Mark 6:41 - Nǫ̀htsı̨ Nı̨htł'è

⁴¹ Eyı tł'axǫǫ̀ łèt'è sı̨làı eyıts'ǫ łıwe nàke neyı̨į̀wa, ı̨dòo yak'e ts'ǫ̀ k'eet'į̀ xè yek'eèyaı̨htı. Łèt'è nechà-lea tàyı̨ı̨hdla gà dǫ gotaàgeedı ha edecheekeè goghàyı̨ı̨wa.

Mark 6:41 ပူးပေါင်းရင်းမြစ်များ

Matthew 14:19

Dǫ hazǫǫ̀ tł'oh k'e geèhkw'eè agǫ̀ǫ̀là. Eyı tł'axǫǫ̀ łèt'è sı̨làı eyıts'ǫ łıwe nàke neyı̨į̀wa, ı̨dòo yak'e ts'ǫ̀ k'eet'į̀ xè yek'eèyaı̨htı. Łèt'è nechà-lea tàyı̨ı̨zhì gà edecheekeè goghàyı̨ı̨wa, eyıts'ǫ wecheekeè dǫ gotaàgeèdì.

Matthew 15:36

Eyı tł'axǫǫ̀ Zezì łèt'è łǫ̀hdı̨ eyıts'ǫ łıwe neyı̨į̀wa gà yek'eèyaı̨htı. Łèt'è eyıts'ǫ łıwe tàyı̨ı̨zhì gà edecheekeè goghàyı̨ı̨wa, eyıts'ǫ wecheekeè dǫ hazǫǫ̀ gotaàgı̨ı̨dì.

Matthew 26:26

Shègezhe ekò Zezì łèt'è nıìchı gà yek'eèyaı̨htı. Eyı tł'axǫǫ̀ łèt'è tàyı̨ı̨zhì, edecheekeè goghàyı̨ı̨dì, hadı, “Dıı łèt'è ààhchı, weghǫ shèahzhe. Dıı sezhį̀į̀ hǫt'e,” gòhdı.

Mark 14:22

Shègezhe ekò Zezì łèt'è neyıìchı gà yek'eèyaı̨htı. Eyı tł'axǫǫ̀ łèt'è tàyı̨ı̨zhì, edecheekeè goghàyı̨ı̨dì, hadı, “Dıı łèt'è ààhchı, weghǫ shèahzhe. Dıı sezhį̀į̀ hǫt'e,” hadı.

Mark 6:40

Eyıt'à dǫ mǫ̀hdaa ı̨łèakw'eènǫ ełexè geèhkw'e eyıts'ǫ mǫ̀hdaa sı̨laènǫ ełexè geèhkw'eè agogį̀į̀là.

Mark 6:42

Dǫ hazǫǫ̀ gıgha hòt'a ts'ǫ̀ shègıazhe.

Mark 7:34

Įdòo yak'e ts'ǫ̀ k'eet'į̀, hòtł'ò dèhjı xè yets'ǫ̀ hadı, “Efata!” yèhdı. (“Efata,” gedı nı̨dè “Nedzıì xàgǫǫɂà awede,” gedıì-agedı hǫt'e.)

Mark 8:19

Łèt'è sı̨làı t'à dǫzhìı sı̨làı-lemì gıwàhǫǫdì ekò t'asìı ghàgeèɂàa sìı tł'ohtǫ dàtłǫ dagoòɂǫǫ nàwhahtsı̨ nǫǫ̀?” “Hoònǫ-daats'ǫ̀-nàke,” gıìhdı.

Luke 24:30

Shègezhe ha nègı̨ı̨de ekò, łèt'è nıìchì gà yek'eèyaı̨htı, tàyı̨ı̨zhì gà goghàyı̨ı̨dì.

Luke 9:16

Zezì łèt'è sı̨làı eyıts'ǫ łıwe nàke neyı̨į̀wa, ı̨dòo yak'e ts'ǫ̀ k'eet'į̀ xè yek'eèyaı̨htı. Łèt'è eyıts'ǫ łıwe nechà-lea tàyı̨ı̨zhì gà wecheekeè dǫ gotaàgeedı ha goghàyı̨ı̨wa.

John 11:41

Dǫ kwe ı̨ɂǫ̀ǫ̀ agı̨į̀là. Zezì ı̨dòo k'eet'į̀, hadı, “Setà, sı̨į̀hkw'ǫ t'à masì neehwhǫ.

John 17:1

Zezì hadı tł'axǫǫ̀, ı̨dòo yak'e ts'ǫ̀ k'eet'į̀ xè yahtı, hadı, “Setà, hòt'a eyı nèhòı̨wo, Neza weghàsǫhoedıì anele, hanì-ı̨dè Neza neghàsǫhoedıì ayele ha.

John 6:11

Eyı tł'axǫǫ̀ Zezì łèt'è neyı̨į̀wa, yek'eèyaı̨htı gà dǫ geèhkw'ee sìı gotaàgį̀ı̨la. T'agı̨ı̨wǫ ts'ǫ̀ shègıazhe. Eyı xèht'eè łıwe hayı̨į̀là.

John 6:23

Eyıt'à kǫ̀ta Tıberıas gots'ǫ dǫ mǫ̀hdaa elà t'à geèɂe. Edı̨į̀ Zezì łèt'è k'eèyaı̨htı eyıts'ǫ edı̨į̀ dǫ shègıazhe ı̨lèe sìı ekǫ dàgı̨ı̨de.

Zezì Wecheekeèdeè 27:35

Paul hadı tł'axǫǫ̀ dǫ hazǫǫ̀ godaà łèt'è nıìchì gà Nǫ̀htsı̨ ts'ǫ̀ masì dı. Łèt'è tàı̨zhì gà yı̨ı̨ɂà.

Rome 14:6

Dǫ dzę ı̨łè wegha denahk'e elı̨ nı̨dè, gots'ǫ̀ K'àowo wınà hohtsı̨ gha at'ı̨ hǫt'e. Dǫ bò edèe sìı Nǫ̀htsı̨ ts'ǫ̀ masì nıwǫ t'à, gots'ǫ̀ K'àowo wınà hohtsı̨ gha at'ı̨ hǫt'e. Eyıts'ǫ dǫ bò edè-le sìı gots'ǫ̀ K'àowo wınà hohtsı̨ gha at'ı̨ xè Nǫ̀htsı̨ ts'ǫ̀ masì nıwǫ hǫt'e.

1 Corınth 10:31

Eyıt'à t'asìı ghǫ shèahzhe xè t'asìı aahdǫ, eyıts'ǫ t'asìı t'ahoòyį̀ı̨ haahɂı̨ nı̨dè, wet'à Nǫ̀htsı̨ weghàsǫahdı.

Colosse 3:17

Ayìı dàahdıı, eyıts'ǫ ayìı ghàlaahdaa sìı hazǫǫ̀ gots'ǫ̀ K'àowo Zezì wedahxà aaht'ı̨. Eyıts'ǫ Zezì wıızì t'à Nǫ̀htsı̨-Gotà masì wèahdı.