Mark 4:7 - Nǫ̀htsı̨ Nı̨htł'è

⁷ Wet'à t'asìı dehshee mǫ̀hdaa ı̨chį̀ghoò ta nàı̨tł'ı t'à ełexè dèhshǫ; ı̨chį̀ghoò yenahk'e nàtso t'à ełaı̨dè, eyıt'à wets'ǫ t'asìı dèhshǫ-le.

Mark 4:7 ပူးပေါင်းရင်းမြစ်များ

Matthew 13:22

Dǫ mǫ̀hdaa sìı wet'à t'asìı dehshee ı̨chį̀ghoò ta nàı̨tł'ı lagı̨ı̨t'e. Godı gıìkw'o hanìkò t'asìı łǫ ghǫ nànıgedè eyıts'ǫ sǫǫ̀mba łǫ gı̨ı̨wǫ t'à edeghǫyageeɂà lanì geeda. Eyıt'à yatı nezı̨ı̨ wedıhogehtsı̨ xè t'asìı nezı̨ı̨ wı̨ı̨zìı xàhogehwhı-le.

Matthew 13:7

Wet'à t'asìı dehshee mǫ̀hdaa ı̨chį̀ghoò ta nàı̨tł'ı t'à ełexè dèhshǫ; ı̨chį̀ghoò yeɂǫ̀ǫ̀ nànı̨ı̨htso t'à ełaı̨dè.

Matthew 13:8

Hanìkò mǫ̀hdaa dèè nezı̨ı̨ k'e nàı̨tł'ı. Nezı̨į̀ dèhshǫ eyıts'ǫ t'aàtłǫ dèè k'e nàı̨tł'ıı sìı ı̨łèakw'eènǫ, ek'ètaènǫ, hanì-le-ı̨dè taènǫ deɂǫ̀atłǫ ts'ǫ̀ xànı̨ı̨shǫ.

Mark 4:6

Sadeè sıì nàtso t'à weɂı̨t'ǫ̀ą whegǫǫ̀ xè ełaı̨dè. Weghochı̨į̀ nedè-le t'à whegǫǫ̀ ajà.

Mark 4:8

Hanìkò mǫ̀hdaa dèè nezı̨ı̨ k'e nàı̨tł'ı. Nezı̨į̀ dèhshǫ eyıts'ǫ t'aàtłǫ dèè k'e nàı̨tł'ıı sìı taènǫ, ek'ètaènǫ, hanì-le-ı̨dè ı̨łèakw'eènǫ deɂǫ̀atłǫ ts'ǫ̀ xànı̨ı̨shǫ,” gòhdıì goxè godo.

Luke 12:15

Zezì dǫ hazǫǫ̀ ts'ǫ̀ hadı, “Edexoahdı, ets'edì-le hazǫǫ̀ xàɂaa ch'à edexoahdı! Dǫ t'asìı łǫ wets'ǫ t'à zǫ eda nıìle,” gòhdı.

Luke 21:34

“Edexoahdı! Aahdǫ xè sìgoèt'ı̨ı̨ zǫ k'alaahdè-le eyıts'ǫ t'asìı łǫ ghǫ nànıahdè-le. T'asìı wet'àaɂà-le t'à naxıdzeè nàtso-le awede sǫ̀ǫ̀. Naxınaàhtǫ eyı dzęę̀ k'e nèhòkw'o nı̨dè hǫtsaa naxık'èchıìtła lagode ha.

Luke 8:14

Dǫ mǫ̀hdaa sìı wet'à t'asìı dehshee ı̨chį̀ghoò ta nàı̨tł'ı lagı̨ı̨t'e. Godı gıìkw'o, hanìkò t'asìı łǫ ghǫ nànıgedè xè sǫǫ̀mba łǫ gı̨ı̨wǫ eyıts'ǫ sìgoèt'ı̨ gı̨ı̨wǫ t'à geèzhè-le.

Luke 8:7

Mǫ̀hdaa ı̨chį̀ghoò ta nàı̨tł'ı t'à ełexè dèhshǫ; ı̨chį̀ghoò yeɂǫ̀ǫ̀ nànı̨ı̨htso t'à ełaı̨dè.