Mark 8:34 - Nǫ̀htsı̨ Nı̨htł'è

³⁴ Zezì, wecheekeè eyıts'ǫ dǫ hazǫǫ̀ edets'ǫ̀ gokayaı̨htı tł'axǫǫ̀ gots'ǫ̀ hadı, “Amìı sek'èè at'ı̨ ha nıwǫǫ sìı edeghǫ nànıwo ha nıìle eyıts'ǫ edets'ǫ dechı̨et'aa sek'èè nayatı̨ ha hǫt'e.

Mark 8:34 ပူးပေါင်းရင်းမြစ်များ

Matthew 10:38

Eyıts'ǫ amìı edechı̨et'aà sek'èè nayatı̨-le sìı secheekeè elı̨ ha dìì.

Matthew 16:24

Hadı tł'axǫǫ̀ Zezì edecheekeè hazǫǫ̀ ts'ǫ̀ hadı, “Amìı sek'èè at'ı̨ ha nıwǫǫ sìı edeghǫ nànıwo ha nıìle eyıts'ǫ edets'ǫ dechı̨et'aa sek'èè nayatı̨ ha hǫt'e.

Matthew 27:32

Jerusalem gots'ǫǫ̀ xàgeède ekò kǫ̀ta Cyrene got'ı̨į̀ ı̨łè gıaɂı̨, Sımon wìyeh. Eghǫǫ-dǫǫ̀ Zezì gha dechı̨et'aa naetı̨į̀ agį̀į̀là.

Mark 10:21

Zezì yeghàeda xè yeghǫneètǫ, hayèhdı, “T'asìı ı̨łè zǫ hanelà-le. Naı̨tłe, t'asìı hazǫǫ̀ nets'ǫ sìı neghǫ nàedì gà eyı sǫǫ̀mba sìı hǫt'ıì dǫ-teèt'ı̨ı̨ gıghàı̨le. Hanì-ı̨dè yak'e t'asìı nechàa nedawheɂǫ ha hǫt'e. Eyı tł'axǫǫ̀-ı̨dè sek'èè k'eı̨da,” Zezì yèhdı.

Mark 7:14

K'achı̨ Zezì dǫ hazǫǫ̀ gokayaı̨htı gà gots'ǫ̀ hadı, “Seàhkw'ǫ, ayìı dàehsı̨ı̨ sìı wedaànıahdè.

Luke 13:24

“Enìı̨tǫ neghoa k'è goyaahde ha hòtł'ò edeahdzà. Dǫ łǫ goyageedè ha degeèhdzà, hanìkò gıgha dìì ha.

Luke 14:33

Eyı lanì, t'asìı hazǫǫ̀ naxıgha wedę lenǫsıı secheekeè aahłı̨ ha dìì.

Luke 18:22

Zezì dǫ hadıì yıìkw'o ekò hayèhdı, “Įłaà t'asìı ı̨łè zǫ hanelà-le. T'asìı hazǫǫ̀ nets'ǫ sìı neghǫ nàedì gà eyı sǫǫ̀mba sìı hǫt'ıì dǫ-teèt'ı̨ı̨ ghàı̨le. Hanì-ı̨dè yak'e t'asìı nechàa nedawheɂǫ ha hǫt'e. Eyı tł'axǫǫ̀-ı̨dè sek'èè k'èętło,” Zezì yèhdı.

Luke 20:45

Dǫ hazǫǫ̀ ı̨łaà egeèhkw'ǫ et'ıì Zezì edecheekeè gots'ǫ̀ hadı,

Luke 9:23

Hadı tł'axǫǫ̀ Zezì dǫ hazǫǫ̀ ts'ǫ̀ hadı, “Amìı sek'èè at'ı̨ ha nıwǫǫ sìı edeghǫ nànıwo ha nıìle eyıts'ǫ dzę taàt'eè edets'ǫ dechı̨et'aa sek'èè nayatı̨ ha hǫt'e.

John 10:27

Sesahzǫ̀ą agı̨ı̨t'ee sìı gıts'ǫ̀ gohde nı̨dè segeèhkw'ǫ, gık'èehsǫ eyıts'ǫ sek'èè k'egedè.

John 19:17

Zezì edets'ǫ dechı̨et'aa nayatı̨į̀ agı̨į̀là, shìh Dǫkwìkw'ǫǫ̀ gòyeh ts'ǫ̀ nayatı̨. (Aramaıc got'ı̨į̀ gıyatıì k'ę̀ę̀ Golgotha gòyeh.)

