42 Dǫ hazǫǫ̀ gıgha hòt'a ts'ǫ̀ shègıazhe.
Eyı tł'axǫǫ̀ łèt'è sı̨làı eyıts'ǫ łıwe nàke neyı̨į̀wa, ı̨dòo yak'e ts'ǫ̀ k'eet'į̀ xè yek'eèyaı̨htı. Łèt'è nechà-lea tàyı̨ı̨hdla gà dǫ gotaàgeedı ha edecheekeè goghàyı̨ı̨wa.
Eyı tł'axǫǫ̀ Zezì wecheekeè łèt'è eyıts'ǫ łıwe weghàhoòwoo sìı tł'ohtǫ hoònǫ-daats'ǫ̀-nàke dagoòɂǫ nàgèhtsı̨.
Dǫ hazǫǫ̀ gıgha hòt'a ts'ǫ̀ shègıazhe. Eyı tł'axǫǫ̀ weghàhoòwoo sìı wecheekeè tł'ohtǫ hoònǫ-daats'ǫ̀-nàke dagoòɂǫ nàgı̨ı̨htsı̨.
Dǫ hazǫǫ̀ nezı̨į̀ shègıazhe tł'axǫǫ̀ Zezì edecheekeè ts'ǫ̀ hadı, “T'asìı weghàhoòwoo sìı nàahtsį̀. T'asìı wı̨ı̨zìı ekìı ka ɂǫ̀gııhdè-le,” gòhdı.
