Matthew 10:5 - Nǫ̀htsı̨ Nı̨htł'è

⁵ Eyı wecheekeè hoònǫ-daà-nàke sìı Zezì dǫ ta ts'ǫ̀ goı̨hɂà, hagòhdı, “Eyıì-le dǫ xàɂaa ts'ǫ̀ aahde-le, eyıts'ǫ Samarıa got'ı̨į̀ gıkǫ̀ta ts'ǫ̀ aahde-le.

Matthew 10:5 ပူးပေါင်းရင်းမြစ်များ

Matthew 22:3

Dǫ goxè shègezhe ha sìı edecheekeè gots'ǫ̀ goèhɂà. ‘Jǫ nàahdè,’ gògedı ha, hanìkò eyı dǫ nàsı̨ nàgedè ha gı̨ı̨wǫ-le.

Matthew 4:15

“Zebulun got'ı̨į̀, Naphtalı got'ı̨į̀, eyıts'ǫ dǫ tı nechàa gà nàgedèe sìı, aàhkw'ǫ. Jordan deh nìɂàa gà nàahdèe sìı, eyıts'ǫ Galılee got'ı̨į̀ dǫ eyıì-le xàɂaa ta nàahdèe sìı aàhkw'ǫ.

Mark 6:7

Zezì edecheekeè hoònǫ-daats'ǫ̀-nàke gokayaı̨htı t'à, łą̀ą nègı̨ı̨de. Įnìłı̨ı̨ dǫ yìı gots'ǫ xàdegeezhı ha goghàhòı̨ɂǫ eyıts'ǫ wecheekeè hazǫǫ̀ nàke ełexè aget'ı̨ xè kǫ̀ta yàgòlaa ts'ǫ̀ goèhɂà.

Luke 10:1

Eyı tł'axǫǫ̀ gots'ǫ̀ K'àowo dǫ łǫ̀hdı̨ènǫ-daats'ǫ̀-nàke gòį̀hchì. Dǫ nàke ełexè k'edè edenakweè goèhɂà. Kǫ̀ta yàgòlaa hazǫǫ̀ ts'ǫ̀ eyıts'ǫ edı̨į̀ nàtła ha sìı ts'ǫ̀ goèhɂà.

Luke 10:33

Eyı tł'axǫǫ̀ Samarıa gots'ǫ xàhtǫ eyı tı̨lı k'e naetłe nǫǫ̀. Dǫ tı̨lı k'e whetı̨ ghǫ nììtła yeghàı̨dà ekò dǫ eteèɂı̨.

Luke 17:16

Eyı dǫ Zezì gà dèè k'e ts'ǫ̀ adį̀į̀là xè “Masì,” yèhdı. Eyı dǫ sìı Samarıa got'ı̨į̀ at'ı̨ nǫǫ̀.

Luke 9:1

Zezì edecheekeèdeè hoònǫ-daats'ǫ̀-nàke gokayaı̨htı t'à, łą̀ą nègı̨ı̨de. Įnìłı̨ı̨ dǫ yìı gots'ǫ xàdegeezhı ha eyıts'ǫ dǫ k'aàt'ıì agele ha goghàhòı̨ɂǫ.

Luke 9:2

Eyı tł'axǫǫ̀ Nǫ̀htsı̨ Wenàowoò k'ę̀ę̀ hòɂǫǫ sìı t'à dǫ hoghàgeehtǫ ha eyıts'ǫ dǫ eyaelı̨ı̨ k'aàt'ıì agele ha kǫ̀ta yàgòlaa ts'ǫ̀ goèhɂà.

John 17:18

Dıı nèk'e ts'ǫ̀ seneehɂà xèht'eè, ededı̨ sı dıı nèk'e dǫ ta ts'ǫ̀ gııhɂà hǫt'e.

John 20:21

Zezì k'achı̨ hagòhdı, “Naxıxè sìghà welè! Setà jǫ ts'ǫ̀ sı̨ı̨hɂà xèht'eè dǫ ts'ǫ̀ naxeehɂa ha,” gòhdı.

