Mark 7:21 - Nǫ̀htsı̨ Nı̨htł'è

²¹ Nàowołı̨ı̨ t'à nànıts'ewoo sìı godzeè yìı gots'ǫ at'ı̨ hǫt'e. Godzeè t'à dıı hanì nanıts'edè: gozhį̀į̀ t'à hołı̨ı̨ k'alats'edèe, ets'eeɂį̀ı̨, dǫ ełaàts'ehwhıı, ełexè hołı̨ı̨ hots'ehtsı̨ı̨,

Mark 7:21 ပူးပေါင်းရင်းမြစ်များ

Dànì Kèhoį̀wo 6:5

Gots'ǫ̀ K'àowo dıı nèk'e dǫ sıì hołı̨ı̨ k'ę̀ę̀ geedaà agejàa, gok'èezǫ. Ekìı t'aats'ǫǫ̀ dedzeè t'à hołı̨ı̨ zǫ ghǫ nànıgedè agejà.

Dànì Kèhoį̀wo 8:21

Gots'ǫ̀ K'àowo t'asìı wets'ǫ̀ wek'eek'ǫ̀ǫ sìı wegha nezı̨ t'à edets'ǫ̀ hadı, “Dǫ negechà-lea gots'ǫ t'aats'ǫǫ̀ ededzeè t'à hołı̨ı̨ nàowoò zǫ danıgedè kò, k'achı̨ wı̨ı̨zìı dèè k'e hanì hoìla agohłe ha nıìle. Eyıts'ǫ k'achı̨ wı̨ı̨zìı t'asìı hazǫǫ̀ edaa sìı gıdıhohtsı̨ ha nıìle.

Matthew 15:19

Nàowołı̨ı̨ t'à nànıts'edèe sìı godzeè yìı gots'ǫ at'ı̨ hǫt'e. Godzeè t'à dıı hanì nezı̨į̀ nànıts'edè-le: dǫ ełaàts'ehwhıı, ełexè hołı̨ı̨ hots'ehtsı̨ı̨, hołı̨ı̨ k'ę̀ę̀ ełek'alats'edèe, ets'eeɂį̀ı̨, dǫ ghǫ hots'ets'ìı, eyıts'ǫ dǫ gıızì jıı ts'ehtsı̨.

Matthew 9:4

Zezì dànì nànıgedèe sìı gok'èezǫ t'à hagòhdı, “Dànìghǫ naxıdzeè yìı nàowołı̨ı̨ t'à nànıahdè?

Mark 7:20

Eyıts'ǫ Zezì hadı, “Dǫ wedzeè yìı gots'ǫ ayìı xàdeewìı sìı yet'à ‘degaı elı̨-le’ hǫt'e.

Mark 7:22

ets'edì-le, hołı̨ı̨ k'ę̀ę̀ k'ehots'eɂaa, ełeghǫyats'eeɂàa, t'asìıjıı ghǫ nànıts'edèe, ełeghǫ ts'ohots'eedıı, ełıızì jıı ts'ehtsı̨ı̨, xàhots'edìı, eyıts'ǫ ezhı̨ne k'ę̀ę̀ k'ehots'eɂaa.

Luke 16:15

Eyıt'à Zezì gots'ǫ̀ hadı, “Naxı̨ sìı dǫ gıdaà ehkw'ı k'ehoahɂa, hanìkò Nǫ̀htsı̨ naxıdzeè k'èezǫ hǫt'e. Dǫ ayìı gıgha deɂǫ̀ǫ̀ wet'àaɂàa sìı Nǫ̀htsı̨ wegha wet'àaɂà nıìle.

Zezì Wecheekeèdeè 5:4

Dèè neghǫ nàèdì kwe sìı eyı dèè nets'ǫ ı̨lè ne sǫnaà? Neghǫ nàèdì tł'axǫǫ̀ wesǫǫ̀mbaà ts'ǫ̀ k'àı̨wo ı̨lè ne sǫnaà? Dànìghǫ ekǫ-le eghàlaneedà? Dǫ ts'ǫ̀ hoı̨ts'ì nıìle, Nǫ̀htsı̨ ts'ǫ̀ hoı̨ts'ì hǫt'e,” yèhdı.

Zezì Wecheekeèdeè 8:22

Nenàowołı̨ı̨ wek'enelı̨ eyıts'ǫ gots'ǫ̀ K'àowo ts'ǫ̀ yanehtı. Edahxǫ neghǫ nahoele ha welì.

Rome 7:5

Goınìłı̨ı̨ gots'ǫ̀ k'àhowo ekò, Moses wenàowoò weghǫ ets'ıìkw'o t'à gonìłı̨ı̨ yek'èch'a eghàlaeda ha nıwǫ. Eyıts'ǫ gozhį̀į̀ t'à hołı̨ı̨ hots'èhtsı̨ı̨, gonìłı̨ı̨ k'ę̀ę̀ eghàlats'eeda ı̨lèe sìı wet'à ełaàts'ede ı̨lè.

Rome 7:8

Hanìkò eyı nàowo wek'èch'a aht'ı̨ ha segha hòɂǫǫ̀ adlà hǫt'e. T'asìı łǫ sets'ǫ-le sìı sınìłı̨ı̨ t'à weghaehwhıì ahjà. Nàowo gǫ̀hłı̨-le nı̨dè hołı̨ı̨ nàowoò whìle ha ı̨lè.

Colosse 3:5

Eyıt'à dıı nèk'e gots'ǫ hołı̨ı̨ nàowoò naxıts'ǫ̀ k'àowo-le aahłe. Dıı hołı̨ı̨ nàowoò hǫt'e: gozhį̀į̀ t'à hołı̨ı̨ k'alats'edèe, gonìłı̨ı̨, hołı̨ı̨ ghats'eewı, eyıts'ǫ t'asìı ghǫ ets'edì-le. T'asìı gha ets'edì-le sìı gogha nǫ̀htsı̨ elı̨į̀ at'į̀ hǫt'e.

Tıtus 3:3

Įnę̀ę sìı goxı̨ sı gots'ı̨ı̨zǫ-le ı̨lè, ek'èats'ı̨ı̨t'e-le ı̨lè, goghǫyageeɂà eyıts'ǫ gonàowołı̨ı̨ k'ę̀ę̀ zǫ ts'eeda ı̨lè. T'aats'ǫǫ̀ hołı̨ı̨ hots'ehtsı̨ xè ełeghǫ ts'ohots'eedı ı̨lè. Dǫ dzats'ı̨ı̨hwhǫ eyıts'ǫ dǫ godzagı̨ı̨hwhǫ hanì ts'eeda ı̨lè.

James 2:4

Hanì k'ehoahɂa nı̨dè ekǫ-le eghàlaahda hǫt'e. Naxèot'ı̨ ı̨łè wet'àhoòɂà eyıts'ǫ ı̨łè wet'àhoòɂà-le k'ę̀ę̀ gıts'ǫ̀ k'ehoahɂa. Haaht'ı̨ nı̨dè hołı̨ı̨ nàowoò k'ę̀ę̀ ełesınìyaahtı hǫt'e.