Mark 5:23 - Nǫ̀htsı̨ Nı̨htł'è

²³ gà yeghǫnàdaetì, hadı, “Setì ełaàwı ha nìkw'o. Hanìkò sek'èè aątła gà nılà wek'e anelà nı̨dè k'aàt'ıì ade xè eda ha,” yèhdı.

Mark 5:23 ပူးပေါင်းရင်းမြစ်များ

Matthew 8:3

Zezì edılà dǫ k'e ayį̀į̀là, hayèhdı, “Hęɂę, hahwhǫ! K'aàt'ıì anede!” yèhdı. Ekòet'ıì wekwǫ̀ tàda whìle ajà.

Mark 16:18

edılà t'à gòo negıìle ha; nàèdıłı̨ı̨ gedǫ kò wet'à t'asagede ha-le; edılà dǫ eyagı̨ı̨lı̨ı̨ k'e agehɂı̨ nı̨dè k'aàt'ıì agede ha,” Zezì gòhdı.

Mark 5:24

Eyıt'à Zezì yek'èèhtła. Eyıts'ǫ dǫ łǫ Zezì k'èè geède xè wemǫǫ̀ ełegeehtsı.

Mark 6:13

Dǫ łǫ gots'ǫ ı̨nìłı̨ı̨ xàdegeèzhì eyıts'ǫ degaı-tłeè dǫ eyaelı̨ı̨ łǫ k'e agı̨į̀là xè k'aàt'ıì agogį̀į̀là.

Mark 7:32

Ekǫ dǫ wedzıì goìle xè nezı̨į̀ gode ha dìì sìı wets'ǫ̀ nègeèchì. Zezì ghǫnàdageetì, hagedı, “Dıı dǫ nılà wek'e aąle,” gıìhdı.

Mark 8:23

Zezì dǫ wedaà goìlee yılà nıìchì gà kǫ̀ta gots'ǫǫ̀ gòyeèdì. Dǫ wedaà k'e dèze, edılà yek'e ayį̀į̀là gà yets'ǫ̀ hadı, “T'asìı negha wègaat'ı̨ nì?” yèhdı.

Luke 13:13

Edılà yek'e ayį̀į̀là, ekòet'ıì eyı ts'èko ehkw'ı nàwoò ajà, eyıt'à Nǫ̀htsı̨ ghàsǫedı.

Luke 4:38

Zezì ełègehdèe-kǫ̀ gots'ǫǫ̀ xàèhtła, Sımon wekǫ̀ ts'ǫ̀ ajà. Sımon wets'èkeè wemǫ hòtł'ò edı-elı̨ t'à eyaelı̨. Eyıt'à Zezì yets'àdı ha dageehke.

Luke 4:40

Xèhts'ǫ̀ agòjà ekò dǫ hazǫǫ̀ tàda xàɂaa t'à eyagı̨ı̨lı̨ı̨ sìı Zezì gà nègogį̀ı̨wa. Hazǫǫ̀ edılà gok'e ayį̀į̀là t'à k'aàt'ıì agǫ̀ǫ̀là.

Luke 7:12

Kǫ̀ta ts'ǫ̀ nıwà-le nììtła ekò dǫkw'ǫǫ̀ xàgıatı̨ nǫǫ̀. Dǫ ełaı̨woo sìı wemǫ weza ı̨łàet'ee zǫ hǫt'e, eyıts'ǫ wemǫ wegà dǫzhìı whìle ı̨lè. Kǫ̀ta ts'ǫ dǫ łǫ goxè aget'ı̨.

John 11:3

Eyıt'à weba Zezì danatıgı̨ı̨ɂǫ, “K'àowo, neàgı̨ą weghǫneę̀tǫǫ sìı eyaelı̨,” gıìhdı.

Zezì Wecheekeèdeè 28:8

Wetà eyaelı̨ t'à daèhte k'e whetı̨, edı-elı̨ tàda eyıts'ǫ edoò weɂǫ̀-at'ı̨ t'à eyaelı̨. Eyıt'à Paul yets'àèhtła, yegha yaı̨htı tł'axǫǫ̀, edılà yek'e ayį̀į̀hwhǫ gà k'aàt'ıì ayį̀į̀là.

Zezì Wecheekeèdeè 6:6

Eyı dǫ haàtłǫǫ sìı Zezì wecheekeèdeè gà nègogį̀ı̨wa eyıts'ǫ gokwìt'a dageèhdì gà gok'eèyagı̨ı̨htı.

Zezì Wecheekeèdeè 8:17

Eyıt'à Peter eyıts'ǫ John gokwìt'a dageèhdì gà Yedàyeh Nezı̨ı̨ gık'e ajà.

Zezì Wecheekeèdeè 9:12

Saul wenazhıı xègoèht'į̀ ekò dǫ Ananıas wìyeh yets'àèhtła gà edılà yek'e ayį̀į̀là t'à wegha xènagoèht'į̀ ajà,” gots'ǫ̀ K'àowo yèhdı.

Zezì Wecheekeèdeè 9:17

Eyıt'à Ananıas eyı kǫ̀ ts'ǫ̀ èhtła gà ekǫ goyaèhtła. Saul wekwìt'a dawhehdì gà hayèhdı, “Sèot'ı̨ Saul, tı̨lı k'e jǫ ts'ǫ̀ naı̨tłe ekò gots'ǫ̀ K'àowo Zezì nets'ǫ̀ wègoèht'į̀ ı̨lèe sìı nets'ǫ̀ sı̨ı̨hɂà. Nedaà xègaat'ı̨ anade ha eyıts'ǫ Yedàyeh Nezı̨ı̨ nek'e ade ha nets'ǫ̀ sı̨ı̨hɂà,” yèhdı.