Matthew 10:17 - Nǫ̀htsı̨ Nı̨htł'è

¹⁷ “Dǫ naxıts'ǫ̀ xànıgı̨ı̨ɂaa sìı gıxoahdı. Nàyaetıı-kǫ̀ ts'ǫ̀ anaxegele ha eyıts'ǫ ełègehdèe-kǫ̀ goyìı naxık'egeehkwa ha.

Matthew 10:17 ပူးပေါင်းရင်းမြစ်များ

Matthew 10:18

Sı̨ sets'ıhɂǫ̀ k'àowocho eyıts'ǫ dèe-ts'ǫ̀-k'àowo gınadąą̀ naxısınìyaetı anaxegele ha. Hanìkò seghǫ gıts'ǫ̀ goahde ha eyıts'ǫ dǫ eyıì-le xàɂaa sı gıts'ǫ̀ goahde ha.

Matthew 20:19

Eyı tł'axǫǫ̀ dǫ eyıì-le xàɂaa tł'aàgıhtè ha. Gık'adaedè ha, nàgeehkwa ha eyıts'ǫ dechı̨et'aa k'e dexegıìhtsò ha, hanìkò taı dzęę̀ nı̨dè naìdà ha,” Zezì gòhdı.

Matthew 23:34

Nakwenàoɂǫǫ, dǫ gogı̨ı̨zǫǫ eyıts'ǫ dǫ-hoghàehtǫǫ-dǫǫ̀ naxıts'ǫ̀ agehłe ha. Mǫ̀hdaa ełaàgìahde xè dechı̨et'aa k'e gıdeàhtsò ha, mǫ̀hdaa ełègehdèe-kǫ̀ goyìı gık'eahkwa ha, eyıts'ǫ kǫ̀ta yàgòlaa gıkaahwhǫ gà dagìahɂa ha.

Matthew 26:59

Yahtıı-gha-k'aodèe eyıts'ǫ k'aodèe yàgı̨ı̨lı̨ı̨ hazǫǫ̀ Zezì ełaàgıìhwhı ha gı̨ı̨wǫ. T'asìıjıı t'à Zezì k'e nìdahogeeɂà ha dǫ dageehke.

Matthew 5:22

Hanìkò sı̨ dıı hanaxèehsı̨: Dǫ edèot'ı̨ ts'ǫ̀ ìch'ee sìı wesınìyaetı ha. Eyıts'ǫ dǫ edèot'ı̨ ts'ǫ̀ ìch'è t'à ‘Gonezǫ-le,’ hadıı sìı k'aodèe gısınìyahtı ha. Eyıts'ǫ amìı edèot'ı̨ ts'ǫ̀ ‘Ezhı̨ne anet'e,’ hadıı sìı wehłı̨kǫ̀ daı̨ɂaà awedle ha sǫnı.

Mark 13:12

“Ekìıyeè k'e nı̨dè ełechı-t'ıì k'aodèe tł'aàłegìhtè ha, eyıts'ǫ gotà gı̨ı̨lı̨ı̨ sìı edeza hagole ha. Chekoa sìı edèot'ı̨ k'aodèe tł'aàgogììle xè ełaàgogìhdee agogele ha.

Mark 13:9

“Dǫ naxıts'ǫ̀ xànègı̨ı̨ɂaa sìı gıxoahdı. Nàyaetıı-kǫ̀ ts'ǫ̀ anaxegele ha eyıts'ǫ ełègehdèe-kǫ̀ goyìı naxık'egeehkwa ha. Sı̨ sets'ıhɂǫ̀ k'àowocho eyıts'ǫ dèe-ts'ǫ̀-k'àowo gınadąą̀ naxısınìyaetıì anaxegele ha, eyıts'ǫ seghǫ gıts'ǫ̀ goahde ha.

