Matthew 11:20 - Nǫ̀htsı̨ Nı̨htł'è

²⁰ Zezì hadı tł'axǫǫ̀ kǫ̀ta deɂǫ̀ǫ̀ enıìyah hòèhtsı̨ı̨ sìı ekǫ gots'ǫ dǫ, edek'egı̨ı̨lı̨-le t'à ekǫ-le eghàlagı̨ı̨dà gòhdı, goghǫ gode.

Matthew 11:20 ပူးပေါင်းရင်းမြစ်များ

Matthew 12:41

Dǫ hazǫǫ̀ gısınìyaetı nı̨dè, Nıneveh got'ı̨į̀ dıı dǫ xè nàgeèhza ha, ‘Dıı dǫ ekǫ-le eghàlagı̨ı̨dà,’ gedı ha. Nakwenàoɂǫǫ Jonah Nıneveh got'ı̨į̀ ts'ǫ̀ goı̨de ekò edek'egı̨ı̨lı̨ xè gınì eładı̨į̀ ajà ı̨lè. Hanìkò dıì, Jonah nahk'e elı̨ı̨ sìı jǫ wheda hǫt'e.

Mark 16:14

Nǫǫde wecheekeè hoònǫ-daats'ǫ̀-ı̨łè shègezhe ekò Zezì gota wègoèht'į̀. Zezì naìdà tł'axǫǫ̀ dǫ ts'ǫ̀ wègoèht'į̀ı̨ sìı ı̨łaà gıgha ehkw'ı agedı-le t'à, “Dànìghǫ naxınì nàtso-le?” Zezì gòhdı.

Mark 9:19

Zezì gots'ǫ̀ hadı, “Naxı̨ dǫ yàahłı̨ı̨ sìı naxıgha ehkw'ı-ahodı-le. Dàwhaà ts'ǫ̀ naxıxè aht'e ha? Dàwhaà ts'ǫ̀ sınì tsį̀ahwhı ha?” Hadı tł'axǫǫ̀ dǫzhìa wetà ts'ǫ̀ hadı, “Neza sets'ǫ̀ wı̨ı̨hchı,” yèhdı.

Zezì Wecheekeèdeè 17:20

Nàowo ładı̨ı̨ gota k'eneɂaa sìı wenıts'eedì-le, ayìı dàı̨dıı sìı wek'èts'eezǫ ha ts'ı̨ı̨wǫ,” gıìhdı.

2 Corınth 12:21

K'achı̨ naxıts'àhtła nı̨dè, Senǫ̀htsı̨ naxıghǫ į̀į̀zhaehłı̨į̀ asele ha sǫnı. Naxıta dǫ łǫ ı̨nę̀ę gots'ǫ hołı̨ı̨ hogèhtsı̨ı̨ sìı gıghǫ sedzeè nànııtì ha sǫnı. Hołı̨ı̨ nàowoò k'ę̀ę̀ ełek'alagedèe sìı weghǫ edek'egı̨ı̨lı̨-le sǫnı dehwhǫ t'à, gıghǫ hòtł'ò nànıhwho.

James 1:5

Naxıta dǫ ı̨łè wınì gǫǫzǫ ha nıwǫ nı̨dè Nǫ̀htsı̨ ts'ǫ̀ yawehtı. Hanì-ı̨dè Nǫ̀htsı̨ yınì gǫı̨zǫǫ̀ ayele ha. Ayìı wets'eekèe sìı weɂǫ̀ǫ̀ goghàyele ha hǫt'e, eyıts'ǫ “Ayìıha sı̨ı̨kè?” gòhdı nàgoehɂǫ ha nıìle.

John Wenazhıı 16:11

eyıts'ǫ gıkaà łǫ xè gıgha eya nàtso t'à Nǫ̀htsı̨ yak'e whedaa sìı ts'ǫ̀ nàdahogeeɂà, hanìkò dànì eghàlagı̨ı̨dàa sìı weghǫ edek'egı̨ı̨lı̨ ha gı̨ı̨wǫ-le.

John Wenazhıı 16:9

Sa sıì whekǫ̀ t'à dǫ gıkwǫ̀ k'eek'ǫ̀ ts'ıhɂǫ̀ Nǫ̀htsı̨ ts'ǫ̀ nàdahogeeɂà. Ayìı t'à dǫ dagı̨ı̨ɂaa sìı Nǫ̀htsı̨ yets'ǫ̀ K'àowo hǫt'e, hanìkò ı̨łaà edek'egı̨ı̨lı̨ ha gı̨ı̨wǫ-le eyıts'ǫ Nǫ̀htsı̨ ghàsǫgeedı ha gı̨ı̨wǫ-le.

John Wenazhıı 2:21

Eyı ts'èko hołı̨ı̨ nàowoò k'ę̀ę̀ eghàlaedaa sìı edek'eelı̨ ha weghàhòehɂǫ ı̨lè, hanìkò hanıwǫ-le.