Mark 8:2 - Nǫ̀htsı̨ Nı̨htł'è

² “Dıı dǫ sedzeè t'à etegeèhɂı̨. Taı dzęę̀ sexè gıakw'è, hanìkò t'asìı wı̨ı̨zìı gıwàhǫǫdì-le.

Mark 8:2 ပူးပေါင်းရင်းမြစ်များ

Matthew 14:14

Zezì edecheekeè xè ı̨nǫ̀ǫ̀ tàwheɂe ekò dǫ łǫ gıdanaèhɂı̨ nǫǫ̀. Zezì ededzeè t'à etegoèhɂı̨, eyıt'à dǫ eyagı̨ı̨lı̨ı̨ sìı k'aàt'ıì agǫ̀ǫ̀là.

Matthew 20:34

Zezì ededzeè t'à etegoòɂı̨ t'à godaà k'e whehdì. Ekòet'ıì gıdaà k'aàt'ıì ajà t'à Zezì k'ègeède.

Matthew 9:36

Dǫ łǫ ełèwhede goghàeda ekò dǫ ts'ǫ̀ wedzeè eteèɂı̨. Dǫ gıxè hoìla xè sahzǫ̀ą dǫ gok'èdìı whìle lagı̨ı̨t'e.

Mark 1:41

Zezì eyı dǫ eteèt'ı̨ nıwǫ t'à edılà yek'e ayı̨į̀là, hayèhdı, “Hęɂę, hahwhǫ! K'aàt'ıì anede!” yèhdı.

Mark 5:19

Hanìkò Zezì hayèhdı, “Nekǫ̀ ts'ǫ̀ anaąde. Nǫ̀htsı̨ ayìı negha dàyį̀į̀làa eyıts'ǫ dànì sıì etenèehɂı̨ı̨ sìı hazǫǫ̀ nèot'ı̨ gıts'ǫ̀ haı̨dı,” yèhdı.

Mark 6:32

Eyıt'à elà yìı gı̨ı̨de gà gowhatsǫǫ̀ gòɂǫǫ ts'ǫ̀ geèɂe.

Mark 6:34

Zezì edecheekeè xè ı̨nǫ̀ǫ̀ tàwheɂe ekò dǫ łǫ ełèwhede goaɂı̨. Sahzǫ̀ą gık'èhodì-le lagı̨ı̨t'e t'à, Zezì ededzeè t'à etegoòhɂı̨. Gots'ǫ̀ gode eyıts'ǫ t'asìı łǫ hoghàgoèhtǫ.

Mark 8:3

Dǫ mǫ̀hdaa gǫǫwà gots'ǫ aget'ı̨ t'à bò dę nageedè agèhłà nı̨dè degeèhdì t'à nàgeetł'ì ha sǫnı,” gòhdı.

Mark 9:22

Įnìłı̨ı̨ ełaàyèhwhı ha nıwǫ t'à t'aats'ǫǫ̀ kǫ̀ dèk'ǫ̀ǫ nı nàkw'ıì ayehɂı̨, eyıts'ǫ tekw'ıì ayehɂı̨. Wegha t'asìı haąle ha dìì-le nı̨dè, etegoneèɂı̨ xè gots'àądı,” Zezì ts'ǫ̀ hadı.

Luke 15:20

Eyıt'à eyı cheko sìı nıìtła gà edetà ts'ǫ̀ naèhtła. “Įłaà nıwà naeda et'ıì wetà yaɂı̨, weghǫ wedzeè eteèɂı̨. Hanì-t'ıì edeza ts'ǫ̀ tı̨mǫèhza, edeyàdo gà yı̨ı̨ts'į̀.

Luke 7:13

Gots'ǫ̀ K'àowo ts'èko eɂı̨ ekò weghǫ wedzeè dìì, hayèhdı, “Netse-le,” yèhdı.

Hebrew 2:17

Eyı ts'ıhɂǫ̀ dànì dǫ ts'ı̨ı̨lı̨ı̨ sìı hotıì goxèht'eè wehòèlı̨ hǫt'e. Hanì-ı̨dè Nǫ̀htsı̨ ghǫ wınì nàtso xè yegha eghàlaeda ha welì. Yahtıı-wet'àaɂàa-deè dǫ ts'ǫ̀ wedzeè eteèɂı̨ı̨ elı̨ ha welì, eyıts'ǫ dǫ gıhołı̨į̀ k'èxa ełaàwı ha welì.

Hebrew 4:15

Gogha yahtıı-wet'àaɂàa-deè elı̨ı̨ sìı dànì nàts'etso-le t'à dǫ ts'ı̨ı̨lı̨ı̨ sìı yek'èezǫ hǫt'e. Goxèht'eè t'asìı hazǫǫ̀ t'à weèdzà ı̨lè hǫt'e, hanìkò hołı̨ı̨ wı̨ı̨zìı wek'e wheɂǫ-le.

Hebrew 5:2

Hanì yahtıı-wet'àaɂàa-deè elı̨ı̨ sìı dǫ t'asìı k'ègeezǫ-le t'à ts'ıɂǫ̀ geedèe sìı gok'èezǫ xè etegoèhɂı̨ hǫt'e, ededı̨ sı goxèht'eè nàtso-le hǫt'e t'à.