Mark 5:15 - Nǫ̀htsı̨ Nı̨htł'è

¹⁵ Zezì ghǫ nègı̨ı̨de ekò eyı dǫ ı̨nìłı̨ı̨ łǫ wets'ǫ̀-èlı̨ ı̨lèe sìı ts'èwhı̨į̀ eyı wheda gıaɂı̨. Goht'ǫ yìı wheda xè wınì k'aàt'ıì ajà, eyıt'à dǫ geèhyeh.

Mark 5:15 ပူးပေါင်းရင်းမြစ်များ

Matthew 12:29

“K'achı̨ dıı hats'edı ghǫ nànıahdè: dǫ nàtsoo t'akwełǫ̀ǫ̀ dawets'eèzà lenǫsıı wekǫ̀ enìxàts'eezhì gà wets'ǫ t'asìı ts'eeɂį̀ ha dìì. Dawets'eèzà tł'axǫǫ̀ nı̨dè zǫ wekǫ̀ gots'ǫ t'asìı ts'eeɂį̀ ha dìì-le.

Matthew 26:53

Setà weehkè nı̨dè ekòet'ıì yak'eet'ı̨į̀ ı̨łèakw'eènǫ-lemì sets'ǫ̀ ayele ha wek'èahsǫ-le nì?

Matthew 4:24

Syrıa nèk'e hazǫǫ̀ wegodıì gıìkw'o t'à dǫ eyagı̨ı̨lı̨ı̨ sìı hazǫǫ̀ Zezì ts'ǫ̀ gogeèwa. Dǫ tàda deè t'à eyagı̨ı̨lı̨ı̨, dǫ ı̨nìłı̨ı̨ gıts'ǫ̀-èlı̨ı̨, dǫ edoo t'à eyagı̨ı̨lı̨ı̨, eyıts'ǫ dǫ gıkw'ǫǫ̀ ełaı̨dèe sìı hazǫǫ̀ Zezì k'aàt'ıì agǫǫ̀là.

Matthew 9:33

Zezì ı̨nìłı̨ı̨ xàdeèzhì tł'axǫǫ̀, eyı dǫ gode-le ı̨lèe sìı godeè ajà. Dǫ hazǫǫ̀ gıgha enıìyah dìì t'à hagedı, “Israel nèk'e dıı hagòjà ts'aɂı̨ whìle,” gedı.

Mark 5:14

Dǫ gogòò k'ègedìı gı̨ı̨lı̨ı̨ sìı natı̨mǫgeèhde. Gıxè dàgòjàa sìı kǫ̀ta yàgòlaa hazǫǫ̀ dǫ ts'ǫ̀ hagedı. Eyıt'à dǫ hazǫǫ̀ dàgòjàa sìı geɂį̀ ha gı̨ı̨wǫ t'à ekǫ geède.

Mark 5:16

Dǫ gıdaà nàhòwoo sìı eyı dǫ ı̨nìłı̨ı̨ wets'ǫ̀-èlı̨ı̨ ı̨lèe sìı dànì k'aàt'ıì ajà eyıts'ǫ gogòò xè dàgòjàa sìı dǫ hazǫǫ̀ ts'ǫ̀ hagedı.

Mark 5:18

Zezì elà yìetła ekò dǫ ı̨nìłı̨ı̨ wets'ǫǫ̀ xàèdee sìı Zezì ghǫnàdaetì, hadı, “Nexè awehde,” yèhdı.

Mark 5:4

Wılà eyıts'ǫ wekè satsǫ̀tł'ıì t'à ełeetł'ı̨į̀ agehɂı̨ zǫ ı̨lè, hanìkò satsǫ̀tł'ıì tàyeehdlà eyıts'ǫ satsǫ̀ wekè k'e wheɂǫǫ sìı nàyeezhì. Įzhıì ts'ǫ̀ yııtǫ̀ gha dǫ hanàı̨htso gǫ̀hłı̨-le.

Mark 5:9

Zezì dayeehke, “Dànìyeh?” yèhdı. “Įnìłı̨ı̨ łǫ sets'ǫ̀-èlı̨ t'à, ‘Łǫ’ sìyeh,” dǫ hadı.

Luke 10:39

Wedè Mary wìyeh ededı̨ t'aa Zezì gà wheda, ayìı dàdıı sìı yeèhkw'ǫ.

Luke 8:27

Zezì tàèhtła ekò eyı kǫ̀ta gots'ǫ dǫ ı̨nìłı̨ı̨ łǫ wets'ǫ̀-èlı̨ yeghǫ nììtła. Eyı dǫ whaà gots'ǫ goht'ǫ yìı̨dà-le eyıts'ǫ kǫ̀ goyìı nàı̨dè-le, kwe yìı dǫkw'ǫǫ̀ whelaa ta nàdè.

Colosse 1:13

Togoòtł'òo dǫ ts'ǫ̀ k'àhowo gots'ǫ edaxàgoı̨la t'à, Edeza ghǫneètǫǫ sìı wenàowoò k'ę̀ę̀ hòɂǫǫ ts'ǫ̀ agǫ̀ǫ̀là.

2 Tımothy 1:7

Nǫ̀htsı̨ edets'ǫ Įnì Degaı goghàyı̨ı̨ɂǫǫ sìı wet'à goınì nàtso-le ade ha ayį̀į̀là nıìle, hanìkò wets'ǫ Įnì Degaı wet'à goınì nàtso ha, ełeghǫnets'eètǫ eyıts'ǫ nezı̨į̀ edek'èts'edì ha goghàyı̨ı̨ɂǫ hǫt'e.