Zezì Wecheekeèdeè 14:22

Ekǫ Nǫ̀htsı̨ wecheekeè gınì nàtsoò agogele ha gots'ǫ̀ gogı̨ı̨de, hagògedı, “Hoìla łǫ gotehoowıı daats'ǫ̀ Nǫ̀htsı̨ Wenàowoò k'ę̀ę̀ hòɂǫǫ goyats'eedè hǫt'e,” gògedı.

Rome 6:6

Įnę̀ę dǫ dàhòt'ı̨ı̨ ts'ı̨ı̨lèe sìı Zezì-Krı xè dechı̨et'aa k'e wedıìtsò hǫt'e. Hanì-ı̨dè gonìłı̨ı̨ sìı wedıhołè adle ha, eyıts'ǫ hołı̨ı̨ gots'ǫ̀ k'àhowo ha-le.

Rome 8:17

Eyıt'à Nǫ̀htsı̨ weza ats'ı̨ı̨t'e nı̨dè Nǫ̀htsı̨-Gotà ayìı edeza ghàyele ha sìı goxı̨ sı goghàyele ha hǫt'e. Zezì-Krı wexè Nǫ̀htsı̨ weza ats'ı̨ı̨t'e nı̨dè Weza xè t'asìı goghàyele ha hǫt'e. Zezì-Krı wexè dats'ı̨ı̨ɂa nı̨dè goxı̨ sı wexè enıìyah deè goghàhòt'à ha hǫt'e.

1 Corınth 15:31

Sèot'ı̨ı̨, dzę taàt'eè seweè hołè ha lanì. Ehkw'ı anaxèehsı̨, Zezì-Krı naxıgha ehkw'ı-ahodı t'à naxıghǫ sıì sınà hǫt'e.

1 Corınth 8:13

Eyıt'à ayìı ghǫ shèhtı̨ı̨ sìı wet'à sèot'ı̨ hołı̨ı̨ hohtsı̨į̀ awehɂı̨ nı̨dè, k'achı̨ bò wı̨ı̨zìı ghǫ shèhtı̨ ha-le, hanì-ı̨dè hołı̨ı̨ hohtsı̨į̀ awehɂı̨ ha-le.

1 Corınth 9:19

Edets'ǫ̀ k'aehwhoo aht'e xè dǫ wı̨ı̨zìı wets'ǫ aht'e-le kò, dǫ łǫ dehnè ha dehwhǫ t'à dǫ hazǫǫ̀ gıgha eghàlaehdaa dǫǫ̀ ehłı̨į̀ adèhłà.

Galatıa 2:20

Zezì-Krı wexè dechı̨et'aa k'e ełaıhwho hǫt'e, eyıt'à sı̨ xàè ehda nıìle, hanìkò Zezì-Krı ededı̨ sedzeè yìı eda hǫt'e. T'aı̨waà sezhį̀į̀ t'à ehda gots'ǫ̀ Nǫ̀htsı̨ Weza segha ehkw'ı-ahodı t'à ehda hǫt'e. Ededı̨ sìı seghǫneètǫ t'à segha ełaı̨wo hǫt'e.

Galatıa 5:24

Amìı Zezì-Krı wets'ǫ agı̨ı̨t'ee sìı edenàowoò eyıts'ǫ edekwǫ̀ t'à hołı̨ı̨ k'ę̀ę̀ eghàlageeda ha gı̨ı̨wǫǫ sìı eyı hazǫǫ̀ dechı̨et'aa k'e wedıìtsò agį̀į̀là hǫt'e.

Galatıa 6:14

Sı̨ segha sìı t'asìı wı̨ı̨zìı ghǫ xàdahohdì ha dehwhǫ-le. Gots'ǫ̀ K'àowo Zezì-Krı dechı̨et'aa k'e gogha ełaı̨wo eyı zǫ ghǫ xàdahohdì ha dehwhǫ. Ededı̨ wet'ǫ̀ǫ̀ dıı nèk'e t'asìı hazǫǫ̀ segha ełaı̨dèe lajà, eyıts'ǫ sı̨ sı dıı nèk'e t'asìı hazǫǫ̀ ts'ǫ̀ ełaı̨hwho lahjà hǫt'e.

