Mark 6:34 - Nǫ̀htsı̨ Nı̨htł'è

³⁴ Zezì edecheekeè xè ı̨nǫ̀ǫ̀ tàwheɂe ekò dǫ łǫ ełèwhede goaɂı̨. Sahzǫ̀ą gık'èhodì-le lagı̨ı̨t'e t'à, Zezì ededzeè t'à etegoòhɂı̨. Gots'ǫ̀ gode eyıts'ǫ t'asìı łǫ hoghàgoèhtǫ.

Mark 6:34 ပူးပေါင်းရင်းမြစ်များ

Matthew 14:14

Zezì edecheekeè xè ı̨nǫ̀ǫ̀ tàwheɂe ekò dǫ łǫ gıdanaèhɂı̨ nǫǫ̀. Zezì ededzeè t'à etegoèhɂı̨, eyıt'à dǫ eyagı̨ı̨lı̨ı̨ sìı k'aàt'ıì agǫ̀ǫ̀là.

Matthew 15:32

Zezì edecheekeè gots'ǫ̀ gode, hagòhdı, “Dıı dǫ sedzeè t'à etegeèhɂı̨. Taı dzęę̀ jǫ sexè gıakw'è xè t'asìı wı̨ı̨zìı gıwàhǫǫdì-le. Bò dę nàgeetł'ì ha sǫnı t'à, degeèhdì xè nageehɂà ha dehwhǫ-le,” gòhdı.

Matthew 9:36

Dǫ łǫ ełèwhede goghàeda ekò dǫ ts'ǫ̀ wedzeè eteèɂı̨. Dǫ gıxè hoìla xè sahzǫ̀ą dǫ gok'èdìı whìle lagı̨ı̨t'e.

Mark 6:33

Hanìkò dǫ łǫ gogıaɂı̨ sìı amìı agı̨ı̨t'ee gok'ègeezǫ t'à, kǫ̀ta hazǫǫ̀ gots'ǫ dǫ Galılee-tì wetadà tı̨mǫgeède. Zezì wecheekeè ekǫ nègı̨ı̨ɂe kwe-t'ıì dǫ ekǫ nègı̨ı̨de.

Mark 6:35

Xèhts'ǫ̀ agodaade t'à Zezì wecheekeè gıgà nìı̨de, hagıìhdı, “Hòt'a dzę k'ehǫǫwo eyıts'ǫ kǫ̀ta gòlaa ts'ǫ̀ gǫǫwà agǫ̀ht'e t'à,

Mark 8:1

Ekìıyeè k'e k'achı̨ Zezì wegà dǫ łǫ ełèwhede. Dǫ weghǫ shèts'ezhee gıts'ǫ-le t'à, Zezì edecheekeè gokayaı̨htı hadı,

Mark 8:2

“Dıı dǫ sedzeè t'à etegeèhɂı̨. Taı dzęę̀ sexè gıakw'è, hanìkò t'asìı wı̨ı̨zìı gıwàhǫǫdì-le.

Luke 9:11

Hanìkò dǫ łǫ gıghǫ gıìkw'o t'à Zezì k'èè geède. Zezì wegha sìghà agejà. Nǫ̀htsı̨ Wenàowoò k'ę̀ę̀ hòɂǫǫ t'à goxè godo eyıts'ǫ dǫ eyagı̨ı̨lı̨ı̨ sìı k'aàt'ıì agǫ̀ǫ̀là.

Hebrew 2:17

Eyı ts'ıhɂǫ̀ dànì dǫ ts'ı̨ı̨lı̨ı̨ sìı hotıì goxèht'eè wehòèlı̨ hǫt'e. Hanì-ı̨dè Nǫ̀htsı̨ ghǫ wınì nàtso xè yegha eghàlaeda ha welì. Yahtıı-wet'àaɂàa-deè dǫ ts'ǫ̀ wedzeè eteèɂı̨ı̨ elı̨ ha welì, eyıts'ǫ dǫ gıhołı̨į̀ k'èxa ełaàwı ha welì.

Hebrew 4:15

Gogha yahtıı-wet'àaɂàa-deè elı̨ı̨ sìı dànì nàts'etso-le t'à dǫ ts'ı̨ı̨lı̨ı̨ sìı yek'èezǫ hǫt'e. Goxèht'eè t'asìı hazǫǫ̀ t'à weèdzà ı̨lè hǫt'e, hanìkò hołı̨ı̨ wı̨ı̨zìı wek'e wheɂǫ-le.