Mark 5:7 - Nǫ̀htsı̨ Nı̨htł'è

^7-8 Zezì yets'ǫ̀ hadı, “Įnìłı̨ı̨, dıı dǫ yìı gots'ǫ xàı̨tłe,” yèhdı. Eyıt'à eyı dǫ hòtł'ò ezeh xè hadı, “Zezì, Nǫ̀htsı̨ wenahk'e gǫ̀hłı̨-le Weza, ayìıha sek'alaąwo. Nǫ̀htsı̨ wıızì dahxà hoìla ası̨ı̨le ha-le gha neyatıì seghàı̨ɂà,” yèhdıì ezeh.

Mark 5:7 ပူးပေါင်းရင်းမြစ်များ

Dànì Kèhoį̀wo 3:15

“Nı̨ eyıts'ǫ ts'èko ełek'èch'a aaht'eè anaxehłe ha, ts'èko weza eyıts'ǫ nı̨ neza ełets'ǫ̀ xànègı̨ı̨ɂa ha. Ts'èko weza sìı nekwì k'ètsǫètà ha, eyıts'ǫ nı̨ wekehtà nàı̨ht'ı ha,” Nǫ̀htsı̨ gòocho ts'ǫ̀ hadı.

Matthew 16:16

Sımon-Peter Zezì ts'ǫ̀ hadı, “Nı̨ sìı Chrıst anet'e. Nı̨ sìı Nǫ̀htsı̨ edaa weza anet'e,” yèhdı.

Matthew 26:63

Hanìkò Zezì xàyaı̨htı-le. Eyıt'à yahtıı-wet'àaɂàa-deè hayèhdı, “Nǫ̀htsı̨ edaa sìı wıızì dahxà gots'ǫ̀ ehkw'ı goı̨de. Nǫ̀htsı̨ Weza, Chrıst anet'e nı̨dè gots'ǫ̀ haı̨dı,” yèhdı.

Matthew 4:3

Wehłı̨ı̨ Zezì gà nììtła, hadı, “Nǫ̀htsı̨ Weza anet'e nı̨dè, jǫ kwe whelaa sìı neyatıì t'à łèt'è gìhłè anele,” yèhdı.

Matthew 8:29

Hòtł'ò gezeh xè hagedı, “Nǫ̀htsı̨ Weza, ayìıha gok'alaąwo? Gogha nèhòkw'ı kwe gogha hoìla hoı̨htsı̨-le, neghǫnàdats'eetì,” gedı.

Mark 1:24

“Nazareth got'ı̨į̀ Zezì dàgǫǫle ha? Godıhoǫhtsı̨ ha nì-anet'ı̨? Amìı anet'e nek'èehsǫ ne. Nǫ̀htsı̨ wets'ǫ degaı anet'e!” yèhdı.

Mark 14:61

Hanìkò Zezì xàyaı̨htı-le. Eyıt'à yahtıı-wet'àaɂàa-deè k'achı̨ hayèhdı, “Nǫ̀htsı̨ Weza, Chrıst anet'e nì?” yèhdı.

Mark 3:11

Įnìłı̨ı̨ Zezì geɂį̀ nı̨dè wegà nagetł'ì gà hòtł'ò gezeh, hagedı, “Nı̨ sìı Nǫ̀htsı̨ Weza anet'e,” gedıì yagìzeh.

Mark 5:6

Sìghaı̨waà gots'ǫ Zezì eɂı̨ ekò yets'ǫ̀ tı̨mǫèhza gà yets'ǫ̀ nàgòı̨hgè.

Luke 1:32

Dǫ-wet'àaɂàa-deè elı̨ ha. Nǫ̀htsı̨ wenahk'e gǫ̀hłı̨-le Weza gıìhdı ha. Nǫ̀htsı̨ sìı K'àowocho elı̨į̀ ayele ha, wèot'ı̨ k'àowocho Davıd lanì.

Luke 4:34

“Nazareth got'ı̨į̀ Zezì, dàgǫǫle ha? Godıhoǫhtsı̨ ha nì anet'ı̨? Amìı anet'ee sìı nek'èehsǫ. Nǫ̀htsı̨ wets'ǫ degaı anet'e!” yèhdı.

Luke 6:35

Hanìkò dǫ naxıts'ǫ̀ xànegı̨ı̨ɂaa sìı gıghǫnıahtǫ xè gıts'ǫ̀ dǫ nezı̨ı̨ aahłı̨. T'asìı gıghǫnìahłe nı̨dè ek'èt'à seghǫgeele ha dahwhǫ-le. Hanì-ı̨dè wek'èxa t'asìı nechàa naxıda wheɂǫ ha eyıts'ǫ Nǫ̀htsı̨ wenahk'e gǫ̀hłı̨-le sìı weza aahłı̨ ha. Nǫ̀htsı̨ sìı dǫ masì gı̨ı̨wǫ-le eyıts'ǫ dǫ gıjıı ts'ǫ̀ wedzeè eteèɂı̨ hǫt'e.

Luke 8:28

Zezì eɂı̨ ekò hòtł'ò whezeh gà yekè gà nàgòı̨hgè, ezeh xè hadı, “Zezì, Nǫ̀htsı̨ wenahk'e gǫ̀hłı̨-le Weza, ayìıha sek'alaąwo. Hoìla ası̨ı̨le-le neghǫnàdaehtì,” yèhdı.

