Mark 5:22 - Nǫ̀htsı̨ Nı̨htł'è

²² Dǫ ı̨łè ełègehdèe-kǫ̀ gha k'àowo, Jaırus wìyeh, ekǫ nììtła. Zezì eɂı̨ ts'ǫ̀et'ıì yegà nàgòı̨hgè

Mark 5:22 ပူးပေါင်းရင်းမြစ်များ

Matthew 2:11

Eyı kǫ̀ goyageède ekò, bebìa eyıts'ǫ wemǫ Mary gıaɂı̨. Bebìa gà nàgògı̨ı̨hgè xè gıghàsǫedı. Eyı tł'axǫǫ̀ sǫǫ̀mbaekwo, wet'à ło łekǫǫ dèk'ǫ̀ǫ eyıts'ǫ yìk'eetł'òo dètìı xàgı̨ı̨wa gà bebìa ghàgı̨ı̨la.

Mark 5:33

Eyı ts'èko wexè dàgòjàa sìı yek'èezǫ t'à Zezì gà nàgòı̨hgè. Sıì dejı̨ t'à ts'ehłı̨ lat'ı̨, wets'ǫ̀ dànàhòwoo sìı yeghǫ ehkw'ı xàyaı̨htı.

Mark 5:38

Jaırus wekǫ̀ nègı̨ı̨de ekò dǫ łǫ t'eekoa ghǫ hòtł'ò getse t'à nàdahoowo nǫǫ̀.

Luke 13:14

Nǫ̀htsı̨ Dzęę̀ k'e Zezì k'aàt'ıì ayį̀į̀là t'à, ełègehdèe-kǫ̀ gha k'àowo wek'èch'a. Eyıt'à dǫ hazǫǫ̀ ts'ǫ̀ hadı, “Eghàlats'eeda gha ek'ètaı dzęę̀ whela hǫt'e. K'aàt'ıì aahde ha dahwhǫ nı̨dè eyı dzęę̀ k'e aaht'ı̨, hanìkò Nǫ̀htsı̨ Dzęę̀ k'e haaht'ı̨-le,” gòhdı.

Luke 5:8

Sımon-Peter hanì nàhòwo yaɂı̨ ekò Zezì ts'ǫ̀ nàgòı̨hgè gà hayèhdı, “Sets'ǫ̀ K'àowo, hołı̨ı̨-hohtsı̨ı̨-dǫǫ̀ aht'e t'à segà anet'ı̨-le,” yèhdı.

Luke 8:28

Zezì eɂı̨ ekò hòtł'ò whezeh gà yekè gà nàgòı̨hgè, ezeh xè hadı, “Zezì, Nǫ̀htsı̨ wenahk'e gǫ̀hłı̨-le Weza, ayìıha sek'alaąwo. Hoìla ası̨ı̨le-le neghǫnàdaehtì,” yèhdı.

Zezì Wecheekeèdeè 13:15

Moses wenàowoò eyıts'ǫ nakwenàoɂǫǫ gını̨htł'è k'eyagı̨ı̨htı tł'axǫǫ̀ ełègehdèe-kǫ̀ gha k'aodèe gı̨ı̨lı̨ı̨ sìı Paul eyıts'ǫ Barnabas ts'ǫ̀ yatı nègı̨ı̨ɂǫ, “Sèot'ı̨ı̨, yatı nezı̨ı̨ dǫ ghàahɂà ha dahwhǫ-ı̨dè gots'ǫ̀ haahdı,” gògedı.

Zezì Wecheekeèdeè 18:17

Eyıt'à dǫ hazǫǫ̀ Sostenes, ełègehdèe-kǫ̀ gha k'àowo elı̨ı̨ sìı, nàyaetıı-kǫ̀ gà dagıachì eyıts'ǫ gıkwǫ̀ǫyaà-gı̨į̀là. Hagòjà kò k'àowo Gallıyo gots'ǫ̀ nıɂà-le.

Zezì Wecheekeèdeè 18:8

Crıspus, ełègehdèe-kǫ̀ gha k'àowo elı̨, eyıts'ǫ wekǫ̀ nàgedèe sìı hazǫǫ̀ Zezì gıgha ehkw'ı-ahodıì agejà. Eyıts'ǫ kǫ̀ta Corınth gots'ǫ dǫ łǫ gıìkw'oo sìı gıgha ehkw'ı-ahodı t'à gık'ètaìdzǫ.

John Wenazhıı 22:8

Sı̨ sìı John aht'e; eyı weehɂı̨ xè weèhkw'ǫ hǫt'e. T'asìı hazǫǫ̀ weehɂı̨ xè weèhkw'ǫ tł'axǫǫ̀ yak'eet'ı̨į̀ eyı hazǫǫ̀ weghàehdaà asį̀į̀làa sìı weghàsǫehdı ha wekè gà nàgòıhgè.