Mark 5:30 - Nǫ̀htsı̨ Nı̨htł'è

³⁰ Ekòet'ıì Zezì t'asìı nàtsoo weyìı gots'ǫ xàı̨wo yek'èhoèhzà t'à, dǫ nı ets'aèhtła gà hadı, “Amìı seɂeè daachì?” gòhdı.

Mark 5:30 ပူးပေါင်းရင်းမြစ်များ

Mark 5:31

Wecheekeè hagıìhdı, “Dǫ łǫ nets'agehtsı wek'èı̨zǫ, hanìkò, ‘Amìı daseachì,’ nı̨ı̨dı,” gıìhdı.

Luke 5:17

Įłàà Zezì kǫ̀ goyìı dǫ hoghàehtǫ. Pharısee gı̨ı̨lı̨ı̨ eyıts'ǫ Nǫ̀htsı̨-yatıì-k'ègedìı-dǫǫ̀ Galılee nèk'e gots'ǫ, Judea nèk'e gots'ǫ eyıts'ǫ kǫ̀ta Jerusalem gots'ǫ hazǫǫ̀ eyı nègı̨ı̨de t'à goyìı geèhkw'e. Zezì dǫ k'aàt'ıì agole gha Nǫ̀htsı̨ wets'ǫ t'asìı nàtsoo wets'ǫ̀-èlı̨.

Luke 6:19

Eyıts'ǫ Zezì t'asìı nàtsoo wets'ǫ̀-èlı̨ t'à dǫ k'aàt'ıì aget'į̀ ts'ıhɂǫ̀ dǫ hazǫǫ̀ gıxèlaìdı ha hogeèhdzà.

Luke 8:46

Hanìkò Zezì hadı, “Dasets'aachì wek'èehsǫ ne, t'asìı nàtsoo seyìı gots'ǫ xànıwo ne t'à,” yèhdı.

1 Peter 2:9

Hanìkò naxı̨ sìı naxììchì hǫt'e, Nǫ̀htsı̨ wedahxà yahtıı aaht'e, Nǫ̀htsı̨ wets'ǫ aaht'e eyıts'ǫ dǫ degaı aaht'e. Eyı ts'ıhɂǫ̀ Nǫ̀htsı̨ ghàsǫahdı; ededı̨ sìı togoòtł'òo yìı gots'ǫ dzęh nı̨ı̨dı̨ı̨ ts'ǫ̀ naxıkayaı̨htı hǫt'e.