Matthew 11:29 - Nǫ̀htsı̨ Nı̨htł'è

²⁹ Senàowoò edek'e aahłe eyıts'ǫ hoghànaxııhtǫ. Dǫ ts'ǫ̀ sedzeè nezı̨ xè k'èeweèt'ı̨ aht'e. Sek'èaht'e nı̨dè naxıdzeè xè ts'èwhı̨į̀ hòɂǫ ha.

Matthew 11:29 ပူးပေါင်းရင်းမြစ်များ

Matthew 17:5

Įłaà Peter gode ekò k'oh gımǫǫ̀ ajà. K'oh yìı gots'ǫ gots'edeè hǫt'e, “Dıı Seza weghǫneehtǫ hǫt'e, weghǫ sǫdehwhǫ hǫt'e, weàhkw'ǫ!” hats'edıì hǫt'e.

Matthew 21:5

“Jerusalem got'ı̨į̀ gıts'ǫ̀ dıı haahdı, ‘Naxıts'ǫ k'àowocho ts'èwhı̨į̀ nıwǫ xè tłı̨tsoa weza k'e dawheda xè naxıts'ǫ̀ nayahte,’ ” nakwenàoɂǫǫ hadı ı̨lè.

Matthew 28:20

Eyıts'ǫ yatı hazǫǫ̀ naxıghàıhɂǫǫ sìı gık'į̀ı̨t'e ha hoghàgıahtǫ. Nǫǫde dzęę̀ agode ts'ǫ̀ t'aats'ǫǫ̀ naxıxè aht'e ha hǫt'e,” gòhdı.

Matthew 7:24

“Eyıt'à amìı seyatıì ıìkw'o xè yek'ę̀ę̀ edaa sìı dǫ gǫǫzǫǫ kwe k'e edekǫ̀ gòhtsı̨ı̨ lanì hǫt'e.

Luke 8:35

Dǫ hazǫǫ̀ ekǫ dàgòjàa sìı geɂį̀ ha gı̨ı̨wǫ t'à ekǫ geède. Zezì ghǫnègı̨ı̨de ekò eyı dǫ ı̨nìłı̨ı̨ weyìı gots'ǫ xàèdee sìı Zezì gà wheda gıaɂı̨. Goht'ǫ yìı wheda xè wınì k'aàt'ıì ajà, eyıt'à dǫ hazǫǫ̀ geèhyeh.

John 13:15

Hanì naxıghàlaıhdàa sìı wek'ę̀ę̀ eghàlaahda ha, naxı̨ sı weghàà haaht'ı̨ ha naxıdaà hahłà hǫt'e.

John 13:17

Hòt'a eyı hazǫǫ̀ wek'èahsǫ ne t'à wek'ę̀ę̀ eghàlaahdà nı̨dè naxıxè sìghà ha hǫt'e,” gòhdı.

Zezì Wecheekeèdeè 7:37

“Moses ededı̨-t'ıì Israel got'ı̨į̀ ts'ǫ̀ dıı hadı ı̨lè, ‘Nǫ̀htsı̨ sìı xàè naxıta gots'ǫ, sı̨ lanı, nakwenàoɂǫǫ naxıts'ǫ̀ ayele ha,’ gòhdı ı̨lè.

1 Corınth 9:21

Eyıts'ǫ dǫ, Moses wenàowoò dę geedaa sìı gıxèht'eè ehda, Zezì-Krı gha geehnè ha dehwhǫ t'à. (Nǫ̀htsı̨ wenàowoò wedę ahłe ha dìì, Zezì-Krı wenàowoò tł'a whıhda t'à.)

2 Corınth 10:1

Dǫ mǫ̀hdaa seghǫ dıı hagedı, “Paul gogà wheda nı̨dè ts'èwhı̨ą gots'ǫ̀ gode hanìkò gogà wheda-le nı̨dè yatı nàtsoo t'à gots'ǫ̀ gode,” sègedı. Zezì-Krı dànì wedzeè nezı̨ı̨ xè ts'èwhı̨į̀ anıwǫ k'ę̀ę̀ naxıghǫnàdaehtì.

2 Corınth 10:5

Nǫ̀htsı̨ k'èch'a xàyaetıı hazǫǫ̀ eyıts'ǫ t'asìı hazǫǫ̀ Nǫ̀htsı̨ ch'à agohɂı̨ı̨ sìı wedıhots'ehtsı̨ eyıts'ǫ nànıhowo hazǫǫ̀ ts'ìhchı gà Zezì-Krı k'èı̨t'e ats'ehɂı̨ hǫt'e.

Phılıppı 2:5

Naxınì Zezì-Krı wınì xèht'e welè.

1 Thessalonıca 4:2

Gots'ǫ̀ K'àowo Zezì wedahxà yatı hoghànaxets'eèhtǫǫ sìı wek'èahsǫ hǫt'e.

2 Thessalonıca 1:8

Ekò nı̨dè dǫ Nǫ̀htsı̨ k'ègeezǫ-le xè gots'ǫ̀ K'àowo Zezì wegodıì nezı̨ı̨ k'èagı̨ı̨t'e-le sìı dagı̨ı̨ɂaà agole ha.

Hebrew 5:9

Denahk'e elı̨ awììdlà tł'axǫǫ̀, dǫ hazǫǫ̀ yek'èı̨t'ee sìı welǫ whìle ts'ǫ̀ Edaxàgolee whelı̨.

1 John 2:6

Amìı “Nǫ̀htsı̨ wek'ę̀ę̀ ehda,” hadıı sìı Zezì dànì ı̨ı̨dàa sìı k'ę̀ę̀ eda ha hǫt'e.