46 Eyı gots'ǫ naèhtła gà yahtı ha shìhka dekıìtła.
Eyı tł'axǫǫ̀ whatsǫǫ̀ yahtı ha shìhka dekıìtła. Togoòtł'ò agòjà ekò ı̨łaà ekǫ wheda.
Hanìkò yaahtı nı̨dè naxıkǫ̀ą goyìı edets'ǫdaànìahchı gà Nǫ̀htsı̨ naxıtà wègaat'ı̨-le sìı wets'ǫ̀ yaahtı. Hanì-ı̨dè dǫ naàhtǫ dàaht'ı̨ı̨ sìı Nǫ̀htsı̨ yeghàeda hǫt'e wek'èxa t'asìı nezı̨ı̨ naxıghàɂà ha.
Ek'èdaedzęę̀ k'e k'omǫǫ̀dǫǫ̀ ı̨łaà to et'ıì Zezì nıìtła. Yahtı ha gowhatsǫǫ̀ gòɂǫǫ ts'ǫ̀ xàèhtła.
Togoòtł'ò agòjà ekò elà ı̨kwę̀ nıwà ajà, hanìkò Zezì ı̨łaà dèè k'e aìda.
Įłàà Zezì yahtı ha shìhka dekıìtła. To ghàà Nǫ̀htsı̨ ts'ǫ̀ yaı̨htı.
Paul whaà hoògǫ gots'ǫ̀ kǫ̀ta Corınth nàı̨dè. Eyı tł'axǫǫ̀ Nǫ̀htsı̨ wecheekeè gots'ǫǫ̀ naèhtła. Elàcho t'à Syrıa nèk'e ts'ǫ̀ ajà. Prıscılla eyıts'ǫ Aquıla gıxè ajà. Naeɂè kwe kǫ̀ta Cenchrea Nǫ̀htsı̨ ts'ǫ̀ yatı nàtsoo whehtsı̨ ı̨lè t'à, edekwìghà k'ı̨ı̨hwho.
Paul naetła kwe, hagòhdı, “Nǫ̀htsı̨ hanıwǫ nı̨dè k'achı̨ jǫ ts'ǫ anahde ha,” gòhdı. Eyı tł'axǫǫ̀ elàcho t'à kǫ̀ta Ephesus gots'ǫǫ̀ naèhɂe.
Hanìkò sèot'ı̨ Tıtus ekǫ wegòhɂǫ-le t'à sıì weghǫ nanıhwhǫ ı̨lè, eyıt'à ekǫ dǫ masì gèehsı̨ tł'axǫǫ̀ Macedonıa nèk'e ts'ǫ̀et'ıì ahjà.
Zezì-Krı naxıgha daı̨ɂà ne t'à, hanì aahda gha naxıkayaetı hǫt'e. Ededı̨ hanì gogha daı̨ɂàa sìı wek'ę̀ę̀ ts'eeda ha agǫ̀ǫ̀là.