John 4:20

Gocho dıı shìh k'e Nǫ̀htsı̨ ts'ǫ̀ yagı̨ı̨htı hǫt'e. Hanìkò naxı̨ Israel got'ı̨į̀ aahłı̨ı̨ sìı Jerusalem ekǫ zǫ dǫ hazǫǫ̀ Nǫ̀htsı̨ ts'ǫ̀ yagehtı ha dahdı,” yèhdı.

John 4:5

Eyı nèk'e kǫ̀ta Sykar ts'ǫ̀ nègı̨ı̨de. Jacob, dèè edeza Joseph ghàı̨ɂǫǫ sìı ts'ǫ̀ gǫǫwà-le hǫt'e.

John 4:9

Ts'èko yets'àèhyeh t'à hayèhdı, “Ekò nı̨ Israel got'ı̨į̀ anet'e; sı̨ sìı Samarıa gots'ǫ ts'èko aht'e. Dànì t'à tı sı̨ı̨kè?” yèhdı. (Israel got'ı̨į̀, Samarıa got'ı̨į̀ xè aget'ı̨ ha gı̨ı̨wǫ-le t'à ts'èko hanì yets'ǫ̀ goı̨de.)

John 7:35

Israel gha k'aodèe ełets'ǫ̀ hagedı, “Eyı dǫ wegots'ìhɂà ha-le, dı t'à, edı̨į̀ ts'ǫ̀ ade ha ghǫ adı. Gòet'ı̨ eyıì-le nèk'e Greece got'ı̨į̀ ta nàgedèe sìı gots'ǫ̀ ade ha nì? Ekǫ hoghàgoehtǫ ha nì?

John 8:48

Israel got'ı̨į̀ gha k'aodèe Zezì ts'ǫ̀ hagedı, “Samarıa got'ı̨į̀ anet'e eyı xè ı̨nìłı̨ı̨ nets'ǫ̀-èlı̨, hanèts'edı ı̨lèe sìı ehkw'ı anèts'edı ı̨lè!” gıìhdı.

Zezì Wecheekeèdeè 1:8

Hanìkò Yedàyeh Nezı̨ı̨ naxık'e ajà nı̨dè nàahtsoò anaxele ha. Kǫ̀ta Jerusalem, Judea nèk'e, Samarıa nèk'e hazǫǫ̀, eyıts'ǫ dıı nèk'e welǫ ts'ǫ̀ segodıì nezı̨ı̨ t'à dǫ xè goahdo ha hǫt'e.”

Zezì Wecheekeèdeè 10:45

Israel got'ı̨į̀ gıgha ehkw'ı-ahodı Peter xè nègı̨ı̨dee sìı, gıgha enıìyah dìì. Dǫ eyıì-le xàɂaa ededı̨ kò Yedàyeh Nezı̨ı̨ gık'e ajà t'à sıì gıgha enıìyah nechà.

Zezì Wecheekeèdeè 8:1

Dǫ degaı mǫ̀hdaa Stephen wekw'ǫǫ̀ nègı̨į̀tǫ eyıts'ǫ gıghǫ hòtł'ò gı̨ı̨tsè. Eyı dzęę̀ k'e Jerusalem Nǫ̀htsı̨ wecheekeè hazǫǫ̀ dagı̨ı̨ɂaà agììdlà. Eyıt'à Judea nèk'e eyıts'ǫ Samarıa nèk'e ts'ǫ̀ kwı̨geèhde. Hanìkò Zezì wecheekeèdeè t'aa Jerusalem ageèhkw'e.

1 Thessalonıca 2:16

Dǫ eyıì-le xàɂaa dànì edaxàgeeze ghǫ gıts'ǫ̀ gots'ede ch'à agogele ha hogeèhdzà. Haget'ı̨ t'à k'èdaà gıhołı̨į̀ gıdoeze hǫt'e, k'ǫǫ̀t'a Nǫ̀htsı̨ gots'ǫ̀ wek'èch'a t'à nàgoehkwa ha.