Matthew 11:27 - Nǫ̀htsı̨ Nı̨htł'è

²⁷ “Setà t'asìı hazǫǫ̀ setł'aà whelaà ayı̨į̀là. Dǫ wı̨ı̨zìı Nǫ̀htsı̨ Weza k'èezǫ nıìle; Nǫ̀htsı̨-Gotà zǫ yek'èezǫ. Dǫ wı̨ı̨zìı Nǫ̀htsı̨-Gotà k'èezǫ nıìle; Weza zǫ yek'èezǫ hǫt'e. Eyıts'ǫ Weza amìı gòìhchıı sìı Nǫ̀htsı̨-Gotà k'ègeezǫǫ̀ agohɂı̨.

Matthew 11:27 ပူးပေါင်းရင်းမြစ်များ

Matthew 28:18

Zezì gogà nììtła xè gots'ǫ̀ hadı, “Įdòo yak'e eyıts'ǫ dıı nèk'e t'asìı hazǫǫ̀ ts'ǫ̀ k'àowo ehłı̨ ha seghàhòt'ǫ hǫt'e.

Luke 10:22

“Setà t'asìı hazǫǫ̀ setł'aà whelaà ayį̀į̀là. Dǫ wı̨ı̨zìı Nǫ̀htsı̨ Weza k'èezǫ nıìle; Gotà zǫ yek'èezǫ. Dǫ wı̨ı̨zìı Nǫ̀htsı̨-Gotà k'èezǫ nıìle; Weza zǫ yek'èezǫ hǫt'e. Eyıts'ǫ Weza dǫ gòį̀hchìı sìı Nǫ̀htsı̨-Gotà k'ègeezǫǫ̀ agohɂı̨,” Zezì hadı.

John 1:18

Dǫ wı̨ı̨zìı Nǫ̀htsı̨ aɂı̨ whìle. Nǫ̀htsı̨ ededı̨ ı̨łàet'ee zǫ Nǫ̀htsı̨-Gotà gà whedaa sìı, Nǫ̀htsı̨ k'èts'eezǫǫ̀ agǫ̀ǫ̀là.

John 10:15

Eyı xèht'eè Setà sek'èezǫ, eyıts'ǫ Setà wek'èehsǫ hǫt'e, eyıts'ǫ sesahzǫ̀ą gıgha ełaehwhı ha.

John 13:3

Zezì, Wetà t'asìı hazǫǫ̀ ts'ǫ̀ k'àowo ayį̀į̀là, yek'èezǫ. Nǫ̀htsı̨ gots'ǫ at'ı̨ eyıts'ǫ Nǫ̀htsı̨ ts'ǫ̀ anade ha edek'èezǫ.

John 17:6

“Dıı nèk'e dǫ hazǫǫ̀ seghàneelaa sìı nek'ègeezǫǫ̀ agèhłà. Nets'ǫ agı̨ı̨t'e ı̨lèe sìı seghàgınèela, eyıts'ǫ neyatıì k'èagı̨ı̨t'e.

John 3:35

Nǫ̀htsı̨ edeza ghǫneètǫ hǫt'e, eyıts'ǫ t'asìı hazǫǫ̀ gha k'àowo elı̨į̀ ayı̨į̀là.

John 6:46

Dǫ wı̨ı̨zìı Gotà aɂı̨ whìle, Nǫ̀htsı̨ wets'ǫ ne sìı ededı̨ zǫ Gotà eɂı̨ hǫt'e.

John 7:29

hanìkò sı̨ wets'ǫ aht'ı̨ eyıts'ǫ jǫ ts'ǫ̀ sı̨ı̨hɂà hǫt'e t'à, wek'èehsǫ hǫt'e,” gòhdı.

1 Peter 3:22

Zezì-Krı yak'e ts'ǫ̀ ajà xè Nǫ̀htsı̨ gà nàgòts'ehnèe wheda, eyıts'ǫ yak'eet'ı̨į̀ hazǫǫ̀ eyıts'ǫ k'aodèe gı̨ı̨lı̨ı̨ hazǫǫ̀ gık'į̀ı̨t'eè agììdlà.

1 John 2:23

Amìı Nǫ̀htsı̨ Weza yegha ehkw'ı adı-le sìı Nǫ̀htsı̨-Gotà xè at'ı̨ nıìle, hanìkò amìı Nǫ̀htsı̨ Weza yegha ehkw'ı adıı sìı Nǫ̀htsı̨-Gotà xè at'ı̨ hǫt'e.

2 John 1:9

Amìı Zezì nakweè ts'ıɂǫ̀ tı̨mǫeda xè Zezì wegodıì hoghàweètǫǫ sìı yek'èdì-le nı̨dè Nǫ̀htsı̨ yexè at'ı̨ nıìle. Ekò amìı t'aats'ǫǫ̀ Zezì wegodıì k'èdìı sìı Nǫ̀htsı̨-Gotà eyıts'ǫ Weza wexè agı̨ı̨t'e hǫt'e.