Mark 6:14 - Nǫ̀htsı̨ Nı̨htł'è

¹⁴ Zezì wegodıì eyı nèk'e hazǫǫ̀ ts'ǫ̀ ajà t'à k'àowocho Herod yeghǫ ıìkw'o. Dǫ mǫ̀hdaa Zezì ghǫ hagedı, “John-Baptıst naìdà at'ı̨, eyıt'à enıìyah łǫ hohtsı̨,” gedı.

Mark 6:14 ပူးပေါင်းရင်းမြစ်များ

Matthew 9:31

Hanìkò eyı nèk'e dǫ hazǫǫ̀ ts'ǫ̀ hagedı.

Mark 1:28

Ekòet'ıì Galılee nèk'e hazǫǫ̀ ts'ǫ̀ wegodıì dǫ ta ts'ǫ̀ ajà.

Mark 1:45

Hanìkò eyı dǫ naèhtła tł'axǫǫ̀ hazǫǫ̀ ts'ǫ̀ yeghǫ gode t'à dǫ hazǫǫ̀ godı gıìkw'o. Eyı ts'ıhɂǫ̀ dǫ łǫ Zezì ts'ǫ̀ aget'ı̨ t'à edı̨į̀ kǫ̀ta gòlaa sìı ts'ǫ̀ ade ha dìì ajà. Eyıt'à edı̨į̀ gowhatsǫǫ̀ gòɂǫǫ ts'ǫ̀ zǫ at'ı̨. Hanìkò ı̨łaà hazǫǫ̀ ts'ǫ dǫ gıts'ǫ̀ nìı̨de.

Mark 8:28

Wecheekeè hagıìhdı, “Dǫ mǫ̀hdaa John-Baptıst aąt'e gedı, mǫ̀hdaa Elıjah aąt'e gedı eyıts'ǫ dǫ mǫ̀hdaa whaà gots'ǫ nakwenàoɂǫǫ aąt'e nègedı,” gıìhdı.

Luke 13:31

Ekìıyeè k'e Pharısee gı̨ı̨lı̨ı̨ mǫ̀hdaa Zezì ts'ǫ̀ geède, hagıìhdı, “Jǫ gots'ǫǫ̀ t'asį̀ı̨ aąde, k'àowocho Herod ełaànìhwhı ha nıwǫ,” gıìhdı.

Luke 3:1

Tıberıas hoònǫ-daats'ǫ̀-dı̨ xo k'àowodeè elı̨ ekò, eyıts'ǫ Pontıus-Pılate Judea nèk'e gha k'àowo elı̨ ekò, eyıts'ǫ Herod Galılee nèk'e gha k'àowo elı̨ ekò, eyıts'ǫ Herod wechı Phılıp Iturıya nèk'e eyıts'ǫ Trakonıtıs nèk'e gha k'àowo elı̨ ekò,

Luke 7:17

Judea nèk'e gots'ǫ eyıts'ǫ hazǫǫ̀ gımǫǫ̀ dǫ nàdèe sìı, Zezì wegodıì ghǫ gıìkw'o.

Luke 9:19

Wecheekeè hagıìhdı, “Dǫ mǫ̀hdaa John-Baptıst anet'e gedı, mǫ̀hdaa nakwenàoɂǫǫ Elıjah anet'e gedı eyıts'ǫ dǫ mǫ̀hdaa whaà gots'ǫ nakwenàoɂǫǫ ı̨łè naìdà anet'e nègedı,” gıìhdı.

1 Thessalonıca 1:8

Dànì aahda ts'ıhɂǫ̀ gots'ǫ̀ K'àowo wegodıì Macedonıa eyıts'ǫ Achaıa nèk'e ts'ǫ̀ ajà. Ekǫ zǫǫ̀-le, dànì Nǫ̀htsı̨ naxıgha ehkw'ı-ahodıı sìı hazǫǫ̀ nèk'e ts'ǫ̀ wek'èhoedzǫǫ̀ ajà. Eyıt'à naxıghǫ xàyats'ehtı-le kò.

Hebrew 2:4

Nǫ̀htsı̨ sìı godaà enıìyah łǫ xàɂaa eghàlaı̨dà t'à weghàà ehkw'ı-ahodı hǫǫwǫ hǫt'e, eyıts'ǫ wınì k'ę̀ę̀ Yedàyeh Nezı̨ı̨ t'asìı nezı̨ı̨ dǫ goghàyele hǫt'e.