Matthew 1:1 - Nǫ̀htsı̨ Nı̨htł'è

¹ Zezì-Krı, k'àowocho Davıd gots'ǫ dǫ hǫt'e, eyıts'ǫ Davıd, Abraham gots'ǫ dǫ hǫt'e. Dıı dǫ Zezì-Krı wecho agı̨ı̨t'e:

Matthew 1:1 ပူးပေါင်းရင်းမြစ်များ

Dànì Kèhoį̀wo 12:3

Dǫ nexè sìghà hogehtsı̨ı̨ sìı gıxè sìghà agohłe ha, eyıts'ǫ dǫ yatı nezı̨-le nek'e nègııɂàa sìı yatı nezı̨-le gıghàehɂà ha. Eyıts'ǫ nı̨ nets'ıhɂǫ̀ dıı nèk'e dǫ hazǫǫ̀ gıxè sìghà hòɂǫ ha,” Nǫ̀htsı̨ yèhdı.

Dànì Kèhoį̀wo 2:4

Dıı godı sìı Nǫ̀htsı̨ yak'e eyıts'ǫ dèè whehtsı̨ı̨ wegodıì hǫt'e. Nǫ̀htsı̨ yak'e eyıts'ǫ dèè whehtsı̨ ekò, dıı hanì eghàlaı̨dà hǫt'e:

Dànì Kèhoį̀wo 22:18

Sek'èanet'e k'èxa nets'ıhɂǫ̀ǫ-dǫǫ̀ gıts'ıhɂǫ̀ dıı nèk'e dǫ hazǫǫ̀ xàɂaa xè sìghà hòɂǫ ha,” yak'eet'ı̨į̀ yèhdı.

Dànì Kèhoį̀wo 5:1

Dıı godı sìı Adam eyıts'ǫ wets'ıhɂǫ̀ǫ-dǫǫ̀ gıgǫ̀hłı̨ı̨ sìı gıgodıì dek'eèhtł'è hǫt'e. Nǫ̀htsı̨ dǫ whehtsı̨ ekò edexèht'eè dǫ whehtsı̨ ı̨lè.

Matthew 1:18

Dıı sìı Zezì-Krı dǫ-elı̨ wegodıì hǫt'e: Wemǫ Mary, Joseph xè honìda ha wììchì ı̨lè. Įłaà ełexè nàgedè-le et'ıì Yedàyeh Nezı̨ı̨ dahxà hotıì eda-le ajà.

Matthew 1:2

Abraham, Isaac wetà hǫt'e; Isaac, Jacob wetà hǫt'e; Jacob, Judah eyıts'ǫ wechıke gıtà hǫt'e;

Matthew 15:22

Canaan got'ı̨į̀ gots'ǫ ts'èko eyı nàdèe sìı Zezì ts'ǫ̀ èhtła. Ezeh xè hadı, “Sets'ǫ̀ K'àowo, Davıd Weza, etesenèeɂı̨! Setì ı̨nìłı̨ı̨ wets'ǫ̀-èlı̨ t'à sıì daı̨ɂa dìì,” hadıì ezeh.

Matthew 3:16

Zezì wek'ètaìdzǫ ts'ǫ̀et'ıì tı yìı gots'ǫ nıìtła ekò hǫtsaa yak'e ehts'ǫǫ̀ ajà. Yedàyeh Nezı̨ı̨ k'àba degoo lanı yek'e daàhtła, Zezì yaɂı̨.

Matthew 9:27

Zezì eyı gots'ǫ naèhtła ekò dǫ nàke gıdaà goìlee gık'èè łeèhtła, nagıìzeh xè Zezì ts'ǫ̀ hagedı, “K'àowocho Davıd Weza, etegòı̨hɂı̨!” gedı nagıìzeh.

Luke 1:33

Welǫ whìle ts'ǫ̀ Israel got'ı̨į̀ gha K'àowocho elı̨ ha,” yèhdı.

John 7:42

Nǫ̀htsı̨ Nı̨htł'è k'e dıı hanì dek'eèhtł'è: Chrıst wèts'edıı sìı k'àowocho Davıd wèot'ı̨ gots'ǫ dǫ ı̨łè ade ha, eyıts'ǫ kǫ̀ta Bethlehem wegǫ̀hłı̨ ha, ekǫ k'àowocho Davıd nàı̨dè t'à,” gedı.

