Mark 6:56 - Nǫ̀htsı̨ Nı̨htł'è

⁵⁶ Eyı nèk'e edı̨į̀ k'etłoo sìı kǫ̀ta yàgòlaa eyıts'ǫ edı̨į̀ dǫ nàdèe sìı dǫ eyaelı̨ı̨ tı̨lı k'e nègele. Gıghǫnàdaetì, hagıìhdı, “Dǫ eyagı̨ı̨lı̨ı̨ neɂeè welǫ zǫ kò dageechıì agı̨ı̨le,” gıìhdı. Eyıt'à dǫ hazǫǫ̀ Zezì weɂeè xèlagıìdıı sìı k'aàt'ıì agejà.

Mark 6:56 ပူးပေါင်းရင်းမြစ်များ

Matthew 14:36

Gıghǫnàdaetì, hagedı, “Dǫ eyagı̨ı̨lı̨ı̨ sìı neɂeè welǫ zǫ kò dageechıì agı̨ı̨le,” gıìhdı. Eyıt'à dǫ hazǫǫ̀ Zezì weɂeè xèlageehdıı sìı k'aàt'ıì agejà.

Matthew 9:20

Ekìıyeè k'e ts'èko ı̨łè Zezì chį̀ht'a nììtła xè yeɂeè welǫ daachì. Eyı ts'èko hoònǫ-daats'ǫ̀-nàke xo gots'ǫ edoò weɂǫ̀-at'ı̨ t'à eyaelı̨.

Mark 3:10

Zezì dǫ łǫ k'aàt'ıì agǫǫ̀là t'à dǫ eyaelı̨ı̨ hazǫǫ̀ Zezì xèlageedı ha gı̨ı̨wǫ t'à wets'ǫ̀ ełegeehtsı.

Mark 6:55

Zezì ekǫ nììtła ghǫ dǫ ts'ǫ̀ hagedı ha eyı nèk'e hazǫǫ̀ ts'ǫ̀ natı̨mǫgı̨į̀de. Eyıt'à Zezì edı̨į̀ whedaa sìı dǫ eyagı̨ı̨lı̨ı̨ te k'e whete gıts'ǫ̀ agehɂı̨.

Luke 22:51

Hanìkò Zezì hadı, “Hòt'a!” Zezì edılà dǫ dzeèbàa k'e ayį̀į̀là t'à t'asanìle anajà.

Luke 6:19

Eyıts'ǫ Zezì t'asìı nàtsoo wets'ǫ̀-èlı̨ t'à dǫ k'aàt'ıì aget'į̀ ts'ıhɂǫ̀ dǫ hazǫǫ̀ gıxèlaìdı ha hogeèhdzà.

Luke 8:44

Zezì chį̀ht'a nììtła xè yeɂeè welǫ daachì. Ekòet'ıì wedoò whìle ajà.

Zezì Wecheekeèdeè 4:12

Ededı̨ zǫ edaxàgole ha hǫt'e. Dıı nèk'e dǫ wı̨ı̨zìı wet'à edaxàts'eedè ha gǫ̀hłı̨ nıìle,” Peter gòhdı.

Zezì Wecheekeèdeè 4:9

dıı dzęę̀ k'e dǫ k'eda-le etewets'eèɂı̨ k'èxa goghǫ nàyaetı nı̨dè, eyıts'ǫ dànì dǫ k'aàt'ıì ajàa sìı ghǫ dagoahke ha nı̨dè,

Zezì Wecheekeèdeè 5:15

Dǫ eyagı̨ı̨lı̨ı̨ sìı tè k'e tı̨lıbàa nègogį̀ı̨wa. Peter goxaèhtła-ı̨dè edahxǫ weɂı̨zhı̨į̀ gık'e ajà nı̨dè k'aàt'ıì agede ha gı̨ı̨wǫ.