Luke 12:11

“Eyıts'ǫ ełègehdèe-kǫ̀ goyìı dǫ nadąą̀, k'aodèe eyıts'ǫ dǫ-sınìyaehtıı-dǫǫ̀ gınadąą̀ nàahza naxegį̀į̀là nı̨dè, dànì edek'edaahdı ha eyıts'ǫ ayìı dàahdı ha sìı weghǫ nànıahdè-le.

John 11:47

Eyıt'à yahtıı-gha-k'aodèe eyıts'ǫ Pharısee gı̨ı̨lı̨ı̨ sìı ełegeèhdì gha Israel got'ı̨į̀ gha k'aodèe hazǫǫ̀ gokayagı̨ı̨htı, hagedı, “Eyı dǫ enıìyah łǫ hohtsı̨, eyıt'à ayìı dàwets'ele ha?

John 16:2

Gıts'ǫ ełègehdèe-kǫ̀ gots'ǫǫ̀ xànaxegeezhı ha ne. Whaà-le-t'ıì dǫ ełaànaxegìhde ha eyıts'ǫ Nǫ̀htsı̨ gha sìghà aget'ı̨ gı̨ı̨wǫ ha.

Zezì Wecheekeèdeè 17:14

Eyıt'à ekòet'ıì Nǫ̀htsı̨ wecheekeè Paul tıchobàa ts'ǫ̀ ajà agı̨į̀là, hanìkò Sılas eyıts'ǫ Tımothy kǫ̀ta Berea ageèhkw'e.

Zezì Wecheekeèdeè 22:19

“Wets'ǫ̀ haehsı̨, ‘Sets'ǫ̀ K'àowo, Jerusalem got'ı̨į̀ ayìı dàhłàa sìı gık'èezǫ hǫt'e. Gıts'ǫ ełègehdèe-kǫ̀ gòlaa sìı gıta nàwhıhtła gà dǫ gıgha ehkw'ı-ahodıı sìı dǫ-danìı̨laa-kǫ̀ ts'ǫ̀ agèhłà ı̨lè.

Zezì Wecheekeèdeè 26:11

Gıxè hoìla ha gǫtłǫǫ̀ ełèts'ehdèe-kǫ̀ gòlaa gıta nàwhıhtła ı̨lè. Nǫ̀htsı̨ k'èch'a xàyagehtıì agehłe ha hoèhdzà ı̨lè. T'aats'ǫǫ̀ gık'èch'a zǫ eghàlaehda ha dehwhǫ ı̨lè. Eyıts'ǫ gıxè hoìla ahłe ha t'à, eyıì-le nèk'e kǫ̀ta yàgòlaa sìı ts'ǫ̀ gıxàehta ı̨lè.

Zezì Wecheekeèdeè 9:2

Kǫ̀ta Damaskus ekǫ ełègehdèe-kǫ̀ gòlaa sìı hazǫǫ̀ gots'ǫ̀ eetł'è ha yı̨ı̨hwhǫ. Ekǫ gots'ǫ dǫzhìı eyıts'ǫ ts'èko Zezì wenàowoò k'ę̀ę̀ geedaa sìı nıgoìle gà Jerusalem gıdaànìı̨laà agole ha nıwǫ.

Phılıppı 3:2

Dǫ, tłı̨ wets'àhoejı̨ı̨ lagı̨ı̨t'ee sìı gıxoahdı. Hanıı dǫ sìı hołı̨ı̨ hogehtsı̨ eyıts'ǫ dǫkwǫ̀ tàgeehwhe ha gı̨ı̨wǫ.

2 Tımothy 4:15

Nı̨ sı wech'à edexonehdı, godı nezı̨ı̨ t'à dǫ hoghàts'eehtǫǫ sìı sıì wek'èch'a hǫt'e t'à.

Hebrew 11:36

Mǫ̀hdaa yatıjıı t'à gok'adageedè, mǫ̀hdaa dekwa t'à nàgogeehkwa, mǫ̀hdaa satsǫ̀tł'ıì t'à dageetł'ı̨ eyıts'ǫ gıdanìı̨la.