Mark 7:2 - Nǫ̀htsı̨ Nı̨htł'è

² Zezì wecheekeè mǫ̀hdaa shègezhe kwe edılà k'enagehtse-le gogıaɂı̨, eyıt'à wecheekeè gılà “degaı nıìle” k'ę̀ę̀ gogıhtà.

Mark 7:2 ပူးပေါင်းရင်းမြစ်များ

Matthew 15:2

“Dànìghǫ necheekeè gocho gınàowoò k'èch'a eghàlageeda? Shègezhe kwe edılà k'enagehtse-le!” gıts'ǫ̀ hadı.

Mark 7:5

Eyıt'à Pharısee gı̨ı̨lı̨ı̨ eyıts'ǫ Nǫ̀htsı̨-yatıì-k'ègedìı-dǫǫ̀ Zezì ts'ǫ̀ hagedı, “Dànìghǫ necheekeè gocho gınàowoò k'ę̀ę̀ geeda-le? Edılà ‘degaı’ agį̀į̀là-le et'ıì shègezhe,” gıìhdı.

Luke 11:38

Zezì shètı̨ kwe edılà k'enaı̨htso-le. Pharısee nàyèhzhį̀ t'à wegha enıìyah lanì.

Zezì Wecheekeèdeè 10:28

Peter gots'ǫ̀ hadı, “Goxı̨ gonàowoò k'ę̀ę̀ dànì goxè hòɂǫǫ sìı wek'èahsǫ hǫt'e. Israel got'ı̨į̀ sìı, dǫ eyıì-le xàɂaa xè aget'ı̨ ha, gıgha wets'àet'ǫ hǫt'e. Hanìkò dǫ wı̨ı̨zìı wejıı wèehsı̨ ha-le sìı Nǫ̀htsı̨ wek'èehsǫǫ̀ asį̀į̀là.

Zezì Wecheekeèdeè 11:8

“Eyıt'à haehsı̨, ‘Sets'ǫ̀ K'àowo, hahłe ha dìì, t'asìı wejıı sìı sewàhǫǫdì whìle hǫt'e,’ dehsı̨.

Rome 14:14

Gots'ǫ̀ K'àowo wexè ehda hǫt'e, eyıt'à weghǫ shèts'ezhee wı̨ı̨zìı sìı hołı̨ı̨ nıìle hotıì wek'èehsǫ hǫt'e. Hanìkò dǫ wegha wets'àet'ǫ nı̨dè wegha hołı̨ı̨ hǫt'e.

Hebrew 10:29

Dǫ Nǫ̀htsı̨ Weza wegha t'asìı elı̨-le, wedoò t'à nakenahòdlı̨ı̨ t'à wehołı̨į̀ whìle adlàa sìı wegha wet'àaɂà-le nı̨dè, eyıts'ǫ Nǫ̀htsı̨ wesǫnıwǫ t'à Yedàyeh Nezı̨ı̨ goghǫ̀t'ǫǫ sìı yek'èch'a eghàlaı̨dà nı̨dè eyı dǫ sìı denahk'e hòtł'ò nàweekwa ha hǫt'e.

John Wenazhıı 21:27

T'asìı wejıı sìı eyı kǫ̀godeè ts'ǫ̀ adle ha-le, eyıts'ǫ dǫ wı̨ı̨zìı hołı̨ı̨ hohtsı̨ı̨ xè hots'ì godee sìı eyı kǫ̀godeè goyaetła ha-le. Dǫ welǫ whìle ts'ǫ̀ geeda xè Sahzǫ̀ą wenı̨htł'è k'e gıızì dek'eèhtł'èe sìı eyı kǫ̀godeè goyageedè ha.