Mark 7:4 - Nǫ̀htsı̨ Nı̨htł'è

⁴ Nàedìı k'è gots'ǫ nagııdè nı̨dè t'aats'ǫǫ̀ shègezhe kwe edılà k'enagehtse. Nàowo eyı lahot'ı̨ı̨ łǫ k'ègedì, gınàowoò k'ę̀ę̀ lıbò, tǫ eyıts'ǫ lıìhtǫ k'enagehtse.)

Mark 7:4 ပူးပေါင်းရင်းမြစ်များ

Matthew 23:25

“Naxı̨ Nǫ̀htsı̨-yatıì-k'èahdìı-dǫǫ̀ eyıts'ǫ Pharısee yàahłı̨ı̨ sìı naxıgha hoìla nechà ha. Degaı daahtsı̨ kò wek'ę̀ę̀ aahda nıìle! Lıbò eyıts'ǫ kw'à weka zǫ nezı̨į̀ wek'enaahtse, hanìkò naxıdzeè yìı aahdı-le xè t'aahwhǫ k'ę̀ę̀ zǫ aahda.

Matthew 23:26

Naxı̨ Pharısee yàahłı̨ı̨ sìı naxıdaà goìlee laaht'e. Naxılıbò eyıts'ǫ naxıkw'à nezı̨į̀ weyìı wek'enaahtse ha hǫt'e, hanì-ı̨dè weka sı degoò ade ha.

Matthew 27:24

Dǫ hazǫǫ̀ hòtł'ò nàdahogehdè t'à k'àowo Pılate goghǫdaehnè ha dìì yek'èhoèhzà. Eyıt'à tı ìhchì gà dǫ hazǫǫ̀ gonadąą̀ edılà k'enaı̨htso, hadı, “Dıı dǫ wedoò nałaètł'ìı sìı sı̨ set'à nıìle. Naxı̨ naxıts'ǫ̀ hoèlı̨ hǫt'e!” gòhdı.

Mark 7:8

Dǫ gınàowoò k'ę̀ę̀ eghàlaahda t'à Nǫ̀htsı̨ Wenàowoò nahk'e wet'àaɂà dahwhǫ.

John 2:6

Tı gha kwetǫ nechàa ek'ètaı eyı whela, wet'à Israel got'ı̨į̀ edenàowoò k'ę̀ę̀ edılà eyıts'ǫ edekè k'enagehtse. Kwetǫ ı̨łè naènǫ hanì-le-ı̨dè taènǫ lìgalǫ̀ haàtłǫ tı weyìı whetł'ı hǫt'e.

John 3:25

John-Baptıst wecheekeè eyıts'ǫ Israel got'ı̨į̀ gha k'àowo ı̨łè edek'enats'ehtsee nàowoò ghǫ ełets'ǫ̀ nàyagehtı.

Hebrew 9:10

Eyı nàowo t'à gıat'į̀ı̨ sìı t'asìı weghǫ shèts'ezhee, t'asìı ts'edǫ eyıts'ǫ edenàowoò k'ę̀ę̀ edek'enagehtse hanıı zǫ t'à agıat'į̀ ı̨lè. Nǫ̀htsı̨ nàowogòò goxè whehtsı̨ gots'ǫ̀ edezhį̀į̀ gha eyıts'ǫ edılà t'à hanì zǫ eghàlageeda ha dìì-le ı̨lè.

James 4:8

Nǫ̀htsı̨ ts'ǫ̀ nıwà-le aahde, hanì-ı̨dè ededı̨ sı naxıts'ǫ̀ nıwà-le ade ha. Naxı̨ hołı̨ı̨-hoahtsı̨ı̨-dǫǫ̀ aaht'ee sìı naxıhołı̨į̀ wedę aahłe, eyıts'ǫ naxınì nàke laaht'ee sìı naxıdzeè degaı aahłe.

1 John 1:7

Ekò wexèht'eè dzęh yìı ats'ı̨ı̨t'e nı̨dè, ełets'ǫ̀ godzeè nezı̨ ha, eyıts'ǫ Nǫ̀htsı̨ Weza Zezì wedoò t'à gohołı̨į̀ k'enaetse.