9 Sǫǫ̀mbawò edexè k'eahłe-le.
Dǫ eyagı̨ı̨lı̨ı̨ sìı k'aàt'ıì agıahłe, dǫ ełaı̨dèe sìı naìdà agıahłe, dǫ gıkwǫ̀ tàda t'à eyagı̨ı̨lı̨ı̨ sìı k'aàt'ıì agıahłe, eyıts'ǫ ı̨nìłı̨ı̨ xàahɂà. T'asìı k'èxa-le hanì naxıghàhòt'ǫ t'à, t'asìı k'èxa-le wet'à dǫ ts'àahdı.
Zezì edecheekeè hoònǫ-daats'ǫ̀-nàke gokayaı̨htı t'à, łą̀ą nègı̨ı̨de. Įnìłı̨ı̨ dǫ yìı gots'ǫ xàdegeezhı ha goghàhòı̨ɂǫ eyıts'ǫ wecheekeè hazǫǫ̀ nàke ełexè aget'ı̨ xè kǫ̀ta yàgòlaa ts'ǫ̀ goèhɂà.
Eyı tł'axǫǫ̀ Zezì edecheekeè dagoehke, “Dǫ ts'ǫ̀ goahde ha gıts'ǫ̀ naxeehɂà ekò sǫǫ̀mba, tehmì eyıts'ǫ ke k'eahłe-le naxèehsı̨ ekò asį̀į̀ naxıgha t'asìı whìle nǫǫ̀?” “Dàòdì, gogha t'asìı whìle-le,” gıìhdı.
