Matthew 1:18 - Nǫ̀htsı̨ Nı̨htł'è

¹⁸ Dıı sìı Zezì-Krı dǫ-elı̨ wegodıì hǫt'e: Wemǫ Mary, Joseph xè honìda ha wììchì ı̨lè. Įłaà ełexè nàgedè-le et'ıì Yedàyeh Nezı̨ı̨ dahxà hotıì eda-le ajà.

Matthew 1:18 ပူးပေါင်းရင်းမြစ်များ

Dànì Kèhoį̀wo 3:15

“Nı̨ eyıts'ǫ ts'èko ełek'èch'a aaht'eè anaxehłe ha, ts'èko weza eyıts'ǫ nı̨ neza ełets'ǫ̀ xànègı̨ı̨ɂa ha. Ts'èko weza sìı nekwì k'ètsǫètà ha, eyıts'ǫ nı̨ wekehtà nàı̨ht'ı ha,” Nǫ̀htsı̨ gòocho ts'ǫ̀ hadı.

Matthew 1:1

Zezì-Krı, k'àowocho Davıd gots'ǫ dǫ hǫt'e, eyıts'ǫ Davıd, Abraham gots'ǫ dǫ hǫt'e. Dıı dǫ Zezì-Krı wecho agı̨ı̨t'e:

Matthew 12:46

Zezì ı̨łaà dǫ xè godo ekò, wemǫ eyıts'ǫ wechıke gıts'ǫ̀ gode ha gı̨ı̨wǫ t'à, mǫ̀ht'a nàgeèhza.

Matthew 2:11

Eyı kǫ̀ goyageède ekò, bebìa eyıts'ǫ wemǫ Mary gıaɂı̨. Bebìa gà nàgògı̨ı̨hgè xè gıghàsǫedı. Eyı tł'axǫǫ̀ sǫǫ̀mbaekwo, wet'à ło łekǫǫ dèk'ǫ̀ǫ eyıts'ǫ yìk'eetł'òo dètìı xàgı̨ı̨wa gà bebìa ghàgı̨ı̨la.

Luke 1:25

Hadı, “Sets'ǫ̀ K'àowo segha enıìyah eghàlaı̨dà. Dıı dzęę̀ k'e Nǫ̀htsı̨ eteseèɂı̨. Sezaa gǫ̀hłı̨ ha t'à dǫ gıta edeghǫ į̀į̀zhaehłı̨-le asį̀į̀là,” hadı.

Luke 2:5

Ekǫ gıxè dǫ nagıhtà ha t'à, Mary yets'èkeè elı̨ ha sìı yexè ajà. Ekìıyeè k'e Mary hotıeda-le ı̨lè.

Hebrew 10:5

Eyıt'à Zezì-Krı dıı nèk'e ts'ǫ̀ ajà ekò, Nǫ̀htsı̨ ts'ǫ̀ dıı hadı, “Dǫ tıts'aàdìı nets'ǫ̀ ełaàgehde eyıts'ǫ t'asìı neghàgeedıı sìı weneewǫ nıìle, hanìkò dǫzhį̀į̀ t'à ehdaà asèneelà.

Hebrew 7:26

Hanì yahtıı-wet'àaɂàa-deè sìı gots'àdı ha dìì-le hǫt'e; degaı elı̨ı̨, hołı̨ı̨ wek'e wheɂǫ-le, hołı̨ı̨-hogehtsı̨ı̨-dǫǫ̀ ta gots'ǫ nıìle, yak'e gote-ts'ǫ̀ nıwıìtı̨ hǫt'e.