Mark 9:21 - Nǫ̀htsı̨ Nı̨htł'è

²¹ Zezì dǫzhìa wetà daehke, “Dàwhaà ts'ǫ neza dıı hanì nǫǫ̀?” Dǫ yets'ǫ̀ hadı, “Dǫzhìa nechà-lea elı̨ ts'ǫ hanì hǫt'e.

Mark 9:21 ပူးပေါင်းရင်းမြစ်များ

Mark 5:25

Ts'èko ı̨łè goxè at'ı̨ı̨ sìı hoònǫ-daats'ǫ̀-nàke xo haı̨wa ts'ǫ edoò weɂǫ̀-at'ı̨ t'à eyaelı̨.

Mark 9:20

Eyıt'à dǫzhìa Zezì ts'ǫ̀ geèhchì. Įnìłı̨ı̨ Zezì eɂı̨ ts'ǫ̀et'ıì, dǫzhìa hòtł'ò ts'ehłı̨ lat'ı̨ ayį̀į̀là. Dǫzhìa dèè k'e nàakw'o, k'edeɂà xè wewà ts'ǫ goghoo xàewì.

Mark 9:22

Įnìłı̨ı̨ ełaàyèhwhı ha nıwǫ t'à t'aats'ǫǫ̀ kǫ̀ dèk'ǫ̀ǫ nı nàkw'ıì ayehɂı̨, eyıts'ǫ tekw'ıì ayehɂı̨. Wegha t'asìı haąle ha dìì-le nı̨dè, etegoneèɂı̨ xè gots'àądı,” Zezì ts'ǫ̀ hadı.

Luke 13:16

Ekò dıı ts'èko, Abraham gots'ǫ dǫ sìı, hoònǫ-daats'ǫ̀-ek'èdı̨ xo gots'ǫ wehłı̨ı̨ dayį̀ı̨hɂa hǫt'e. Nǫ̀htsı̨ Dzęę̀ k'e ayìı t'à eyaelı̨ı̨ sìı ch'à k'aàt'ıì awedle ha-le nì?” gòhdı.

Luke 8:43

Ts'èko ı̨łè goxè at'ı̨ı̨ sìı hoònǫ-daats'ǫ̀-nàke xo haı̨wa gots'ǫ edoò weɂǫ̀-at'ı̨ t'à eyaelı̨, hanìkò dǫ wı̨ı̨zìı k'aàt'ıì ayele ha dìì.

John 9:1

Zezì tı̨lı k'e naetłe ekò dǫ ı̨łè wegǫ̀hłı̨ gots'ǫ wedaà goìlee yaɂı̨.

Zezì Wecheekeèdeè 14:8

Kǫ̀ta Lystra ekǫ dǫ ı̨łè k'eda-le wheda. Wegǫ̀hłı̨ gots'ǫ ı̨zhıì ts'ǫ̀ wekw'ǫǫ̀ ełaı̨dèe t'à k'eetło whìle.

Zezì Wecheekeèdeè 3:2

Dǫ ı̨łè wegǫ̀hłı̨ gots'ǫ k'eda-le sìı Nǫ̀htsı̨kǫ̀-gocho tı̨ı̨dà Wèdaat'ı̨ı̨ gòyeh ekǫ nègeèchì. Dzę taàt'eè eyı nègehtè, dǫ goyageedèe sìı sǫǫ̀mba goekè ha eyı whedaà agehɂı̨.

Zezì Wecheekeèdeè 4:22

Eyı dǫ enıìyah nàhòwo t'à k'aàt'ıì ajàa sìı dı̨ènǫ daats'ǫ̀ weghoò hǫt'e.

Zezì Wecheekeèdeè 9:33

Ekǫ dǫ ı̨łè Aneyas wìyeh eɂı̨. Eyı dǫ k'eda-le t'à ek'èdı̨ xo gots'ǫ edetè k'e whetı̨.