Phılıppı 3:10

Zezì-Krı wek'èehsǫ ha dehwhǫ, eyıts'ǫ dànì nàtso xè naìdàa sìı wet'à ehda ha dehwhǫ. Dànì daı̨ɂàa eyıts'ǫ dànì ełaı̨woo sìı wexèht'eè laahde ha dehwhǫ,

Phılıppı 3:7

Hanìkò ayìı segha wet'àaɂà ı̨lèe sìı segha wedę lajà, Zezì ededı̨ zǫ wegha ehda ha dehwhǫ t'à.

Colosse 1:24

Naxıgha daıhɂà t'à sınà hǫt'e. Zezì-Krı gogha daı̨ɂà, eyıts'ǫ Nǫ̀htsı̨ wecheekeè gogha denahk'e daı̨ɂa ha nı̨dè, sı̨ sı, sezhį̀į̀ t'à wegha daıhɂa kò dehwhǫ.

Colosse 3:5

Eyıt'à dıı nèk'e gots'ǫ hołı̨ı̨ nàowoò naxıts'ǫ̀ k'àowo-le aahłe. Dıı hołı̨ı̨ nàowoò hǫt'e: gozhį̀į̀ t'à hołı̨ı̨ k'alats'edèe, gonìłı̨ı̨, hołı̨ı̨ ghats'eewı, eyıts'ǫ t'asìı ghǫ ets'edì-le. T'asìı gha ets'edì-le sìı gogha nǫ̀htsı̨ elı̨į̀ at'į̀ hǫt'e.

2 Thessalonıca 3:11

Naxıta dǫ mǫ̀hdaa gots'egeedìı xè edets'àgedı ha gı̨ı̨wǫ-le, eyıts'ǫ dǫ gıìdı-le sìı ghǫ gogede, weghǫ ets'ıìkw'o hǫt'e.

Tıtus 2:12

Eyı wet'à t'asìı hazǫǫ̀ Nǫ̀htsı̨ wınì k'ę̀ę̀ nıìle sìı, eyıts'ǫ dıı nèk'e t'asìı weghats'eewıı sìı ts'ǫ̀ į̀le ts'edı gha hoghàgoètǫ hǫt'e. Eyıts'ǫ wet'à dıı nèk'e nàowołı̨ı̨ ch'à edek'èts'edì ha, ehkw'ı ts'eeda ha, eyıts'ǫ Nǫ̀htsı̨ wek'ę̀ę̀ ts'eeda ha, wek'èts'eezǫ hǫt'e.

Hebrew 13:13

Eyıt'à kǫ̀godeè gomǫ̀ht'a ts'ǫ̀ ats'ııde, wexèht'eè dǫ gıdaà ts'èwhı̨į̀ dats'ııɂà.

1 Peter 4:1

Zezì-Krı dıı nèk'e ı̨ı̨dà ekò edezhį̀į̀ t'à daı̨ɂà hǫt'e, Zezì-Krı lanì naxı̨ sı naxızhį̀į̀ t'à daahɂa ha naxınì nàtsoò aahłe. Amìı edezhį̀į̀ t'à daı̨ɂaa sìı hołı̨ı̨ nàowoò k'ę̀ę̀ eda-le at'į̀ hǫt'e.

1 Peter 4:13

Hanìkò Zezì-Krı wexè daahɂaa sìı ghǫ naxınà welè, hanì-ı̨dè Zezì-Krı enıìyah t'à K'àowocho k'ę̀ę̀ wègoèht'į̀ nı̨dè sıì naxınà ha hǫt'e.

2 Peter 1:14

Whaà-le-t'ıì sezhį̀į̀ ełaàwı ha, Zezì-Krı hotıì wek'èehsǫǫ̀ asį̀į̀là hǫt'e.

1 John 3:16

Zezì gogha ełaı̨woo sìı eyı weghàà goghǫneètǫ wek'èts'eezǫǫ̀ ats'ejà. Eyı xèht'eè gòet'ı̨ gıgha ehkw'ı-ahodıı sìı gıgha ełaàts'ıde ts'ı̨ı̨wǫ welì.

John Wenazhıı 2:10

Whaà-le-t'ıì ayìı t'à daahɂa ha sìı weghǫ dahjı̨-le. Ehkw'ı anaxèehsı̨, wehłı̨ı̨ naxeèhdzà ha nıwǫ t'à dǫ-danìı̨laa-kǫ̀ ts'ǫ̀ anaxele ha hǫt'e. Hoònǫ dzęę̀ ts'ǫ̀ danaxegį̀ı̨hɂa ha. Naxıweè hogehtsı̨ kò naxınì nàtsoò aahłe. Wek'èxa welǫ whìle ts'ǫ̀ ts'eedaa naxıghàehɂà ha.