Matthew 10:28 - Nǫ̀htsı̨ Nı̨htł'è

²⁸ Dǫ naxızhį̀į̀ ełaàgehwhı kò naxıdą̀ązhį̀ı̨ ełaàgehwhı ha dìì sìı gıts'àahjı̨-le. Ekò amìı godą̀ązhį̀ı̨ eyıts'ǫ gozhį̀į̀ wehłı̨kǫ̀ ts'ǫ̀ ayele ha dìì-le sìı eyı wets'àahjı̨.

Matthew 10:28 ပူးပေါင်းရင်းမြစ်များ

Matthew 10:26

“Dǫ gıts'àahjı̨-le. T'asìı hazǫǫ̀ wègaat'ı̨-le sìı wègaat'ı̨į̀ adle ha, eyıts'ǫ t'asìı deɂı̨į̀ whelaa sìı wek'èhoedzǫǫ̀ adle ha hǫt'e.

Matthew 25:46

“Eyı dǫ gots'ı̨hts'ǫ nàgeèhzaa sìı welǫ whìle ts'ǫ̀ dagı̨ı̨ɂa ha, hanìkò amìı ehkw'ı edaa sìı welǫ whìle ts'ǫ̀ eda ha,” Zezì hadıì goxè godo.

Matthew 5:22

Hanìkò sı̨ dıı hanaxèehsı̨: Dǫ edèot'ı̨ ts'ǫ̀ ìch'ee sìı wesınìyaetı ha. Eyıts'ǫ dǫ edèot'ı̨ ts'ǫ̀ ìch'è t'à ‘Gonezǫ-le,’ hadıı sìı k'aodèe gısınìyahtı ha. Eyıts'ǫ amìı edèot'ı̨ ts'ǫ̀ ‘Ezhı̨ne anet'e,’ hadıı sìı wehłı̨kǫ̀ daı̨ɂaà awedle ha sǫnı.

John 5:29

dèè goyìı gots'ǫ xàgeedè ha. Dǫ nezı̨į̀ eghàlagı̨ı̨dàa sìı geeda ts'ǫ̀ negıìdè ha, hanìkò dǫ nàowołı̨ı̨ k'ę̀ę̀ eghàlagı̨ı̨dàa sìı gısınìyaetı ts'ǫ̀ negıìdè ha.

Zezì Wecheekeèdeè 21:13

Hanìkò Paul hadı, “Ayìıha seghǫ aahtse xè sedzeè etseè aahɂı̨? Zezì wıızì ts'ıhɂǫ̀ dasegeezà gha ts'atà whıhda hǫt'e, eyı zǫǫ̀-le wets'ıhɂǫ̀ ekǫ ełaehwhı ha segha asanìle hǫt'e,” gòhdı.

Hebrew 10:31

Nǫ̀htsı̨ edaa sìı nàgoehkwa ha nı̨dè sıì goxè hoìla ha hǫt'e.

Hebrew 11:35

Eyı xèht'eè ts'èko weza ełaı̨dèe sìı nagìdà agììdlà. Dǫ mǫ̀hdaa gıweè ts'ǫ̀ gıkwǫ̀ǫyaà-gogehɂı̨, hanìkò denahk'e hoı̨zı̨ ts'ǫ̀ nagìdà ha gı̨ı̨wǫ t'à, hanì dagı̨ı̨ɂaa sìı ch'à agede ha gı̨ı̨wǫ-le.

James 4:12

Nǫ̀htsı̨ zǫ gogha nàowo whehtsı̨ xè gosınìyaehtıı elı̨ hǫt'e, ededı̨ zǫ edaxàgole ha, hanì-le-ı̨dè godıhohtsı̨ ha. Hanìkò naxı̨ sìı naxèot'ı̨ gısınìyaahtı ha naxıghàhòt'ǫ nıìle.

1 Peter 3:14

Ehkw'ı aahda kò daahɂa nı̨dè ı̨łaà naxıxè sìghà hǫt'e. Dıı hanì dek'eèhtł'è, “Ayìı ts'àgeejı̨ı̨ sìı wets'àahjı̨-le eyıts'ǫ t'asìı ts'àahye-le,” dek'eèhtł'è.

John Wenazhıı 2:10

Whaà-le-t'ıì ayìı t'à daahɂa ha sìı weghǫ dahjı̨-le. Ehkw'ı anaxèehsı̨, wehłı̨ı̨ naxeèhdzà ha nıwǫ t'à dǫ-danìı̨laa-kǫ̀ ts'ǫ̀ anaxele ha hǫt'e. Hoònǫ dzęę̀ ts'ǫ̀ danaxegį̀ı̨hɂa ha. Naxıweè hogehtsı̨ kò naxınì nàtsoò aahłe. Wek'èxa welǫ whìle ts'ǫ̀ ts'eedaa naxıghàehɂà ha.