Matthew 11:4 - Nǫ̀htsı̨ Nı̨htł'è

⁴ Zezì gots'ǫ̀ hadı, “John-Baptıst ts'ǫ̀ anaahde. Ayìı aahɂı̨ı̨ eyıts'ǫ ayìı aàhkw'oo sìı hazǫǫ̀ wets'ǫ̀ haahdı:

Matthew 11:4 ပူးပေါင်းရင်းမြစ်များ

Matthew 11:3

“Dıı hanì daweahke: Dǫ ı̨łè jǫ nììtła ha ı̨lèe sìı asį̀į̀ eyı anet'e? Eyı anet'e-le nı̨dè asį̀į̀ dǫ eyıì-le danats'eèhɂı̨ ha, hawèahdı,” gòhdı.

Matthew 11:5

Dǫ gıdaà goìlee sìı k'egeet'į̀, k'egedè-le sìı k'egedè, gıkwǫ̀ tàda t'à eyagı̨ı̨lı̨ı̨ sìı k'aàt'ıì agejà, gıdzıì goìlee sìı egeèhkw'ǫǫ̀ agejà, ełaàgı̨ı̨dèe sìı nagìdà eyıts'ǫ dǫ-teèt'ı̨ı̨ sìı godı nezı̨ı̨ egıìkw'o.

Matthew 15:30

Dǫ łǫ gıts'ǫ̀-ède. Dǫ k'egedè-le, dǫ gıdaà goìlee, dǫ gogede-le eyıts'ǫ dǫ-eyagı̨ı̨lı̨ı̨ hazǫǫ̀ Zezì gà nègogį̀ı̨wa t'à k'aàt'ıì agǫ̀ǫ̀là.

Matthew 21:14

Eyı hagòjà tł'axǫǫ̀, dǫ gıdaà goìlee eyıts'ǫ dǫ k'egedè-le sìı hazǫǫ̀ Nǫ̀htsı̨kǫ̀-gocho gà Zezì ts'ǫ̀ nègı̨ı̨de t'à k'aàt'ıì agǫ̀ǫ̀là.

Matthew 8:3

Zezì edılà dǫ k'e ayį̀į̀là, hayèhdı, “Hęɂę, hahwhǫ! K'aàt'ıì anede!” yèhdı. Ekòet'ıì wekwǫ̀ tàda whìle ajà.

John 14:11

Setà xè ı̨łè zǫ aht'e eyıts'ǫ Setà sexè ı̨łè zǫ hǫt'e dehsı̨ nı̨dè ehkw'ı aehsı̨ seahwhǫ. Naxıgha ehkw'ı-ahodı-le nı̨dè enıìyah hòwhıhtsı̨ı̨ sìı eyı weghàà naxıgha ehkw'ı-ahodı welè.

John 5:36

“Hanìkò ayìı eghàlaehdaa sìı John-Baptıst weyatıì nahk'e wet'àaɂà hǫt'e. Setà la seghàı̨ɂǫǫ sìı weghǫ naht'è ts'ǫ̀ weghàlaehdaà aht'ı̨. Eyı la weghàahda weghàà, Setà jǫ ts'ǫ̀ sı̨ı̨hɂàa sìı wek'èahsǫ ha.