John 20:31

Hanìkò ayìı dek'eèhtł'èe sìı naxıgha adlà hǫt'e. Zezì, Nǫ̀htsı̨ Weza, Chrıst hǫt'ee sìı, eyı naxıgha ehkw'ı-ahodı gha dek'eèhtł'è hǫt'e. Naxıgha ehkw'ı-ahodı nı̨dè Zezì wets'ıhɂǫ̀ welǫ whìle ts'ǫ̀ aahda ha.

Zezì Wecheekeèdeè 16:17

Eyı t'eekoa Paul eyıts'ǫ goxı̨ gok'èè k'etło xè hadıì yaìzeh, “Dıı dǫ sìı Nǫ̀htsı̨ wenahk'e gǫ̀hłı̨-le wecheekeè agı̨ı̨t'e. Dànì edaxàts'eedè ha sìı naxıts'ǫ̀ hagedı ha,” hadıì yaìzeh.

Zezì Wecheekeèdeè 19:13

Israel got'ı̨į̀ mǫ̀hdaa ı̨nìłı̨ı̨ xàdegeezhı ha dǫ ta k'egedè. Zezì wıızì t'à ı̨nìłı̨ı̨ xàdegeezhı ha hogeèhdzà, hagedı, “Paul, Zezì wıızì t'à godee sìı wedahxà xàahdè,” gedı.

Zezì Wecheekeèdeè 8:36

Tı̨lı k'e nagıadè ekò tı whehtǫ gà nègı̨ı̨de. Eyı dǫ hadı, “Jǫ tı whehtǫ, asį̀į̀ sek'ètaìdzı̨ ha dìì-le?” yèhdı.

Rome 16:20

Nǫ̀htsı̨ ts'èwhı̨į̀ wehòhɂǫǫ sìı whaà-le-t'ıì naxıt'ǫ̀ǫ̀ wehłı̨ı̨ dıhohtsı̨ ha. Zezì-Krı wesǫnıwǫ naxıxè welè.

Hebrew 2:14

Weza ts'ı̨ı̨lı̨ı̨ sìı dǫ ats'ı̨ı̨t'e, ededı̨ sı goxèht'eè dǫ whelı̨. Gogha ełaı̨wo t'à amìı ełaàgòhdee nàtsoo elı̨ı̨ sìı yedıhòèhtsı̨; eyı sìı wehłı̨ı̨ hǫt'e.

Hebrew 7:1

Eyı dǫ Melkızedek sìı kǫ̀godeè Salem gogha k'àowocho elı̨ ı̨lè, Nǫ̀htsı̨ wenahk'e gǫ̀hłı̨-le sìı gha yahtıı elı̨ ı̨lè. Abraham, k'àowocho eyıì-le gots'ǫ̀ ełegegǫ t'à goghǫèhnǫ gots'ǫ ek'èt'à naèhtła ekò, Melkızedek yeghaetła t'à yek'eèyaı̨htı ı̨lè.

James 2:19

Nǫ̀htsı̨ ı̨łè zǫ gǫ̀hłı̨ı̨ sìı negha ehkw'ı-ahodı. Ehkw'ı aneewǫ hǫt'e! Įnìłı̨ı̨ kò ededı̨ sı eyı gıgha ehkw'ı hǫt'e, eyıt'à geejı̨ xè gıts'ehłı̨ laget'į̀.

2 Peter 2:4

Nǫ̀htsı̨ wets'ǫ yak'eet'ı̨į̀ hołı̨ı̨ hogèhtsı̨ ekò etegoèhɂı̨-le ı̨lè, hanìkò wehłı̨kǫ̀ ts'ǫ̀ agǫ̀ǫ̀là. Gısınìyaetıı dzęę̀ gots'ǫ̀ togoòtł'òo gòɂǫǫ k'è gıdanìı̨la hǫt'e.

1 John 3:8

Amìı hołı̨ı̨ nàowoò k'ę̀ę̀ edaa sìı wehłı̨ı̨ nàowoò k'ę̀ę̀ eghàlaeda hǫt'e, kèhoį̀wo gots'ǫ wehłı̨ı̨ sìı hołı̨ı̨ hohtsı̨ ne t'à. Nǫ̀htsı̨ Weza sìı wehłı̨ı̨ wılaà yedıhohtsı̨ gha jǫ ajà ı̨lè.

Jude 1:6

Eyıts'ǫ yak'eet'ı̨į̀ mǫ̀hdaa gıts'ǫ̀ dàgòjàa sìı eyı sı wenaahdì. Dànì k'ahogedè ha gıghàhòt'ǫǫ sìı gıghàehdı ı̨lè. Eyı yak'eet'ı̨łı̨ı̨ sìı welǫ whìle ts'ǫ̀ satsǫ̀tł'ıì gık'e whela xè Nǫ̀htsı̨ togoòtł'òo yìı gok'èdì, eyıts'ǫ nǫǫde dzęę̀ k'e Nǫ̀htsı̨ gosınìyaehtı ha hǫt'e.

John Wenazhıı 12:12

Eyıt'à naxı̨ hazǫǫ̀ yak'e nàahdèe sìı sıì naxınà welè! Hanìkò wehłı̨ı̨ dıı nèk'e ts'ǫ̀ ajà ne t'à, dèè eyıts'ǫ tıcho xè hoìla hòɂǫ ha! Whaà-lea gots'ǫ̀ zǫ wegha hòɂǫ t'à sıì ìch'è hǫt'e,” ts'edıì hǫt'e.