Matthew 12:10 - Nǫ̀htsı̨ Nı̨htł'è

¹⁰ Dǫ ı̨łè wılà ełeènııtsoo eyı wheda. Pharısee gı̨ı̨lı̨ı̨ sìı Zezì k'e nìdahogeeɂà ha gı̨ı̨wǫ t'à gıts'ǫ̀ hadı, “Gonàowoò k'ę̀ę̀ ha nı̨dè, asį̀į̀ Nǫ̀htsı̨ Dzęę̀ k'e dǫ k'aàt'ıì ats'ele ha dìì-le?” gıìhdı.

Matthew 12:10 ပူးပေါင်းရင်းမြစ်များ

Matthew 12:2

Pharısee gı̨ı̨lı̨ı̨ sìı gogıaɂı̨ ekò Zezì ts'ǫ̀ hagedı, “Gıghàı̨da! Nǫ̀htsı̨ Dzęę̀ k'e ayìı wets'àet'ǫǫ sìı hagehɂı̨,” gedı.

Matthew 19:3

Pharısee gı̨ı̨lı̨ı̨ sìı geèhdzà ha gıts'ǫ̀-ède. Dageehke, hagıìhdı, “Gonàowoò k'ę̀ę̀ ha nı̨dè asį̀į̀ gots'èkeè t'alàa-sìı k'èxa ɂǫ̀wets'eehxà ha dìì-le?” gıìhdı.

Mark 3:2

Dǫ mǫ̀hdaa Zezì k'e nìdahogeeɂà ha gı̨ı̨wǫ t'à hotıì gıxoehdı, asį̀į̀ Nǫ̀htsı̨ Dzęę̀ k'e dǫ k'aàt'ıì ale ha sǫnı gı̨ı̨wǫ.

Luke 11:54

Edahxǫ ekǫ-le xàyahtı ha gı̨ı̨wǫ t'à t'aats'ǫǫ̀ t'asìı gha Zezì dageehke.

Luke 13:14

Nǫ̀htsı̨ Dzęę̀ k'e Zezì k'aàt'ıì ayį̀į̀là t'à, ełègehdèe-kǫ̀ gha k'àowo wek'èch'a. Eyıt'à dǫ hazǫǫ̀ ts'ǫ̀ hadı, “Eghàlats'eeda gha ek'ètaı dzęę̀ whela hǫt'e. K'aàt'ıì aahde ha dahwhǫ nı̨dè eyı dzęę̀ k'e aaht'ı̨, hanìkò Nǫ̀htsı̨ Dzęę̀ k'e haaht'ı̨-le,” gòhdı.

Luke 20:22

K'àowodeè Caesar, sǫǫ̀mba wets'àts'eehdìı sìı asį̀į̀ eyı negha ehkw'ı ne?” gıìhdı.

Luke 23:14

Gots'ǫ̀ hadı, “Dıı dǫ sets'ǫ̀ aahłàa sìı wet'à dǫ hazǫǫ̀ nàdahogehdè dahdı. Naxıdaà dawııhke hanìkò ekǫ-le eghàlaı̨dà-le t'à ayìı wek'e nìdahoehɂà ha sìı wek'èehsǫ-le.

Luke 23:2

Gık'e nìdahogį̀ı̨ɂǫ, hagedı, “Dıı dǫ sìı gonèk'e weghǫ nàdahoowo, eyıts'ǫ ‘K'àowodeè Caesar wets'àts'eehdì ha-le,’ hadı eyıts'ǫ ‘K'àowocho Chrıst, eyı aht'e’ edèhdı,” gedı.

John 5:10

Eyıt'à Israel gha k'aodèe eyı dǫ k'aàt'ıì ajàa sìı ts'ǫ̀ hagedı, “Nǫ̀htsı̨ Dzęę̀ k'e agǫ̀ht'e, gonàowoò k'èch'a netè k'enehchı,” gıìhdı.

John 5:3

Eyı wetł'a dǫ-eyaelı̨ı̨ łǫ whete. Mǫ̀hdaa gıdaà goìlee, mǫ̀hdaa k'egedè-le eyıts'ǫ mǫ̀hdaa gıkw'ǫǫ̀ ełaı̨dè.

John 7:23

Moses wenàowoò nàahzhì ha-le dahwhǫ t'à Nǫ̀htsı̨ Dzęę̀ k'e dǫzhìa nàweet'àa sìı naxıgha t'asanìle hǫt'e. Ekò sı̨ Nǫ̀htsı̨ Dzęę̀ k'e dǫ deghàà k'aàt'ıì ahɂı̨ nı̨dè dànìghǫ weghǫ sets'ǫ̀ ààhch'e?

John 8:6

Hanì dageehkee sìı yatı t'à geèhdzà, ekǫ-le xàyaı̨htı nı̨dè gık'e nìdahogeeɂà ha gı̨ı̨wǫ t'à, agıìhdı. Hanìkò Zezì edelakw'ǫǫ̀ t'à dèè k'e eetł'è.

John 9:16

Pharısee mǫ̀hdaa Zezì ghǫ hagedı, “Eyı dǫ at'ı̨ı̨ sìı Nǫ̀htsı̨ Dzęę̀ k'èdì nıìle t'à, Nǫ̀htsı̨ gots'ǫ at'ı̨ nıìle,” gedı. Hanìkò mǫ̀hdaa hagedı, “Dıı hanì enıìyah hòèhtsı̨ nı̨dè dànì hołı̨ı̨-hohtsı̨ı̨-dǫǫ̀ welè?” gedı t'à ełek'ę̀ę̀ agı̨ı̨wǫ-le agejà.