Matthew 1:16 - Nǫ̀htsı̨ Nı̨htł'è

¹⁶ Jacob, Joseph wetà hǫt'e. Joseph, Mary wedǫzhıì hǫt'e. Zezì, Chrıst wèts'edıı sìı, Mary ts'ǫ dǫ elı̨ hǫt'e.

Matthew 1:16 ပူးပေါင်းရင်းမြစ်များ

Matthew 1:15

Elıyud, Eleazar wetà hǫt'e; Eleazar, Mathan wetà hǫt'e; Mathan, Jacob wetà hǫt'e;

Matthew 16:16

Sımon-Peter Zezì ts'ǫ̀ hadı, “Nı̨ sìı Chrıst anet'e. Nı̨ sìı Nǫ̀htsı̨ edaa weza anet'e,” yèhdı.

Matthew 16:20

Zezì edecheekeè gots'ǫ̀ hadı, “Chrıst aht'ee sìı dǫ wı̨ı̨zìı ts'ǫ̀ haahdı-le,” gòhdı.

Matthew 2:13

K'àowo taı nageèhde tł'axǫǫ̀ Joseph nàwhetı̨, yak'eet'ı̨į̀ wets'ǫ̀ wègoèht'į̀. Yak'eet'ı̨į̀ yets'ǫ̀ hadı, “Nıį̀tła! Bebìa, wemǫ xè Egypt nèk'e ts'ǫ̀ kwı̨ahdè. Nets'ǫ̀ haehsı̨ gots'ǫ̀ ekǫ nàahdè. K'àowocho Herod eyı bebìa ełaàhwhı ha nıwǫ t'à yehak'eèt'į̀,” yèhdı.

Matthew 27:17

Eyıt'à dǫ hazǫǫ̀ ełexè mǫ̀ht'a nàgeèhza ekò k'àowo Pılate gots'ǫ̀ hadıì dagoehke, “Amìı naxıts'ǫ̀ xàetłaà awehłe ha dahwhǫ: Barabas hanì-le-ı̨dè Zezì, Chrıst wèts'edıı sìı?” Pılate gòhdı.

Matthew 27:22

Eyıt'à k'àowo Pılate dagoehke, “Ekò dıı dǫ Zezì, Chrıst wèts'edıı sìı, dàwehłe ha?” gòhdı. Dǫ hazǫǫ̀ hagedı, “Dechı̨et'aa k'e wedı̨į̀htsò!” gedı.

Mark 6:3

Dechı̨-eghàlaedaa-dǫǫ̀ elı̨-le nì? Wemǫ Mary wìyeh nì? Eyıts'ǫ wechı James, Joseph, Sımon eyıts'ǫ Zhıdàà agı̨ı̨t'e-le nì? Eyıts'ǫ wedè gota nàgedè-le nì?” ełets'ǫ̀ hagedı t'à weghǫ gık'èch'a agejà.

Luke 1:27

Yak'eet'ı̨į̀, t'eekogòò Mary wìyeh ts'ǫ̀ yatı nìı̨ɂǫ. Eyı t'eekoa sìı dǫ Joseph wìyeh xè honìda ha wììchì ı̨lè. Joseph, k'àowocho Davıd wets'ıhɂǫ̀ǫ-dǫǫ̀ hǫt'e.

Luke 2:48

Wetà eyıts'ǫ wemǫ gıaɂı̨ ekò gıgha enıìyah dìì. Wemǫ yets'ǫ̀ hadı, “Seza, dànìghǫ anet'ı̨? Netà sı nekadıìwǫ t'à sıì neghǫ nànıts'edè ı̨lè,” yèhdı.

Luke 2:7

Nats'eetee-kǫ̀ gıgha gòɂǫ-le t'à tıts'aàdìı k'èhodìı kǫ̀ą ts'ǫ̀ agejà. Bebìa t'akwełǫ̀ǫ̀ nìı̨htı̨ı̨ sìı dǫzhìa hǫt'e. Ehtł'ı̨ yìı yı̨ı̨htı̨ gà tıts'aàdìı yeyìı shèzhee yìı whetı̨ ayį̀į̀là.

Luke 3:23

Zezì taènǫ weghoò ekò edılaà kèhoį̀hwho. Zezì, Joseph weza hǫt'e gı̨ı̨hwhǫ. Joseph, Helı weza hǫt'e. Helı,

Luke 4:22

Dǫ hazǫǫ̀ weghǫ nezı̨į̀ gogede eyıts'ǫ yatı dàdeèzį̀ı̨ t'à gode gı̨ı̨wǫ ts'ıhɂǫ̀ dǫ gıgha enıìyah dìì. Hagedı, “Dıı Joseph weza nìı̨t'e?” gedıì dałegeehke.

John 4:25

Ts'èko hadı, “Įdaà nı̨dè Messıah nììtła ha wek'èehsǫ. Nììtła nı̨dè t'asìı hazǫǫ̀ godaedı ha hǫt'e,” yèhdı. (“Messıah” gedı nı̨dè “Chrıst” gedıì-agedı.)