Mark 7:5 - Nǫ̀htsı̨ Nı̨htł'è

⁵ Eyıt'à Pharısee gı̨ı̨lı̨ı̨ eyıts'ǫ Nǫ̀htsı̨-yatıì-k'ègedìı-dǫǫ̀ Zezì ts'ǫ̀ hagedı, “Dànìghǫ necheekeè gocho gınàowoò k'ę̀ę̀ geeda-le? Edılà ‘degaı’ agį̀į̀là-le et'ıì shègezhe,” gıìhdı.

Mark 7:5 ပူးပေါင်းရင်းမြစ်များ

Matthew 15:2

“Dànìghǫ necheekeè gocho gınàowoò k'èch'a eghàlageeda? Shègezhe kwe edılà k'enagehtse-le!” gıts'ǫ̀ hadı.

Mark 7:13

Dǫ gha hanì nàowo aahtsı̨ t'à Nǫ̀htsı̨ weyatıì wedę aahɂı̨. Eyıts'ǫ eyı lanıı łǫ k'alaahdè,” Zezì gòhdı.

Mark 7:8

Dǫ gınàowoò k'ę̀ę̀ eghàlaahda t'à Nǫ̀htsı̨ Wenàowoò nahk'e wet'àaɂà dahwhǫ.

Mark 7:9

“Nàahɂį̀ laaht'ı̨! Whatsǫǫ̀ naxınàowoò k'èahdì ha dahwhǫ t'à, Nǫ̀htsı̨ nàowoò wedę aahłà!

Zezì Wecheekeèdeè 21:21

Hanìkò dıı hanì neghǫ godı gıìkw'o. Israel got'ı̨į̀ dǫ eyıì-le ta nàgedèe sìı Moses wenàowoò wedę hoghàgı̨ı̨htǫǫ, nègedı. Moses wenàowoò k'ę̀ę̀ naxızaa gıkwǫ̀ nàt'à-le kò eyıts'ǫ gonàowoò k'èahdì-le kò nı̨ı̨dı ghǫ egıìkw'o.

Zezì Wecheekeèdeè 21:24

Eyı dǫ dı̨ edexè agı̨ı̨le. Nǫ̀htsı̨ yatıì k'ę̀ę̀ sıìdegele gha, gıxè aąde. Gıt'à sıìdegele gha sǫǫ̀mba t'à gıts'àądı, hanì-ı̨dè edekwìghà hazǫǫ̀ xaget'à ha. Hanelà nı̨dè dǫ hazǫǫ̀ neghǫ godı gıìkw'oo sìı ehkw'ı-ahodı-le nǫǫ̀ gı̨ı̨wǫ ha, eyıts'ǫ Moses wenàowoò k'ę̀ę̀ ı̨da nǫǫ̀ negı̨ı̨hwhǫ ha.

Rome 4:12

Eyıts'ǫ Moses wenàowoò k'ę̀ę̀ gıkwǫ̀ nàt'àa sìı ededı̨ sı gogha gotà elı̨ hǫt'e. Gıkwǫ̀ nàat'a zǫ t'à gotà elı̨ nıìle, hanìkò Nǫ̀htsı̨ gıgha ehkw'ı-ahodı t'à gotà elı̨ hǫt'e, Abraham nàat'a kwe hanì wegha ehkw'ı-ahodı ı̨lè k'ę̀ę̀.

Galatıa 1:14

Israel got'ı̨į̀ gınàowoò ts'ǫǫ̀hk'e hoghàdeehtǫ t'à sèot'ı̨ sexètłǫ gıghoò sìı gınahk'e ehłı̨ ı̨lè, eyıts'ǫ gocho gınàowoò k'ę̀ę̀ ts'eeda gha sıì sınì nàtso ı̨lè.

2 Thessalonıca 3:11

Naxıta dǫ mǫ̀hdaa gots'egeedìı xè edets'àgedı ha gı̨ı̨wǫ-le, eyıts'ǫ dǫ gıìdı-le sìı ghǫ gogede, weghǫ ets'ıìkw'o hǫt'e.

2 Thessalonıca 3:6

Sèot'ı̨ı̨, gots'ǫ̀ K'àowo Zezì-Krı wıızì t'à dıı hanaxèts'edı: Naxıta dǫ eghàlaeda ha nıwǫ-le xè ayìı hoghànaxets'eèhtǫ k'ę̀ę̀ eda-le nı̨dè wexè aaht'ı̨-le.