Mark 7:28 - Nǫ̀htsı̨ Nı̨htł'è

²⁸ Ts'èko yets'ǫ̀ hadı, “Sets'ǫ̀ K'àowo, ehkw'ı aı̨dı, hanìkò tłı̨ kò chekoa gıladà tł'a gots'ǫ łèt'ègwìa gedè hǫt'e,” yèhdı.

Mark 7:28 ပူးပေါင်းရင်းမြစ်များ

Matthew 15:27

Ts'èko hadı, “Sets'ǫ̀ k'àowo, ehkw'ı aı̨dı, hanìkò tłı̨ kò wets'ǫ k'àowo weladà k'e gots'ǫ łèt'ègwìa hodàetł'ìı sìı gedè hǫt'e,” yèhdı.

Matthew 5:45

Haaht'ı̨ nı̨dè Nǫ̀htsı̨ Naxıtà yak'e whedaa sìı weza aaht'e. Dǫ nezı̨ı̨, dǫ nezı̨-le ełèht'eè gogha sadeè daaɂaà ayehɂı̨; eyıts'ǫ dǫ ehkw'ı geedaa, dǫ ehkw'ı geeda-le ełèht'eè gogha chǫh at'ı̨į̀ ayehɂı̨.

Mark 7:27

Zezì yets'ǫ̀ hadı, “T'akwełǫ̀ǫ̀ chekoa shègezhe ha hǫt'e. Chekoa gıłèt'è gıghǫ nets'ıìchı gà tłı̨ ts'ǫ̀ ts'ehk'aa sìı ehkw'ı nıìle,” yèhdı.

Mark 7:29

Zezì yets'ǫ̀ hadı, “Hanì xàyanehtı t'à, hòt'a nekǫ̀ ts'ǫ̀ naı̨tłe; ı̨nìłı̨ı̨ netì ts'ǫǫ̀ ajà,” yèhdı.

Rome 10:12

Israel got'ı̨į̀ eyıts'ǫ dǫ eyıì-le xàɂaa sìı Nǫ̀htsı̨ eładı̨ gots'ǫ̀ eghàlaeda nıìle. Dǫ hazǫǫ̀ ełèht'eè gots'ǫ̀ K'àowo elı̨ hǫt'e, eyıts'ǫ dǫ hazǫǫ̀ weghǫ gınì nàtsoo sìı deɂǫ̀ǫ̀ gıxè sìghà hòɂǫ agohɂį̀.

Rome 3:29

Nǫ̀htsı̨ sìı Israel got'ı̨į̀ gogha zǫ Nǫ̀htsı̨ elı̨ nì? Asį̀į̀ dǫ eyıì-le xàɂaa, ededı̨ sı gogha Nǫ̀htsı̨ elı̨ nì? Hęɂę, Nǫ̀htsı̨ ı̨łè zǫ gǫ̀hłı̨ ts'ıhɂǫ̀, dǫ eyıì-le xàɂaa ededı̨ sı gogha Nǫ̀htsı̨ elı̨ hǫt'e.

Ephesus 3:8

Nǫ̀htsı̨ wets'ǫ dǫ hazǫǫ̀ gıgha sı̨ denahk'e dek'aɂį̀ ehłı̨ kò eyı wesǫnıwǫ seghǫ̀t'ǫ dahxà dıı la seghàı̨ɂǫ hǫt'e: Dǫ Israel got'ı̨į̀ agı̨ı̨t'e-le sìı Zezì-Krı dànì sıì enıìyah t'à dǫ xè sìghà agole ha sìı t'à gıts'ǫ̀ gohde ha.