Mark 9:9 - Nǫ̀htsı̨ Nı̨htł'è

⁹ Shìhka gots'ǫ hodàgeède ekò Zezì hagòhdı, “Dǫ-wet'àaɂàa-deè naìdà gots'ǫ̀ ayìı weahɂı̨ı̨ sìı dǫ wı̨ı̨zìı ts'ǫ̀ haahdı-le,” gòhdı.

Mark 9:9 ပူးပေါင်းရင်းမြစ်များ

Matthew 12:19

Dǫ xè nàdahoowo hohtsı̨ ha-le, eyıts'ǫ kǫ̀ta ezeh wets'ıìkw'o ha-le.

Matthew 12:40

Taı dzęę̀ eyıts'ǫ taı toò ts'ǫ̀ Jonah łıwecho bò yìı̨dà. Eyı xèht'eè Dǫ-wet'àaɂàa-deè taı dzęę̀ eyıts'ǫ taı toò ts'ǫ̀ dèè goyìı wheda ha.

Matthew 16:21

Eyı dzęę̀ k'e gots'ǫ Zezì dıı hanì edecheekeè ts'ǫ̀ goı̨de: “Jerusalem ts'ǫ̀ ahde ha hǫt'e, ekǫ ǫhdah gı̨ı̨lı̨ı̨, yahtıı-gha-k'aodèe, eyıts'ǫ Nǫ̀htsı̨-yatıì-k'ègedìı-dǫǫ̀ dasegį̀ı̨hɂa ha. Ełaàsegèhwhı ha hǫt'e, hanìkò taı dzęę̀ k'ehǫǫwo tł'axǫǫ̀ nı̨dè naèhdà ha,” gòhdı.

Matthew 27:63

Gıts'ǫ̀ hagedı, “K'àowo, eyı dǫ-ghǫyaeɂàa-dǫǫ̀ hǫt'e ı̨lè. Įłaà eda ekò dàdı ı̨lèe sìı wenats'edì, ‘Taı dzęę̀ k'ehǫǫwo tł'axǫǫ̀-ı̨dè naèhdà ha,’ hadı ı̨lè.

Matthew 8:4

Zezì yets'ǫ̀ hadı, “Nets'ǫ̀ dànàhòwoo sìı dǫ wı̨ı̨zìı ts'ǫ̀ haı̨dı-le. Nek'ahoeta gha yahtıı ts'àątła. Moses wenàowoò k'ę̀ę̀ nehołı̨į̀ neghǫ nahoezhe k'èxa yahtıı t'asìı negha k'egııhk'ǫ̀. Hanì-ı̨dè weghàà k'aàt'ıì anaąjà dǫ gık'èezǫ ha,” yèhdı.

Mark 5:43

Hanìkò Zezì, “Eyı ghǫ dǫ wı̨ı̨zìı ts'ǫ̀ haahdı-le,” gòhdı tł'axǫǫ̀ hadı, “Yeghǫ shètı̨ weghàahdı,” gòhdı.

Mark 7:36

Eyı tł'axǫǫ̀ Zezì dǫ gots'ǫ̀ hadı, “Dıı weghǫ dǫ wı̨ı̨zìı ts'ǫ̀ haahdı-le,” gòhdı. Hanìkò k'èdaà hagòhdı kò k'èdaà gıghǫ gode.

Mark 9:10

Eyıt'à ayìı gıaɂı̨ı̨ sìı weghǫ dǫ wı̨ı̨zìı ts'ǫ̀ hagedı-le, eyı wecheekeè taı sìı Zezì “naìdà” ghǫ godee sìı dàdıì-adı gı̨ı̨wǫ t'à ełets'ǫ̀ zǫ gıghǫ gode.

Mark 9:8

Hanìkò Zezì wecheekeè edemǫǫ̀ k'egeet'į̀ là dǫ wı̨ı̨zìı gıaɂı̨-le, Zezì zǫ gıaɂı̨.

Luke 24:46

“Dıı hanì dek'eèhtł'è hǫt'e,” gòhdı, “Chrıst wèts'edıı sìı daı̨ɂa ha eyıts'ǫ taı dzęę̀ k'ehoı̨wo nı̨dè naìdà ha hǫt'e.

Luke 9:36

Hagodı tł'axǫǫ̀ wecheekeè taı Zezì ededı̨ zǫ nàwo gıaɂı̨. Ekìıyeè k'e gıxè hagòjàa sìı gıghǫ xàyaı̨htı-le. Ayìı gıdaà nàhòwoo sìı dǫ wı̨ı̨zìı ts'ǫ̀ hagedı-le.