Zezì Wecheekeèdeè 2:30

Nǫ̀htsı̨ yegha yatı nàtsoo whehtsı̨ı̨ sìı nakwenàoɂǫǫ elı̨ t'à yek'èezǫ xè hanì xàyaı̨htı. Eyı sìı nǫǫde-ı̨dè ededı̨ wets'ıhɂǫ̀ǫ-dǫǫ̀ ı̨łè yetł'axǫǫ̀ k'àowocho elı̨ ha, Nǫ̀htsı̨ yèhdı ı̨lè.

Rome 1:3

Eyı godı nezı̨ı̨ sìı Nǫ̀htsı̨ Weza weghǫ hǫt'e. Ededı̨ sìı dıı nèk'e k'àowocho Davıd wets'ıhɂǫ̀ǫ-dǫǫ̀ hǫt'e, hanìkò ełaı̨wo gots'ǫ naìdà t'à Įnì Degaı wedahxà Nǫ̀htsı̨ Weza hǫt'e wek'èts'eezǫǫ̀ agǫ̀ǫ̀là. Eyı sìı Zezì-Krı gots'ǫ̀ K'àowo hǫt'e.

Rome 4:13

Nǫ̀htsı̨ dıı hadı ı̨lè, Abraham, weza eyıts'ǫ wets'ıhɂǫ̀ǫ-dǫǫ̀ gı̨ı̨lı̨ı̨ sìı dıı nèk'e k'àhogedè agole ha, gòhdı ı̨lè. Moses wenàowoò k'èagı̨ı̨t'e t'à gıxè hagode ha, gòhdı nıìle, hanìkò gıgha ehkw'ı-ahodı t'à ehkw'ı geedaa k'ę̀ę̀ goıhtà ts'ıhɂǫ̀ gıxè hagode ha, gòhdı.

Rome 9:5

Gıcho Abraham, Isaac, eyıts'ǫ Jacob gots'ǫ dǫ gı̨ı̨lı̨ı̨ hǫt'e. Dıı nèk'e sèot'ı̨ gıta gots'ǫ Zezì-Krı wecho gòı̨lè hǫt'e. Zezì ededı̨ t'asìı hazǫǫ̀ gha Nǫ̀htsı̨ elı̨ı̨ sìı welǫ whìle ts'ǫ̀ weghàsǫts'eedı welè! Amen.

Galatıa 3:16

Nǫ̀htsı̨, Abraham eyıts'ǫ wets'ıhɂǫ̀ǫ-dǫǫ̀ elı̨ı̨ sìı goxè sìghà ayele ha edeyatıì goghàı̨ɂǫ ı̨lè. Nǫ̀htsı̨ Nı̨htł'è k'e dıı hanì dek'eèhtł'è, “amìı wets'ıhɂǫ̀ǫ-dǫǫ̀ elı̨,” hadıı sìı dǫ łǫ ghǫ godeè-adı nıìle, hanìkò, “amìı wets'ıhɂǫ̀ǫ-dǫǫ̀ elı̨,” hadıı sìı dǫ ı̨łè zǫ ghǫ godeè-adı, eyı dǫ sìı Zezì-Krı hǫt'e.

1 Tımothy 2:5

Nǫ̀htsı̨ ı̨łè zǫ gǫ̀hłı̨, eyıts'ǫ dǫ ı̨łè zǫ Nǫ̀htsı̨ eyıts'ǫ dǫ gogha tanı wheda hǫt'e, eyı dǫ sìı Zezì-Krı hǫt'e.

2 Tımothy 2:8

Zezì-Krı wenaądì: k'àowocho Davıd wets'ıhɂǫ̀ǫ-dǫǫ̀ elı̨ eyıts'ǫ ełaı̨wo gots'ǫ naìdà. Eyı godı nezı̨ı̨ sìı wet'à dǫ hoghàehtǫ,

John Wenazhıı 22:16

“Sı̨ sìı Zezì aht'e. Nǫ̀htsı̨ wecheekeè dıı godı gıts'ǫ̀ anele gha sets'ǫ yak'eet'ı̨į̀ nets'ǫ̀ wııhɂà hǫt'e. K'àowocho Davıd wets'ıhɂǫ̀ǫ-dǫǫ̀ aht'e eyıts'ǫ Dzę Wegòò sìyeh,” Zezì hadı.