Mark 6:3 - Nǫ̀htsı̨ Nı̨htł'è

³ Dechı̨-eghàlaedaa-dǫǫ̀ elı̨-le nì? Wemǫ Mary wìyeh nì? Eyıts'ǫ wechı James, Joseph, Sımon eyıts'ǫ Zhıdàà agı̨ı̨t'e-le nì? Eyıts'ǫ wedè gota nàgedè-le nì?” ełets'ǫ̀ hagedı t'à weghǫ gık'èch'a agejà.

Mark 6:3 ပူးပေါင်းရင်းမြစ်များ

Matthew 11:6

Amìı wek'èch'a aht'ı̨-le sìı wexè sìghà hǫt'e,” Zezì gòhdı.

Matthew 12:46

Zezì ı̨łaà dǫ xè godo ekò, wemǫ eyıts'ǫ wechıke gıts'ǫ̀ gode ha gı̨ı̨wǫ t'à, mǫ̀ht'a nàgeèhza.

Mark 15:40

Ts'èko mǫ̀hdaa ı̨dè hoògǫ nàgeèhza gà dànàhòwoo sìı goghàgeeda. Mary-Madlę̀, Mary, James (gochı wìyeh) eyıts'ǫ Joses gımǫ, eyıts'ǫ Salome ts'èko haàtłǫǫ goxè aget'ı̨.

Mark 3:18

eyıts'ǫ Andrew, Phılıp, Bartholomew, Matthew, Thomas, Alphaeus weza James, Thadıyus, Sımon (“dǫ edenèè ghǫneètǫǫ” wìyeh),

Luke 2:34

Sımeyon gok'eèyaı̨htı tł'axǫǫ̀ wemǫ Mary ts'ǫ̀ hadı, “Dıı chekoa wet'à Israel got'ı̨į̀ łǫ gıdıhołè ha eyıts'ǫ dǫ łǫ edaxàgole gha, dıı chekoa wììchı hǫt'e. Dǫ nadąą̀ t'asìı enıìyah elı̨ ha, hanìkò dǫ gık'èch'a agedı ha.

Luke 7:23

Amìı wek'èch'a aht'ı̨-le sìı wexè sìghà hǫt'e,” Zezì gòhdı.

Luke 8:20

Dǫ ı̨łè Zezì ts'ǫ̀ hadı, “Nemǫ eyıts'ǫ nechı mǫ̀ht'a nàgeèhza, negeɂį̀ ha gı̨ı̨wǫ,” yèhdı.

John 14:22

Hadı t'à Zhıdàà (Zhıdàà-Iscarıyot awèts'edı-le) hadı, “Sets'ǫ̀ K'àowo, dànìghǫ goxı̨ nets'eɂį̀ agoı̨le ha, hanìkò dıı nèk'e gots'ǫ dǫ negeɂį̀ agı̨ı̨le ha-le?” yèhdı.

John 6:42

Hagedı, “Dıı Joseph weza Zezì nì-ı̨t'e? Wetà eyıts'ǫ wemǫ gık'èts'eezǫ hǫt'e. Eyıt'à dànìghǫ edeghǫ hadı, ‘Yak'e gots'ǫ hodàèhtła,’ ” gedı.

Zezì Wecheekeèdeè 1:13

Eyı nègı̨ı̨de ekò dahkǫ̀ agı̨ı̨t'ee sìı ts'ǫ̀ dekegı̨į̀de. Dǫ goyìı geèhkw'ee sìı Peter, John, James, Andrew, Phılıp, Thomas, Bartholomew, Matthew, Alphaeus weza James eyıts'ǫ Sımon (“dǫ edenèè ghǫneètǫǫ” wìyeh), eyıts'ǫ James weza Zhıdàà, hazǫǫ̀ t'à dǫ haàtłǫǫ goyìı geèhkw'e.

Zezì Wecheekeèdeè 12:17

Sıì sìgeèt'ı̨ xè gıdagoòhwho t'à Peter ts'èwhı̨į̀ agı̨ı̨t'e ha edılà t'à gogha nàɂeetsį̀. Eyı tł'axǫǫ̀ dànì gots'ǫ̀ K'àowo dǫ-danìı̨laa-kǫ̀ gots'ǫ xàyeèhchìı sìı hazǫǫ̀ gots'ǫ̀ hadı. “James eyıts'ǫ Nǫ̀htsı̨ wecheekeè gıts'ǫ̀ haahdı nǫǫ̀,” gòhdı tł'axǫǫ̀ eyıì-le kǫ̀ ts'ǫ̀ xàèhtła.

1 Corınth 1:23

Hanìkò goxı̨ sìı Zezì-Krı dechı̨et'aa k'e ełaı̨wo ghǫ gots'ede hǫt'e. Israel got'ı̨į̀ gık'èch'a ats'edı eyıts'ǫ Greece got'ı̨į̀ gıgha ezhı̨ne k'ę̀ę̀ gots'ede.

1 Corınth 9:4

Weghǫ shèts'ezhee eyıts'ǫ t'asìı ts'edǫǫ sìı goxı̨ sı gogha nıìle nì?

Galatıa 1:19

Ededı̨ wenǫ̀ǫ̀ Zezì wecheekeèdeè geehɂı̨-le. James, gots'ǫ̀ K'àowo wechı ededı̨ zǫ weehɂı̨.

1 Peter 2:4

Amìı wets'ǫ̀ aahjàa sìı “kwe wet'à ts'eedaa” wìyeh. Dıı nèk'e ts'ǫ dǫ eyı kwe gı̨ı̨wǫ-le, hanìkò Nǫ̀htsı̨ eyı kwe wegha sıì wet'àhoòɂà ne t'à yį̀į̀hchì hǫt'e.

Jude 1:1

Sı̨ Jude, Zezì-Krı wecheekeè aht'e eyıts'ǫ James wechı aht'e. Dǫ gıkayaetıı sìı, Nǫ̀htsı̨-Gotà goghǫneètǫ agı̨ı̨t'ee eyıts'ǫ Zezì-Krı gok'èdìı agı̨ı̨t'ee sìı dıı enı̨htł'è gıts'ǫ̀ eehtł'è hǫt'e.