Mark 7:9 - Nǫ̀htsı̨ Nı̨htł'è

⁹ “Nàahɂį̀ laaht'ı̨! Whatsǫǫ̀ naxınàowoò k'èahdì ha dahwhǫ t'à, Nǫ̀htsı̨ nàowoò wedę aahłà!

Mark 7:9 ပူးပေါင်းရင်းမြစ်များ

Mark 7:13

Dǫ gha hanì nàowo aahtsı̨ t'à Nǫ̀htsı̨ weyatıì wedę aahɂı̨. Eyıts'ǫ eyı lanıı łǫ k'alaahdè,” Zezì gòhdı.

Mark 7:3

(Pharısee gı̨ı̨lı̨ı̨ eyıts'ǫ Israel got'ı̨į̀ gıgha k'aodèe hazǫǫ̀ gıcho gınàowoò k'ègedì ha gı̨ı̨wǫ t'à nàowo degaı get'ı̨ k'ę̀ę̀ shègezhe kwe t'aats'ǫǫ̀ edılà k'enagehtse.

Mark 7:5

Eyıt'à Pharısee gı̨ı̨lı̨ı̨ eyıts'ǫ Nǫ̀htsı̨-yatıì-k'ègedìı-dǫǫ̀ Zezì ts'ǫ̀ hagedı, “Dànìghǫ necheekeè gocho gınàowoò k'ę̀ę̀ geeda-le? Edılà ‘degaı’ agį̀į̀là-le et'ıì shègezhe,” gıìhdı.

Rome 3:31

Eyıt'à Zezì gogha ehkw'ı-ahodı ts'ıhɂǫ̀ Moses wenàowoò wet'àaɂà-le ade ha nì? Į̀le, hanì ha honàedı nıìle! Moses wenàowoò ı̨łaà gogha ehkw'ı hǫt'e eyıts'ǫ dǫ ts'ǫ̀ hats'edı hǫt'e.

2 Corınth 11:4

Dǫ ładı̨ı̨ naxıts'ǫ̀ nììtła gà Zezì eyıì-le ghǫ hoghànaxeehtǫ nı̨dè naxıgha t'asanìle. Yedàyeh Nezı̨ı̨ naxıghǫ̀t'ǫǫ sìı wedę ı̨nì eładı̨ı̨ naxıgha ehkw'ı-ahodı nı̨dè, hanì-le-ı̨dè godı nezı̨ı̨ naxıghǫ̀t'ǫǫ sìı wedę godı eładı̨ı̨ naxıgha ehkw'ı-ahodı nı̨dè, nàhotì-le gıyatıì ààhchı hǫt'e.

Galatıa 1:14

Israel got'ı̨į̀ gınàowoò ts'ǫǫ̀hk'e hoghàdeehtǫ t'à sèot'ı̨ sexètłǫ gıghoò sìı gınahk'e ehłı̨ ı̨lè, eyıts'ǫ gocho gınàowoò k'ę̀ę̀ ts'eeda gha sıì sınì nàtso ı̨lè.

Galatıa 2:21

Nǫ̀htsı̨ wesǫnıwǫǫ sìı wedę ahłe ha dehwhǫ-le. Moses wenàowoò k'èats'ı̨ı̨t'e t'à ehkw'ıì ats'ede ha dìì-le nı̨dè Zezì-Krı k'ètł'ǫ̀ ełaı̨wo hǫt'e!”

2 Thessalonıca 2:4

Eyı dǫ wejıı sìı t'asìı hazǫǫ̀ dǫ Nǫ̀htsı̨ gìt'ı̨ı̨ sìı eyıts'ǫ t'asìı hazǫǫ̀ ts'ǫ̀ yagehtıı sìı k'èch'a k'ehoɂa xè gınahk'e ehłı̨ hadı ha. Eyıt'à Nǫ̀htsı̨kǫ̀-gocho goyìı wheda gà Nǫ̀htsı̨ aht'e edèhdı ha.