပူးပေါင်းရင်းမြစ်များ

Matthew 12:17

Eyı hagòjàa sìı nakwenàoɂǫǫ Isaıah yeghǫ goı̨de ı̨lèe sìı wek'ę̀ę̀ agòjà. Dıı hadı ı̨lè,

Matthew 17:5

Įłaà Peter gode ekò k'oh gımǫǫ̀ ajà. K'oh yìı gots'ǫ gots'edeè hǫt'e, “Dıı Seza weghǫneehtǫ hǫt'e, weghǫ sǫdehwhǫ hǫt'e, weàhkw'ǫ!” hats'edıì hǫt'e.

Mark 1:11

Yak'e gots'ǫ dıı hats'edıì hǫt'e, “Nı̨ Seza anet'e, neghǫneehtǫ eyıts'ǫ neghǫ sìghà dehwhǫ,” hats'edıì hǫt'e.

Mark 9:7

Hǫtsaa k'oh gımǫǫ̀ ajà. K'oh yìı gots'ǫ gots'edeè hǫt'e, “Dıı Seza hǫt'e, weghǫneehtǫ; weàhkw'ǫ!” hats'edıì hǫt'e.

Luke 23:35

Dǫ hazǫǫ̀ eyı nàgeèhzaa sìı gıghàeda, eyıts'ǫ k'aodèe Zezì k'adageedè, hagedı, “Dǫ eyıì-le edaxàwhela. Chrıst Nǫ̀htsı̨ gogha yį̀į̀hchì at'ı̨ nı̨dè, edaxàdııtè,” gedı.

Luke 3:22

Yedàyeh Nezı̨ı̨ Zezì k'e ajà, k'àba degoo lanì wègaat'ı̨. Yak'e gots'ǫ dıı hats'edıì hǫt'e, “Nı̨ Seza anet'e, neghǫneehtǫ eyıts'ǫ neghǫ sìghà dehwhǫ,” hats'edıì hǫt'e.

Luke 4:18

“Gots'ǫ̀ K'àowo wets'ǫ Yedàyeh Nezı̨ı̨ sek'e ajà, dǫ etegeèt'ı̨ı̨ sìı godı nezı̨ı̨ gıts'ǫ̀ nèehɂà ha sį̀į̀hchì hǫt'e. Dǫ gıdanìı̨laa sìı dànì xàgeedè agede ha, dǫ gıdaà goìlee sìı dànì k'egeet'į̀ agede ha, eyıts'ǫ dǫ gıxè hoìlaa sìı dànì edaxàgeedè ha ghǫ gıts'ǫ̀ gohde ha. Nǫ̀htsı̨ dǫ ts'ǫ̀ sǫnıwǫǫ sìı dǫ ts'ǫ̀ haehsı̨ ha sı̨ı̨hɂà hǫt'e,” hanì dek'eèhtł'èe sìı yek'eyaı̨htı.

Luke 9:35

K'oh yìı gots'ǫ gots'edeè hǫt'e, “Dıı Seza hǫt'e, wììhchì hǫt'e, weàhkw'ǫ,” hats'edıì hǫt'e.

John 3:34

Nǫ̀htsı̨ dǫ gots'ǫ̀ yı̨ı̨hɂàa sìı yeyatıì t'à gode hǫt'e, Nǫ̀htsı̨, Yedàyeh Nezı̨ı̨ deghàà wets'ǫ̀-èlı̨ ayį̀į̀là.

Zezì Wecheekeèdeè 11:18

Hadı gots'ǫ̀ goı̨de tł'axǫǫ̀ dǫ t'asagedı ha dìì t'à Nǫ̀htsı̨ ghàsǫgeedı, “Nǫ̀htsı̨ sìı dǫ eyıì-le xàɂaa gı̨ı̨lı̨ı̨ kò edek'egı̨ı̨lı̨ nı̨dè edaxàgole ha goghàhòı̨ɂǫ nǫǫ̀,” gedı.

Zezì Wecheekeèdeè 14:27

Kǫ̀godeè Antıoch nègı̨ı̨ɂe ekò Nǫ̀htsı̨ wecheekeè hazǫǫ̀ xè ełegıadì. Nǫ̀htsı̨ dànì goxè eghàlaı̨dà eyıts'ǫ dànì Nǫ̀htsı̨ dǫ eyıì-le xàɂaa gınì nàtsoò agǫ̀ǫ̀làa sìı hazǫǫ̀ gots'ǫ̀ hagedı.

Ephesus 1:6

Edeza ghǫneètǫǫ sìı wets'ıhɂǫ̀ t'asìı k'èxa-le wesǫnıwǫ enıìyah goghàı̨ɂǫ t'à, hazǫǫ̀ weghàsǫts'eedı welì.

Colosse 1:1

Sı̨ Paul, Nǫ̀htsı̨ wedahxà Zezì-Krı wecheekeèdeè aht'e. Gòet'ı̨ Tımothy sexè dıı enı̨htł'è kǫ̀ta Colosse got'ı̨į̀, Zezì-Krı wets'ıhɂǫ̀ degaı gı̨ı̨lı̨ı̨ xè gınì nàtsoo sìı gıts'ǫ̀ ts'ı̨ı̨tł'è: Nǫ̀htsı̨-Gotà naxıts'ǫ̀ sǫnıwǫ welè, eyıts'ǫ naxıxè sìghà hòɂǫ ayııle.

Colosse 1:13

Togoòtł'òo dǫ ts'ǫ̀ k'àhowo gots'ǫ edaxàgoı̨la t'à, Edeza ghǫneètǫǫ sìı wenàowoò k'ę̀ę̀ hòɂǫǫ ts'ǫ̀ agǫ̀ǫ̀là.

1 Peter 2:4

Amìı wets'ǫ̀ aahjàa sìı “kwe wet'à ts'eedaa” wìyeh. Dıı nèk'e ts'ǫ dǫ eyı kwe gı̨ı̨wǫ-le, hanìkò Nǫ̀htsı̨ eyı kwe wegha sıì wet'àhoòɂà ne t'à yį̀į̀hchì hǫt'e.

2 Peter 1:17

Yak'e gots'ǫ Nǫ̀htsı̨-Gotà ededı̨ Zezì xè enıìyah hòɂǫ xè weghàsǫedıì ayį̀į̀là hǫt'e, yets'ǫ̀ dıı hadı t'à, “Dıı Seza hǫt'e, weghǫneehtǫ, eyıts'ǫ weghǫ sǫdehwhǫ hǫt'e,” yeghǫ hadı ı̨lè.