Mark 6:48 - Nǫ̀htsı̨ Nı̨htł'è

⁴⁸ Zezì wecheekeè gınìhdǫǫ̀ nawhets'ı t'à hòtł'ò egeet'oò goaɂı̨. Totanı daats'ǫ̀ taı nìı̨ɂǫ hanì-le-ı̨dè ek'ètaı ekìıyeè k'e Zezì tı ka edecheekeè gots'ǫ̀ naetłe ekò goɂǫ̀ǫ̀ naetła ha ı̨lè.

Mark 6:48 ပူးပေါင်းရင်းမြစ်များ

Dànì Kèhoį̀wo 19:2

Gots'ǫ̀ hadı, “Sets'ǫ̀ k'àowo, sekǫ̀ ts'ǫ̀ sek'èahdè. Ekǫ naxıkè k'enaetse xè segà to hahwhı. K'omǫǫ̀dǫǫ̀-ı̨dè naahdè ha dìì-le,” gòhdı. “Į̀le, jǫ kǫ̀ta mǫ̀ht'a ts'eetè ha dìì-le,” gedı.

Dànì Kèhoį̀wo 32:26

Eyı dǫ hayèhdı, “Dzęh agodaade t'à sedı̨ı̨chı,” yèhdı. Hanìkò Jacob yets'ǫ̀ hadı, “Nedeehchı ha-le. Yatı nezı̨ı̨ t'à sek'eèyanehtı nı̨dè nedeehchı ha,” yèhdı.

Matthew 14:24

Ekìıyeè k'e elà ı̨kwę̀ nıwà ajà. Nı̨hts'ı nìhdǫǫ̀ nagıat'ò t'à elà k'eweehts'ı dìì.

Matthew 24:43

Eyıt'à dıı wedaànıahdè: Edahxǫ dǫ wekǫ̀ enìxàgı̨ı̨zhì ts'ııdì. Dǫ wekǫ̀ gòɂǫǫ sìı ayìı sadzeè k'e eeɂį̀ı̨-dǫǫ̀ yekǫ̀ enìxàezhì ha yek'èezǫ nı̨dè, wekǫ̀ enìxàgeezhì ch'à kexoehdı ha ı̨lè.

Mark 13:35

“Eyıt'à kexoahdı! Ayìı dzęę̀ k'e kǫ̀ ts'ǫ̀ k'àowo nǫ̀ǫtła ha sìı wek'èahsǫ nıìle. Xèhts'ǫ̀ nǫ̀ǫtła ha tahkò, totanı tahkò hanì-le-ı̨dè k'omǫǫ̀dǫǫ̀ et'ıì nììtła ha tahkò.

Mark 6:47

Togoòtł'ò agòjà ekò elà ı̨kwę̀ nıwà ajà, hanìkò Zezì ı̨łaà dèè k'e aìda.

Mark 6:49

Hanìkò wecheekeè tı ka naetłe gıaɂı̨ ekò dǫts'ı̨į̀ at'ı̨ gı̨ı̨wǫ t'à hazǫǫ̀ hòtł'ò gezeh.

Luke 12:38

K'àowo to whaà nììtła kò wecheekeè gıda ts'atà gogèhɂǫ nı̨dè gıgha sìghà hòɂǫ ha hǫt'e.

Luke 24:28

Kǫ̀ta ts'ǫ̀ aget'ı̨ı̨ sìı ts'ǫ̀ nıwà-lea nègı̨ı̨de ekò, ededı̨ ı̨daà-etła ha lajà.

John 1:13

Wezaa gı̨ı̨lı̨ı̨ sìı dǫkwǫ̀ t'à gıgǫ̀hłı̨ı̨ awèts'edı-le, dǫ hanıwǫ t'à le, eyıts'ǫ dǫzhìı wınì k'ę̀ę̀ sı t'à le, hanìkò Nǫ̀htsı̨ dahxà gıgǫ̀hłı̨ t'à Nǫ̀htsı̨ wezaa gı̨ı̨lı̨ hǫt'e.